ຂປລ
ວິກິດການ ຢູ່ເຂດຕາເວັນອອກາງ ແມ່ນສະພາວະສຸກເສີນ ທາງມະນຸດສະທຳຢ່າງຮ້າຍແຮງ; ພ້ອມທັງເນັ້ນໜັກວ່າ ປະຊາຊົນທຸກຄົນ ພວມອົບພະຍົບໄປລີ້ໄພ ຕ້ອງໄດ້ຮັບປະກັນ ຄວາມປອດໄພ. ຕາມ UNHCR ແລ້ວ, ວິກິດການ ຢູ່ຕາເວັນອອກາງ
ຂປລ. ວິທະຍຸກະຈາຍສຽງ ຫວຽດນາມ: ເມື່ອບໍ່ດົນມານີ້, ຂ້າຫລວງໃຫຍ່ ສະຫະປະຊາຊາດ (ສປຊ) ກ່ຽວກັບຊາວລີ້ໄພ (UNHCR) ໄດ້ປະກາດວ່າ: ວິກິດການ ຢູ່ເຂດຕາເວັນອອກາງ ແມ່ນສະພາວະສຸກເສີນ ທາງມະນຸດສະທຳຢ່າງຮ້າຍແຮງ; ພ້ອມທັງເນັ້ນໜັກວ່າ ປະຊາຊົນທຸກຄົນ ພວມອົບພະຍົບໄປລີ້ໄພ ຕ້ອງໄດ້ຮັບປະກັນ ຄວາມປອດໄພ. ຕາມ UNHCR ແລ້ວ, ວິກິດການ ຢູ່ຕາເວັນອອກາງ, ເລີ່ມແຕ່ວັນທີ 28 ກຸມພາ ຜ່ານມາ ເມື່ອສ.ອາເມລິກາ ແລະ ອິດສະຣາແອນ ບຸກໂຈມຕີເຂົ້າ ອີຣານ ເຮັດໃຫ້ ການປະທະກັນ ໄດ້ແຜ່ລາມອອກໄປ ສູ່ວົງກວ້າງ, ສົ່ງຜົນໃຫ້ປະຊາຊົນ ຈຳນວນຫລວງຫລາຍ ຕ້ອງເສຍຊີວິດ ແລະ ປະລະເຮືອນຊານ.
ທ່ານ ອາຍາກິ ອິໂຕະ (Ayaki Ito), ເຈົ້າໜ້າທີ່ຂັ້ນສຸງ ຢູ່ UNHCR ໃຫ້ຮູ້ວ່າ ການເພີ່ມທະວີ ເປັນປໍລະປັກ ແລະ ບັນດາບັ້ນບຸກໂຈມຕີ ເມື່ອບໍ່ດົນມານີ້ ຢູ່ຕາເວັນອອກກາງ ໄດ້ເຮັດໃຫ້ ປະຊາຊົນ ຈຳນວນຫລາຍພໍສົມຄວນ ຕ້ອງອົບພະຍົບ. ນອກຈາກນັ້ນ, ທ່ານ ອາຍາກິ ອິໂຕະ ຍັງຮຽກຮ້ອງໃຫ້ເອົາໃຈໃສ່ ຢ່າງຮີບດ່ວນ ຕໍ່ວິກິດການມະນຸດສະທຳ ຢູ່ເຂດຕາເວັນອອກກາງ, ກະຕຸກຊຸກຍູ້ ບັນດາ ຝ່າຍຢຸດຍິງ ແລະ ສ້າງໂອກາດໃຫ້ແກ່ສັນຕິພາບ./
KPL
