ຂປລ
ຂປລ. ເພື່ອສະເຫລີມສະຫລອງວັນການທ້ອນໂຮມປະເທດຊາດຫວຽດນາມ ສາຍການບິນຫວຽດເຈັດ (VietJet) ໄດ້ມອບສ່ວນຫລຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທຸກຖ້ຽວບິນຮອດວັນທີ 18 ເມສາ 2025.
ຂປລ. ເພື່ອສະເຫລີມສະຫລອງວັນການທ້ອນໂຮມປະເທດຊາດຫວຽດນາມ ສາຍການບິນຫວຽດເຈັດ (VietJet) ໄດ້ມອບສ່ວນຫລຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທຸກຖ້ຽວບິນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).
ນັບແຕ່ຕົ້ນປີ 2025, VietJet ໄດ້ປະກາດເສັ້ນທາງສາກົນໃໝ່ 10 ເສັ້ນທາງທີ່ເຊື່ອມຕໍ່ກັບບັນດານະຄອນຫລວງໃຫຍ່ຂອງຫວຽດນາມ ໄປທີ່ບັນດາຈຸດໝາຍທີ່ນິຍົມ ບໍ່ວ່າຈະແມ່ນ ຈີນ, ອິນເດຍ, ຍີ່ປຸ່ນ ແລະ ສິງກະໂປ ເພື່ອເພີ່ມທະວີການຮ່ວມມືໃນທົ່ວໂລກ. ສຳລັບນັກເດີນທາງຈາກລາວ VietJet ໃຫ້ບໍລິການຖ້ຽວບິນໂດຍກົງຈາກນະຄອນຫລວງວຽງຈັນໄປຮ່າໂນ້ຍ ແລະ ນະຄອນໂຮ່ຈີ່ມິງ ເຊິ່ງເປັນເມືອງໃຫຍ່ທີ່ສຸດຂອງຫວຽດນາມ. ນອກຈາກນັ້ນ, ນັກທ່ອງທ່ຽວສາມາດໃຊ້ປະໂຫຍດນີ້ຈາກການເຊື່ອມຕໍ່ຂອງ VietJet ເພື່ອສຳຫລວດປະເທດຫວຽດນາມ ແລະ ບັນດາຈຸດທ່ອງທ່ຽວອື່ນໆໃນທົ່ວອາຊີ - ປາຊີຟິກ. ປະເທດຫວຽດນາມ ຍັງສືບຕໍ່ດຶງດູດນັກທ່ອງທ່ຽວທົ່ວໂລກ ດ້ວຍທິວທັດທີ່ສວຍງາມ, ມໍລະດົກວັດທະນະທຳອັນລ້ຳຄ່າ, ອາຫານລະດັບໂລກ ແລະ ການຕ້ອນຮັບທີ່ອົບອຸ່ນ ຈາກຫາດຊາຍອັນເກົ່າແກ່ຂອງນະຄອນດານັງ, ຍາຈາງ, ຝູ໋ກວກ, ໄປເຖິງເຂດມໍລະດົກໂລກຂອງອົງການ UNESCO ຂອງອ່າວຮ່າລອງ, ນິງບິ່ງ, ໂຮ້ຍອານ ແລະ ເຫວ້; ຕະຫລອດເຖິງຄວາມສະຫງ່າງາມທີ່ບໍ່ສິ້ນສຸດໃນນະຄອນຮ່າໂນ້ຍ ລວມໄປເຖິງເມືອງທີ່ມີຊີວິດຊີວາຂອງນະຄອນໂຮ່ຈີ່ມິງ ປະເທດຫວຽດນາມ ທີ່ໄດ້ສະເໜີບາງສິ່ງບາງຢ່າງທີ່ໜ້າສົນໃຈໃຫ້ນັກທ່ອງທ່ຽວທຸກປະເພດ.
ສາຍການບິນມີຄວາມມຸ່ງໝັ້ນເພື່ອໃຫ້ບໍລິການຖ້ຽວບິນທີ່ປອດໄພ, ມ່ວນຊື່ນກັບເຮືອທີ່ທັນສະໄໝ, ການບໍລິການທີ່ເປັນມືອາຊີບ ແລະ ການບໍລິການດ້ວຍໃຈ. ຜູ້ໂດຍສານຍັງໄດ້ກິນອາຫານທີ່ເປັນເອກະລັກຂອງຫວຽດນາມເຊັ່ນ: ເຝີ, ເຂົ້າຈີ່ປາເຕ້ ແລະ ກາເຟນົມເຢັນ, ລວມເຖິງຍັງໄດ້ຮັບຊົມກັບການສະແດງສິີລະປະຢູ່ເທິງທ້ອງຟ້າສູງ 10.000 ແມັດ.
KPL
