ຂປລ
ໄປສະນີ ແຫ່ງສະຫະປະຊາຊາດ (UNPA) ເປີດຕົວ ສະແຕມ ຊຸດພິເສດ ເນື່ອງໃນໂອກາດ ບຸນປີໃໝ່ ປະຈຳປີ 2025 ຂອງຈີນ ຊຶ່ງກົງກັບ ປີມະເສງ ຕາມປະຕິທິນ ຈັນທະລະຄະຕິ ຈີນ ໂດຍປະກອບດ້ວຍ ສະແຕມ 10 ດວງ
ຂປລ.ສຳນັກຂ່າວ ຊິນຮວາຂອງ ສປຈີນ ລາຍງານວ່າ: ໄປສະນີ ແຫ່ງສະຫະປະຊາຊາດ (UNPA) ເປີດຕົວ ສະແຕມ ຊຸດພິເສດ ເນື່ອງໃນໂອກາດ ບຸນປີໃໝ່ ປະຈຳປີ 2025 ຂອງຈີນ ຊຶ່ງກົງກັບ ປີມະເສງ ຕາມປະຕິທິນ ຈັນທະລະຄະຕິ ຈີນ ໂດຍປະກອບດ້ວຍ ສະແຕມ 10 ດວງ ຊື່ງລາຄາ ດວງລະ 1,65 ໂດລາສະຫະລັດ ເປັນລວດລາຍ ງູສີແດງ ກ້ຽວກັນ 4 ໂຕ.
ວັດທະນະທຳຈີນ ຖືເປັນ ການເຊື່ອມກັນ ເປັນວົງກົມ ລະຫວ່າງ ຫົວກັບຫາງ ສຳຜັດເຖິງ ຄວາມຕໍ່ເນື່ອງທີ່ບໍ່ສິ້ນສຸດ ແລະ ສີແດງເປັນສັນຍາລັກ ພະລັງແຫ່ງຊີວິດ. ໂດຍງູແຕ່ລະໂຕ ທີ່ມີ ລວດລາຍ ເປັນເອກະລັກ ແລະ ເລືອກ່ຽວພັນກັນ ໄດ້ສະແດງເຖິງ ຄວາມອຸດົມສົມບູນ ອັນມີຊີວິດຊີວາ ຂອງນາໆຊາດ ຊຶ່ງລວມເປັນໜຶ່ງດຽວຢ່າງກົມກຽວ. ສ່ວນແຖບ ດ້ານຊ້າຍ ຂອງສະແຕມ ມີສັນຍາລັກ ຂອງ ສະຫະປະຊາຊາດ (UN) ເທິງພື້ນຫລັງ ມີສີທອງ ຊຶ່ງສາມາດ ແປະຮູບພາບ ເພື່ອການໃຊ້ງານ ສ່ວນບຸກຄົນ. /
KPL
