ຂປລ
ຂປລ. ຄະນະຜູ້ແທນຂັ້ນສູງກະຊວງພາຍໃນ ແຫ່ງຣາຊະອານາຈັກກຳປູເຈຍ ນຳໂດຍ ທ່ານ ອະພິສັນຕິບັນດິດ ຊໍ ສົກຂາ ຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນ ແຫ່ງຣາຊະອານາຈັກກຳປູເຈຍ ພ້ອມຄະນະ ໄດ້ຢ້ຽມຊົມຫໍພິພິທະພັນສິລະປະລາວ ທີ່ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ ໃນໂອກາດທີ່ໄດ້ເດີນທາງມາເຂົ້າຮ່ວມກອງປະຊຸມ ສອງຝ່າຍດ້ານຄວາມສະຫງົບ ປະຈຳປີ 2025 ທີ່ກະຊວງປ້ອງກັນຄວາມສະຫງົບລາວເປັນເຈົ້າພາບ.
ຂປລ. ຄະນະຜູ້ແທນຂັ້ນສູງກະຊວງພາຍໃນ ແຫ່ງຣາຊະອານາຈັກກຳປູເຈຍ ນຳໂດຍ ທ່ານ ອະພິສັນຕິບັນດິດ ຊໍ ສົກຂາ ຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນ ແຫ່ງຣາຊະອານາຈັກກຳປູເຈຍ ພ້ອມຄະນະ ໄດ້ຢ້ຽມຊົມຫໍພິພິທະພັນສິລະປະລາວ ທີ່ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ ໃນໂອກາດທີ່ໄດ້ເດີນທາງມາເຂົ້າຮ່ວມກອງປະຊຸມ ສອງຝ່າຍດ້ານຄວາມສະຫງົບ ປະຈຳປີ 2025 ທີ່ກະຊວງປ້ອງກັນຄວາມສະຫງົບລາວເປັນເຈົ້າພາບ.
ຫໍພິພິທະພັນສິລະປະລາວ ເປັນອີກໜຶ່ງແຫລ່ງທ່ອງທ່ຽວ ທາງວັດທະນະທຳແຫ່ງໃໝ່ ຂອງນະຄອນຫລວງວຽງຈັນ ກໍຄື ປະເທດລາວ ເຊິ່ງການເປີດສະຖານທີ່ດັ່ງກ່າວຂຶ້ນມາ ບໍ່ພຽງແຕ່ເອົາໄວ້ສຳລັບສະແດງຜົນງານສິລະປະກຳເທົ່ານັ້ນ ແຕ່ເປັນການສະແດງ ໃຫ້ເຫັນເຖິງຄວາມພະຍາຍາມໃນຄວາມມຸ່ງໝັ້ນ, ຈິດວິນຍານ ຂອງສິລະປິນລາວ, ສັກສີທາງວັດທະນະທຳ, ຄວາມເຊື່ອໝັ້ນໃນພະລັງແຫ່ງສິລະປະ ທີ່ສາມາດເຊື່ອມໂຍງຜູ້ຄົນ, ອະນຸລັກມໍລະດົກດ້ານວັດທະນະທຳຂອງຊາດ ແລະ ສ້າງແຮງບັນດານໃຈໃຫ້ຄົນໃນປັດຈຸບັນ.
ນອກຈາກນີ້, ຫໍພິພິທະພັນສິລະປະລາວ ຈະກາຍເປັນສູນກາງການຮຽນຮູ້, ການແລກປ່ຽນຄວາມຄິດສ້າງສັນ ແລະ ການພັດທະນາສິລະປະ ທີ່ສອດຄ່ອງກັບຄວາມຮ່ວມມືລະຫວ່າງ ສິລະປິນຈາກທົ່ວໂລກ ເຊິ່ງຈະມີທັງການຈັດນິເທສະການ, ການຝຶກອົບຮົມ ແລະ ກິດຈະກຳຕ່າງໆ ເພື່ອສົ່ງເສີມໃຫ້ເຍົາວະຊົນ ແລະ ສິລະປິນຮຸ່ນຕໍ່ໄປໄດ້ສືບສານ ວຽກງານແກະສະຫລັກໄມ້, ວິຈິດສິນ ແລະ ຈິດຕະ ກຳ ຕະຫລອດເຖິງການສ້າງສັນສິ່ງໃໝ່ໆ ທີ່ເປັນເອກະລັກຂອງປະຊາຊົນລາວຕໍ່ໄປ.
ຂ່າວ-ພາບ: ວສລ
KPL
