ຂປລ
ຂປລ. ວຽກງານອົບຮົມຫັດແອບ ແມ່ນວຽກງານໜຶ່ງທີ່ມີບົດບາດສຳຄັນ ຖືເອົາເປັນບຸລິມະສິດແຖວໜ້າ ທີ່ຕັດສິນເຖິງການເຕີບໃຫຍ່ຂະຫຍາຍຕົວ ແລະ ຄວາມເຂັ້ມແຂງຂອງກອງທັບ, ກອງທັບກັບການອົບຮົມ-ຫັດແອບ ເປັນຄືເງົາທຽມຄົນ ຕິດພັນສະນິດແໜ້ນແບບກາຍຍະອິນຊີ, ຖ້າຂາດການອົບຮົມຫັດແອບ ກອງທັບກໍຂາດວິຊາອາຄົມ, ຂາດເຕັກນິກພິກໄຫວ ແລະ ຂາດຄວາມເຂັ້ມແຂງ, ສູ້ຮົບຈະຖືກປາລາໄຊ.
ຂປລ. ວຽກງານອົບຮົມຫັດແອບ ແມ່ນວຽກງານໜຶ່ງທີ່ມີບົດບາດສຳຄັນ ຖືເອົາເປັນບຸລິມະສິດແຖວໜ້າ ທີ່ຕັດສິນເຖິງການເຕີບໃຫຍ່ຂະຫຍາຍຕົວ ແລະ ຄວາມເຂັ້ມແຂງຂອງກອງທັບ, ກອງທັບກັບການອົບຮົມ-ຫັດແອບ ເປັນຄືເງົາທຽມຄົນ ຕິດພັນສະນິດແໜ້ນແບບກາຍຍະອິນຊີ, ຖ້າຂາດການອົບຮົມຫັດແອບ ກອງທັບກໍຂາດວິຊາອາຄົມ, ຂາດເຕັກນິກພິກໄຫວ ແລະ ຂາດຄວາມເຂັ້ມແຂງ, ສູ້ຮົບຈະຖືກປາລາໄຊ. ດັ່ງນັ້ນ, ວຽກງານອົບຮົມຫັດແອບ ຈຶ່ງກາຍເປັນວຽກໜຶ່ງທີ່ສໍາຄັນ ແລະ ແມ່ນຄວາມຮັບ ຜິດຊອບ ຂອງຄະນະພັກ-ຄະນະບັນຊາ ແຕ່ລະຂັ້ນ, ນາຍ ແລະ ພົນທະຫານທຸກສະຫາຍ ຕ້ອງໄດ້ປະຕິບັດເປັນປົກກະຕິຕໍ່ເນື່ອງ ແລະ ຕັ້ງໜ້າອົບຮົມຫັດແອບການທະຫານ, ການເມືອງ, ພະລາທິການ ແລະ ເຕັກນິກ ເພື່ອຮັບໃຊ້ເຂົ້າໃນໜ້າທີ່ກຽມພ້ອມສູ້ຮົບ ແລະ ເຮັດສຳເລັດໜ້າທີ່ການເມືອງຂອງກົມກອງໃນສະເພາະໜ້າ ແລະ ຍາວນານ.
ສະຫາຍ ພັນເອກ ສຸກສະຫວັດ ດາລາສຸກ ກຳມະການຄະນະພັກກອງພົນ, ຮອງຫົວໜ້າການທະຫານ, ຫົວໜ້າຫ້ອງເສນາທິການກອງພົນທີ 3 ໄດ້ໃຫ້ຮູ້ວ່າ: ໃນ 1 ປີຜ່ານມາຄະນະພັກ-ຄະນະບັນ ຊາກອງພົນ ໄດ້ສຸມໃສ່ນຳພາ-ຊີ້ນໍາຈັດຕັ້ງປະຕິບັດຢ່າງໃກ້ຊິດ, ຊີ້ນໍາຊຸກຍູ້ກົມກອງຍົກສູງການອົບຮົມ-ຫັດແອບ ວຽກງານການທະຫານ, ການເມືອງ, ພະລາທິການ ແລະ ເຕັກນິກເປັນປົກກະຕິ, ສຶກສາອົບຮົມປຸກລະດົມແນວຄິດ ໃຫ້ພະນັກງານ-ນັກຮົບ ມີແນວຄິດການເມືອງໜັກແໜ້ນອຸ່ນອຽນ ຕໍ່ໜ້າທີ່ວິຊາສະເພາະ, ມີຄວາມສາມັກຄີເປັນປຶກແຜ່ນ, ເຊື້ອໝັ້ນຕໍ່ການນໍາພາຂອງພັກ-ລັດ ແລະ ມີສະຕິຕໍ່ອົງການຈັດຕັ້ງ, ປະຕິບັດບັນດາ ຂໍ້ກຳນົດ ກົດລະບຽບ 7 ລະບອບ 18 ວຽກ ຂອງກອງທັບວາງອອກ ເພື່ອປັບປຸງກໍາລັງໃຫ້ມີ ຄວາມເຕີບໃຫຍ່ເຂັ້ມແຂ່ງຂຶ້ນເປັນກ້າວໆ. ໃນໄລຍະ 1 ປີຜ່ານມາ ສາມາດອົບຮົມ-ຫັດແອບ ອົງການ 5 ຫ້ອງ ແລະ 22 ກົມກອງທີ່ຂຶ້ນກັບກອງພົນທະຫານຮາບທີ 3; ອົບຮົມ-ຫັດແອບທະຫານ ໃໝ່ 3 ເດືອນ ຊຸດທີ 14 ຢູ່ກອງພັນ 417; ອົບຮົມຫັດແອບຊ້ອມຮົບຂັ້ນກອງຮ້ອຍ ບຸກຕີສັດຕູຈັ້ງທ່າ ພູມີປະເທດພູຜາປ່າດົງ ນໍາໃຊ້ກຳລັງໝວດຍິງລູກປືນແທ້; ອົບຮົມ-ຫັດແອບເຫລົ່າຮົບ ວິຊາສະເພາະຍິງລູກປືນແທ້ ຂອງປ້ອງກັນອາກາດ ແລະ ປືນໃຫຍ່ໜ້າດິນ; ອົບຮົມຫັດແອບວຽກງານກຽດຕິຍົດ ແລະ ເຈົ້າໜ້າທີ່ຄຸ້ມຄອງລະບຽບ ແບບແຜນຂອງກອງທັບ; ອົບຮົມ-ຫັດແອບວິຊາລະບຽບພື້ນຖານບຸກຄົນ, ຮູບແຖວ ແລະ ການເຄົາລົບລາຍງານໃຫ້ພະນັກງານ ອົງການ 5 ຫ້ອງ ແລະ ພະນັກງານ 5 ພະແນກ ການກອງພັນໃຫຍ່ 301 ແລະ 302; ອົບຮົມ-ຫັດແອບ ນັກຮຽນນາຍສິບ ຊຸດທີ 6 ສະເລ່ຍຜົນໄດ້ຮັບ ທັງໝົດ 85%.
ສະຫາຍ ພັນເອກ ສຸກສະຫວັດ ດາລາສຸກ ກ່າວອີກວ່າ: ສຳລັບທິດທາງແຜນການ ໃນຕໍ່ໜ້າຈະສືບຕໍ່ເພີ່ມທະວີການອົບຮົມ ຫັດແອບໃຫ້ບັນດາອົງການ, ກົມກອງໃຫ້ເລິກເຊິງ ແລະ ກວ້າງຂວາງ, ສູ້ຊົນປັບປຸງ ດ້ານລະບຽບແບບແຜນ ໂດຍສະເພາະແມ່ນ 7 ລະບອບ 18 ວຽກ ຂອງກອງທັບວາງອອກ, ອົບຮົມຫົມຫັດແອບ ດ້ານສິນລະປະຍຸດ-ຍຸດທະວິທີ ໃຫ້ນາຍ ແລະ ພົນທະຫານມີຄວາມສໍານິຊໍານານ ຢ່າງເປັນປົກກະຕິ ເພື່ອຕອບສະໜອງໄດ້ວຽກງານ ການກຽມພ້ອມສູ້ຮົບທຸກສະພາບການ, ເອົາໃຈໃສ່ປັບ ປຸງບັນດາຂໍ້ກຳນົດລະບຽບ ໃຫ້ພະນັກງານ-ນັກຮົບ ໃນທັນແຖວຂອງກອງທັບ ໃຫ້ມີຄວາມເປັນເອກະພາບ ແລະ ເຂັ້ມງວດ, ຊີ້ນໍາບັນດາອົງການ, ກົມກອງອົບຮົມ-ຫັດແອບວຽກງານ 5 ສິນລະປະຍຸດ ແລະ 6 ຍຸດທະວິທີ ໃຫ້ພະນັກງນ-ນັກຮົບ ໃນທົ່ວກົມກອງຮຽນຮູ້ໄດ້ເຖິງເນື້ອໃນ ຄວາມສໍາຄັນໃຫ້ມີຄວາມສໍານິສໍານານ ແລະ ຮູ້ໝູນໃຊ້ເຂົ້າໃນວຽກງານ ກຽມພ້ອມສູ້ຮົບຢ່າງມີພິກໄຫວຄ່ອງແຄ້ວ, ລົງໃກ້ຊິດຕິດແທດຊີ້ນໍາການອົບຮົມຫັດແອບ ວິຊາສະເພາະຂອງແຕ່ລະອົງການ, ກົມກອງເຫລົ່າຮົບວິຊາສະເພາະ ໃຫ້ເປັນປົກກະຕິ ຮັບປະກັນໄດ້ທາງດ້ານການກຽມພ້ອມສູ້ຮົບ ແລະ ສາມາດສູ້ຮົບຕົວຈິງ ໄດ້ຢ່າງມີພິກໄຫວຄ່ອງແຄ້ວ.
KPL
