ຂປລ
ກອງປະຊຸມ ສຳມະນາ ສິດທິມະນຸດຈີນ-ອາຟຣິກາ ຄັ້ງທຳອິດ ໄດ້ຈັດຂຶ້ນ ເມື່ອບໍ່ດົນມານີ້ຢູ່ ນະຄອນຫລວງ ອາດິສອາເບບາ ປະເທດ ເອທີໂອປີ.
ຂປລ.ວິທະຍຸໂທລະພາບສູນກາງຈີນ, ກອງປະຊຸມ ສຳມະນາ ສິດທິມະນຸດຈີນ-ອາຟຣິກາ ຄັ້ງທຳອິດ ໄດ້ຈັດຂຶ້ນ ເມື່ອບໍ່ດົນມານີ້ຢູ່ ນະຄອນຫລວງ ອາດິສອາເບບາ ປະເທດ ເອທີໂອປີ. ເຈົ້າໜ້າທີ່ລັດຖະບານ, ຜູ້ຊ່ຽວຊານ ໃນດ້ານສິດທິມະນຸດ, ພ້ອມດ້ວຍ ຜູ້ຕາງໜ້າ ອົງການຈັດຕັ້ງສັງຄົມ ທີ່ກ່ຽວຂ້ອງ, ວິສາຫະກິດ, ຄັງປັນຍາ, ສື່ມວນຊົນ ແລະ ອື່ນໆຫລາຍກວ່າ 200 ຄົນ ທີ່ມາຈາກ ສປ ຈີນ ແລະ 40 ກວ່າປະເທດໃນອາຟຣິກາ ໄດ້ເຂົ້າຮ່ວມ ເພື່ອປຶກສາຫາລື ພາຍໃຕ້ຫົວຂໍ້ “ສ້າງປະຊາຄົມ ຮ່ວມຊາຕາກຳຈີນ-ອາຟຣິກາ, ຮ່ວມກັນບັນລຸສິດທິ ໃນການພັດທະນາ”.ກອງປະຊຸມ ສຳມະນາຄັ້ງນີ້ ເປັນເວທີສົນທະນາ ລັກສະນະກົນໄກ ທີ່ກໍ່ຕັ້ງຂຶ້ນເພື່ອຈັດຕັ້ງປະຕິບັດ “ແຜນດຳເນີນງານປັກກິ່ງ ຂອງເວທີປຶກສາຫາລືການຮ່ວມມື ຈີນ-ອາຟຣິກາ (2025-2027)” ແລະ ເພີ່ມທະວີ ການແລກປ່ຽນ ແລະ ການຮ່ວມມືກັນລະຫວ່າງ ສປ ຈີນ ກັບປະເທດໃນອາຟຣິກາ ໃນດ້ານສິດທິມະນຸດ. ມື້ດຽວກັນ, ກອງປະຊຸມ ໄດ້ປະກາດ “ຄວາມເຫັນທີ່ເປັນເອກະພາບກັນອາດິສອາເບບາ ກ່ຽວກັບ ສິດທິໃນການພັດທະນາ ລະຫວ່າງ ສປ ຈີນ ແລະ ອາຟຣິກາ”./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
