ຂປລ
ປະຊາຊົນລາວມີມູນເຊື້ອດໝັ່ນຂະຫຍັນພຽນໃນການປູກຝັງ-ລ້ຽງສັດ ເພື່ອສ້າງເສດຖະກິດຄອບຄົວໃຫ້ກຸ້ມຢູ່ກຸ້ມກິນຕາມແນວທາງນະໂຍບາຍພັກ-ລັດ ທີ່ຍາມໃດກໍໄດ້ເອົາໃຈໃສ່ຊຸກຍູ້ສົ່ງເສີມ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ຫລຸດພົ້ນຈາກຄວາມທຸກຍາກເທື່ອລະກ້າວ.
*ປະຊາຊົນລາວມີມູນເຊື້ອດໝັ່ນຂະຫຍັນພຽນໃນການປູກຝັງ-ລ້ຽງສັດ ເພື່ອສ້າງເສດຖະກິດຄອບຄົວໃຫ້ກຸ້ມຢູ່ກຸ້ມກິນຕາມແນວທາງນະໂຍບາຍພັກ-ລັດ ທີ່ຍາມໃດກໍໄດ້ເອົາໃຈໃສ່ຊຸກຍູ້ສົ່ງເສີມ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ຫລຸດພົ້ນຈາກຄວາມທຸກຍາກເທື່ອລະກ້າວ.
ທ່ານ ບຸນເຫລືອ ຄໍາປະດິດ ບຸກຄົນຕົວແບບໃນການສ້າງເສດຖະກິດຄອບຄົວ ແລະ ກົມກອງຕົວແບບດ້ານວຽກງານວິຊາສະເພາະຂອງຫ້ອງວ່າການກະຊວງ ປກສ ທີ່ໃຊ້ເວລາຫວ່າງຈາກການເຮັດວຽກລັດຖະກອນ ເພື່ອສ້າງລາຍຮັບເພີ່ມໃຫ້ຄອບຄົວ. ທ່ານບຸນເຫລືອຄໍາປະດິດບຸກຄົນຕົວແບບໃນການສ້າງເສດຖະກິດຄອບຄົວ ແລະ ກົມກອງຕົວແບບດ້ານວຽກງານວິຊາສະເພາະຂອງຫ້ອງວ່າການກະຊວງປກສໃຫ້ຮູ້ວ່າ: ພາຍຫລັງທີ່ໄດ້ສ້າງຄອບຄົວການໃຊ້ຈ່າຍຄ່າຄອງຊີບແຕ່ລະວັນແຕ່ລະເດືອນ ແມ່ນເພີ່ມຂຶ້ນຜົວ-ເມຍ ຈຶ່ງໄດ້ປຶກສາຫາລືກັນກັບຄອບຄົວວ່າພໍຈະມີຊ່ອງທາງໃດ ທີ່ຈະຫາລາຍໄດ້ເສີມນອກຈາກເງິນເດືອນທີ່ບໍ່ລະເມີດຕໍ່ລະບຽບກົດໝາຍບ້ານເມືອງ ແລະ ບໍ່ປະລະໜ້າທີ່ວຽກງານການເມືອງ-ວິຊາສະເພາະຂອງຕົນ, ຕົນເອງຈຶ່ງເກີດມີແນວຄິດ ແລະ ສະເໜີກັບຄອບຄົວຢາກເຮັດການກະເສດເພີ່ມນອກຈາກວຽກຫລັກຂອງຕົນ.
