ຂປລ
ຂປລ. ໃນວັນທີ 20 ມີນາ 2025 ອົງການໄອຍະການປະຊາຊົນສູງສຸດ (ອອປສ) ຈັດກິດຈະກຳອອກແຮງງານລວມ ປັດກວດ, ເກັບມ້ຽນຂີ້ເຫຍື້ອ ຢູ່ພາຍໃນສຳນັກງານ, ດ້ານໜ້າ ແລະ ດ້ານຫລັງ ຂອງອົງການໄອຍະການປະຊາຊົນສູງສຸດ ເພື່ອຮັບຕ້ອນວັນສ້າງຕັ້ງ ພັກປະຊາຊົນປະຕິວັດລາວ (ປປ ລາວ) ຄົບຮອບ 70 ປີ ໂດຍມີບັນດາຫົວໜ້າພະແນກ, ຮອງພະແນກ, ພະນັກງານ-ລັດຖະກອນ ພາຍໃນ ອອປສ ເຂົ້າຮ່ວມຢ່າງເປັນຂະບວນ.
ຂປລ. ໃນວັນທີ 20 ມີນາ 2025 ອົງການໄອຍະການປະຊາຊົນສູງສຸດ (ອອປສ) ຈັດກິດຈະກຳອອກແຮງງານລວມ ປັດກວດ, ເກັບມ້ຽນຂີ້ເຫຍື້ອ ຢູ່ພາຍໃນສຳນັກງານ, ດ້ານໜ້າ ແລະ ດ້ານຫລັງ ຂອງອົງການໄອຍະການປະຊາຊົນສູງສຸດ ເພື່ອຮັບຕ້ອນວັນສ້າງຕັ້ງ ພັກປະຊາຊົນປະຕິວັດລາວ (ປປ ລາວ) ຄົບຮອບ 70 ປີ ໂດຍມີບັນດາຫົວໜ້າພະແນກ, ຮອງພະແນກ, ພະນັກງານ-ລັດຖະກອນ ພາຍໃນ ອອປສ ເຂົ້າຮ່ວມຢ່າງເປັນຂະບວນ.
ໂອກາດນີ້, ທ່ານ ນາງ ພອນທີບ ສາວະລີ ຫົວໜ້າກົມຈັດຕັ້ງ-ພະນັກງານ, ປະທານສະຫະພັນແມ່ຍິງ ອົງການ ອອປສ ໄດ້ມີຄໍາເຫັນ ຕໍ່ພັກປະຊາຊົນ ປະຕິວັດລາວວ່າ: ຕະຫລອດ 70 ປີ ຜ່ານມາຂອງ ພັກປະຊາຊົນ ປະຕິວັດລາວ ໄດ້ເດັດດຽວຈັດຕັ້ງນໍາພາພາລະກິດ ປົດປ່ອຍປະເທດຊາດ ເຮັດໃຫ້ປະຊາຊົນລາວບັນດາເຜົ່າ ໄດ້ຢູ່ດີ, ກິນດີ, ປະເທດຊາດໄດ້ຮັບ ການພັດທະນາຫລາຍດ້ານ, ປະຊາຊົນມີສິດເສລີພາບ, ມີຄວາມຮັກແພງສາມັກຄີປອງດອງ, ເຊື້ອໝັ້ນຕໍ່ການນຳພາຂອງພັກ; ພາຍໃຕ້ການນຳພາຂອງ ພັກປະຊາຊົນ ປະຕິວັດລາວ ອົງການໄອຍະການປະຊາຊົນ ໄດ້ຮັບການສ້າງຕັ້ງຂຶ້ນໃນເດືອນມັງກອນ ປີ 1990, ປັດຈຸບັນຄົບຮອບ 35 ປີ ເມື່ອຫວນຄືນຫລັງແລ້ວ ເຫັນວ່າອົງການໄອຍະການປະຊາຊົນ ໄດ້ເຕີບໃຫຍ່ເຂັ້ມແຂງ ແລະ ຂະຫຍາຍຕົວຢ່າງບໍ່ຢຸດຢັ້ງ ທາງດ້ານການຈັດຕັ້ງ, ບຸກຄະລາກອນ, ວຽກງານໄອຍະການປະຊາຊົນ ໄດ້ຮັບການພັດທະນາ ນັບຕັ້ງແຕ່ຂັ້ນສູນກາງ ລົງຮອດຂັ້ນທ້ອງຖິ່ນ.
ມາຮອດປັດຈຸບັນ, ອົງການໄອຍະການປະຊາຊົນ ປະກອບດ້ວຍອົງການໄອຍະການປະຊາຊົນສູງສຸດ, ອົງ ການໄອຍະການປະຊາຊົນພາກ 3 ພາກ, ອົງການໄອຍະການປະຊາຊົນແຂວງ-ນະຄອນຫລວງ 18 ແຫ່ງ, ອົງການໄອຍະການປະຊາຊົນເຂດ 46 ເຂດ, ອົງການໄອຍະການປະຊາຊົນເຂດປະຈໍາເມືອງ 22 ເມືອງ ແລະ ອົງການໄອຍະການທະຫານ ໄດ້ປະກອບສ່ວນເຂົ້າໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ຢູ່ປະເທດເຮົາ ນັບມື້ມີຄວາມສັກສິດ, ຮັບປະກັນໄດ້ສະຖຽນລະພາບ ທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ, ເປັນລະບຽບ ຮຽບຮ້ອຍໂດຍພື້ນຖານ, ເສດຖະກິດ-ສັງຄົມໄດ້ຮັບການພັດທະນາ ຕາມແນວທາງຂອງພັກທີ່ວາງໄວ້ ຢ່າງບໍ່ຢຸດຢັ້ງ.
ຂ່າວ: ກິດຕາ
ພາບ: ເກດສະໜາ
KPL
