ຂປລ
ສະໜາມບິນ ສາກົນ ເຕໂຈ (Techo) ຂອງກຳປູເຈຍ ຄາດວ່າ ຈະເປີດບໍລິການ ຢ່າງເປັນທາງການ ໃນວັນທີ 10 ກໍລະກົດປີນີ້
ຂປລ.ວິທະຍຸ ສາກົນແຫ່ງ ສປ ຈີນ, ເຈົ້າໜ້າທີ່ ກະຊວງ ທີ່ປຶກສາ ແຫ່ງລັດ ດ້ານການບິນ ພົນລະເຮືອນ ກຳປູເຈຍ ເປີດເຜີຍໃຫ້ຮູ້ວ່າ ສະໜາມບິນ ສາກົນ ເຕໂຈ (Techo) ຂອງກຳປູເຈຍ ຄາດວ່າ ຈະເປີດບໍລິການ ຢ່າງເປັນທາງການ ໃນວັນທີ 10 ກໍລະກົດປີນີ້, ຮອດເວລານັ້ນ ສະໜາມບິນ ສາກົນ ພະນົມເປັນ ຈະປິດບໍລິການ ຢ່າງຮອບດ້ານ ໃນວັນດຽວກັນ ແລະ ວຽກງານທັງໝົດ ຈະຍ້າຍໄປ ສະໜາມບິນສາກົນ Techo ທີ່ສ້າງສຳເລັດໃໝ່. ສະໜາມບິນສາກົນ ພະນົມເປັນ ໄດ້ກໍ່ສ້າງໃນເມື່ອປີ 1957 ແລະ ເປີດການນຳໃຊ້ ຢ່າງເປັນທາງການ ໃນເດືອນມັງກອນປີ 1959. ໃນຫລາຍປີຜ່ານມານີ້, ສະໜາມບິນສາກົນ ພະນົມເປັນ ແມ່ນສູນກາງ ບໍລິການ ທາງອາກາດ ທີ່ສຳຄັນ ຂອງນະຄອນຫລວງ ພະນົມເປັນ ແລະ ເຂດອ້ອມຂ້າງ ມາໂດຍຕະຫລອດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
