ຂປລ
ຂປລ. ຄະນະຜູ້ແທນຂັ້ນສູງນະຄອນຫລວງວຽງຈັນ (ນວ) ນໍາໂດຍ ສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນະຄອນຫລວງວຽງຈັນ ໄດ້ເດີນທາງໄປຢ້ຽມຢາມ ແລະ ເຮັດວຽກຢ່າງເປັນທາງ ຢູ່ແຂວງຮ່າຕິງ ສສ ຫວຽດນາມ
ຂປລ. ຄະນະຜູ້ແທນຂັ້ນສູງນະຄອນຫລວງວຽງຈັນ (ນວ) ນໍາໂດຍ ສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນະຄອນຫລວງວຽງຈັນ ໄດ້ເດີນທາງໄປຢ້ຽມຢາມ ແລະ ເຮັດວຽກຢ່າງເປັນທາງ ຢູ່ແຂວງຮ່າຕິງ ສສ ຫວຽດນາມ ແຕ່ວັນທີ 14-16 ພຶດສະພາ 2025 ເພື່ອພົບປະສອງຝ່າຍ ກັບຄະນະຜູ້ແທນຂັ້ນສູງ ແຂວງຮ່າຕິງ ນຳໂດຍ ສະຫາຍ ຫງວຽນ ຢຸ້ຍ ເລີມ ເລຂາພັກແຂວງຮາຕິງ ສສ ຫວຽດນາມ.
ໂອກາດນີ້, ສອງຝ່າຍໄດ້ແລກປ່ຽນຂໍ້ມູນຂ່າວສານ ກ່ຽວກັບສະພາບເສດຖະກິດ-ສັງຄົມ ຂອງສອງທ້ອງຖິ່ນ ເຊິ່ງ ສະຫາຍ ຫງວຽນ ຢຸ້ຍ ເລີມ ເລຂາພັກແຂວງຮ່າຕິງ ໄດ້ສະເໜີແຜນການຮ່ວມມື ລະ ຫວ່າງ ແຂວງຮ່າຕິງ ແລະ ນະຄອນຫລວງວຽງຈັນ ໃນຕໍ່ໜ້າໃຫ້ມີການແລກປ່ຽນຄະນະຜູ້ແທນຂັ້ນສູງ ແລະ ຄະນະວິຊາການ ໃນທຸກຂົງເຂດຮ່ວມກັນ, ຮ່ວມມືໃນການອໍານວຍຄວາມສະດວກ ໃຫ້ພາກທຸ ລະກິດ ໄດ້ມີການຮ່ວມມືກັນ ແລກປ່ຽນຂໍ້ມູນຂ່າວສານ, ການໂຄສະນາຜະລິດຕະພັນສິນຄ້າ, ຮ່ວມມືດ້ານການສຶກສາ ແລະ ສະເໜີໃຫ້ນະຄອນຫລວງວຽງຈັນ ຊ່ວຍເຫລືອຄະນະປະຕິບັດງານພິເສດ ຂອງແຂວງຮ່າຕິງ ໃນການຂຸດຄົ້ນຊອກຫາອັດຖິທະຫານ ແລະ ຊ່ຽວຊານຫວຽດນາມ ທີ່ເສຍຊິວິດຢູ່ນະ ຄອນຫລວງວຽງຈັນ ເຊິ່ງ ສະຫາຍ ອານຸພາບ ຕຸນາລົມ ເຫັນດີເປັນເອກະພາບຕໍ່ການສະເໜີ ຂອງ ສະຫາຍ ເລຂາພັກແຂວງຮ່າຕິງ, ພ້ອມທັງສະເໜີເພີ່ມເຕີມໃນການຮ່ວມມື ຂອງສອງທ້ອງຖິ່ນຮ່ວມກັນ ໂດຍສະເພາະ ໃນຂົງເຂດການເມືອງ ໃຫ້ມີການໄປມາຫາສູ່ກັນຢ່າງເປັນປົກກະຕິ, ສົ່ງເສີມການທ່ອງ ທ່ຽວ ໂດຍອີງໃສ່ທ່າແຮງຂອງສອງທ້ອງຖິ່ນ ສະໜັບສະໜູນສົ່ງເສີມວຽກງານການຄ້າ, ແລກປ່ຽນຜະ ລິດຕະພັນອຸປະໂພກ-ບໍລິໂພກ ສະເໜີໃຫ້ນັກລົງທຶນຂອງແຂວງຮາຕິງ ໄດ້ໄປລົງທຶນໃນເຂດເສດຖະ ກິດພິເສດນະຄອນຫລວງວຽງຈັນ ໂດຍສະເພາະການສ້າງໂຮງງານຜະລິດຫົວອາຫານ ໂດຍອີງໃສ່ທິດທາງຍຸດທະສາດການຮ່ວມມື ຂອງສອງພັກ, ສອງລັດ ໃຫ້ປະກົດຜົນເປັນຈິງ.
ໂອກາດດຽວກັນ, ຄະນະຜູ້ແທນຂັ້ນສູງ ນະຄອນຫລວງວຽງຈັນ ຍັງໄດ້ເດີນທາງໄປຢ້ຽມຢາມ ເຂດເສດຖະກິດພິເສດທ່າເຮືອນໍ້າເລິກຫວຸ່ງອ່າງ, ຢ້ຽມຊົມທ່າເຮືອຫວຸ່ງອ່າງ ລາວ-ຫວຽດນາມ ທີ່ເປັນໂຄງການຮ່ວມມື ລາວ-ຫວຽດນາມ.
ຂໍ້ມູນ-ພາບ: ໜັງສືພິມວຽງຈັນໃໝ່
KPL