ໃນນີ້, ຕົນເອງກໍເປັນຜູ້ໜຶ່ງທີ່ມັກຮັກໃນອາຊີບການປູກຝັງ-ລ້ຽງສັດ ແລະ ເຄີຍທົດລອງລ້ຽງສັດປະເພດແບ້ ແລະ ງົວ ຢູ່ໜ່ວຍຊາວໜຸ່ມກົມເສນາທິການ ສະໄໝເປັນເລຂາໜ່ວຍຊາວໜຸ່ມກົມເສນາທິການເຊິ່ງປະສົບຜົນສໍາເລັດແລະເປັນແບບຢ່າງມາແລ້ວ, ສົມທົບກັບການສຶກສາຂໍ້ມູນທາງຢູທູບ ແລະ ການໄປທັດສະນະສຶກສານໍາຄອບຄົວຜູ້ທີ່ເຮັດການກະເສດ ແລະ ຄອບຄົວກໍເຫັນດີນໍາ. ຈາກນັ້ນ, ກໍເລີ່ມລົງທຶນໃສ່ການປູກຝັງ ແລະ ລ້ຽງສັດໃນປີ 2020 ເປັນຕົ້ນມາ, ເຊິ່ງເນື້ອທີ່ທໍາການຜະລິດ ມີ1 ເຮັຕາກັບ 2 ໄລ່ ແລະ ຍັງບໍ່ທັນບຸກເບີກອີກຈໍານວນໜ່ຶງ, ມີໜອງປາ 4 ໜອງ, ການລ້ຽງງົວ ແລະ ລ້ຽງແບ້ແມ່ນແຍກເປັນສອງບ່ອນລ້ຽງຄື: ງົວລ້ຽງຢູ່ສວນຕອນນີ້ກໍຄືທີ່ບ້ານໜອງຍາວ ເມືອງນາຊາຍທອງ ນະຄອນຫລວງວຽງຈັນ ມີງົວ 14 ໂຕ, ການລ້ຽງແມ່ນປ່ອຍອອກໄປກິນຫຍ້າຕາມທໍາມະຊາດ, ໃນໄລຍະເຮັດນາແມ່ນໃຫ້ຄົນລ້ຽງຕິດຕາມຫລືລ່າມແລະມີເຟືອງ ຫລື ຕົ້ນກ້ວຍເປັນອາຫານເພີ່ມ, ໝູ ພໍ່-ແມ່ພັນ 4 ໂຕ, ລູກ 7 ໂຕ ແລະ ສັດລ້ຽງອື່ນໆ, ການລ້ຽງແມ່ນຈະລ້ອມຮົ້ວເປັນລ໋ອກ, ເຮັດຄອກເພື່ອກັນບໍ່ໃຫ້ໄປຊະຊາຍ ແລະ ປູກ ຕົ້ນໄມ້ດູ່, ໄມ້ຄະຍຸງ, ໜໍ່ໄມ້ ແລະ ຕົ້ນໄມ້ກິນໝາກອື່ນໆອີກຈໍານວນໜຶ່ງ, ສ່ວນງົວ-ແບ້ ອີກຈຳນວນໜຶ່ງແມ່ນໃຫ້ປະຊາຊົນລ້ຽງຢູ່ທີ່ບ້ານນາກຸງ ເມືອງໄຊທານີ ນະຄອນຫລວງວຽງຈັນ, ເຮັດສັນຍາລ້ຽງແບ່ງປັນຜົນ, ການລົງທຶນເບ້ືອງຕ້ົນນັບແຕຈົກໜອງປາ, ຊື້ແນວພັນງົວ, ແບ້, ໝູ, ເປັດ-ໄກ່, ປາ ແລະ ຊື້ແນວພັນຕົ້ນໄມ້ໃຊ້ງົບປະມານລວມທັງໝົດ 300.000.000 ກວ່າລ້ານກີບ, ມາເຖິງປັດຈຸບັນກໍມີທ່າຂະຫຍາຍຕົວກ້າວຂຶ້ນ ແລະ ໄດ້ເກັບກ່ຽວສົ່ງຂາຍສ້າງລາຍໄດ້ມາໃຫ້ຄອບຄົວແຕ່ລະເດືອນຢ່າງຕໍ່ເນື່ອງ.
ທ່ານບຸນເຫລືອໃຫ້ຮູ້ຕື່ມວ່າ: ພາຍຫລັງທີ່ມີອາຊີບເສີມກໍຄືການປູກຝັງ-ລ້ຽງສັດ ຊີວິດການເປັນຢູ່ຄອບຄົວແມ່ນດີຂຶ້ນຕາມລໍາດັບ, ຜົນກຳໄລຈາກການຂາຍແຕ່ລະຄັ້ງກໍໃຊ້ຈ່າຍບໍລິຫານໃນຄອບຄົວ ແລະ ຈໍານວນໜຶ່ງກໍເກັບທ້ອນໂຮມ, ສ່ວນເງິນເດືອນຂອງສອງຜົວ-ເມຍ ກໍເຂົ້າຫວຍເງິນເດືອນຢູ່ຫ້ອງການ, ເວລາທີ່ເໝາະສົມກໍສົມທົບເອົາເງິນຫວຍບວກກັບເງິນທີ່ໄດ້ຈາກການຂາຍຜົນຜະລິດຕ່າງໆກໍໄດ້ເອົາມາແປງເຮືອນ, ຊື້ວັດຖຸ-ພາຫະນະຮັບໃຊ້ຄອບຄົວເຮັດໃຫ້ຊີວິດການເປັນຢູ່ດີຂຶ້ນ, ເວລາຍາດຕິພີ່ນ້ອງ ຫລື ການຈັດຕັ້ງ, ໝູ່ເພື່ອນມາຢ້ຽມຢາມກໍມີບ່ອນພັກພາອາໄສ, ບໍ່ເປັນພາລະຂອງການຈັດຕັ້ງ ແລະ ສັງຄົມ.
ໂດຍ: ລູກສາວຫລ້າ
KPL
