ຂປລ
ຂປລ. ເມື່ອບໍ່ດົນມານີ້, ຄະນະພັກ-ຄະນະອໍານວຍການ ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ນໍາໂດຍ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ແລະ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ພ້ອມຄະນະ ໄດ້ຕ້ອນຮັບການເຂົ້າຢ້ຽມອວຍພອນ ແລະ ມອບເຄື່ອງຊ່ວຍເຫລືອ ຈໍານວນໜຶ່ງ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວ ຄົບຮອບ 76 ປີ ແລະ ປີໃໝ່ ສາກົນ 2025 ຈາກພາກສ່ວນຕ່າງໆ.
ຂປລ. ເມື່ອບໍ່ດົນມານີ້, ຄະນະພັກ-ຄະນະອໍານວຍການ ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ນໍາໂດຍ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ແລະ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ພ້ອມຄະນະ ໄດ້ຕ້ອນຮັບການເຂົ້າຢ້ຽມອວຍພອນ ແລະ ມອບເຄື່ອງຊ່ວຍເຫລືອ ຈໍານວນໜຶ່ງ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວ ຄົບຮອບ 76 ປີ ແລະ ປີໃໝ່ ສາກົນ 2025 ຈາກພາກສ່ວນຕ່າງໆ.
ພາກສ່ວນທີ່ເຂົ້າອວຍພອນຄັ້ງນີ້ ປະກອບມີ: ຫ້ອງການສຶກສາທິການ ແລະ ກິລາ ເມືອງໄຊເສດຖາ ເຂົ້າອວຍພອນ ແລະ ມອບປຶ້ມແຕ່ງບົດສອນ ຈຳນວນ 138 ຫົວ, ບໍລິສັດ ຮ່ວມທຶນສຳພັນໄຊ ມາຍນິ້ງ ຈຳກັດ ມອບເສື້ອກິລາ ມູນຄ່າເກືອບ 5 ລ້ານກີບ, ປກຊ ກຸ່ມບ້ານ ແລະ ບ້ານຮາກຖານ, ນາຍບ້ານ ບ້ານນາໄຫ ພ້ອມຄະນະ ຕ່າງກໍໄດ້ອວຍພອນອັນປະເສີດ ມາຍັງໃຫ້ຄະນະພັກ ຄະນະອຳນວຍການ ພະນັກງານນັກຮົບ ທົ່ວໂຮງຮຽນ ເນື່ອງໃນໂອກາດວັນສໍາຄັນດັ່ງກ່າວ.
ໂອກາດນີ້, ສະຫາຍ ພັນເອກ ສະແຫວງ ແດນນາມົນ ໄດ້ຕາງໜ້າຄະນະພັກ, ຄະນະອຳນວຍການ, ພະນັກງານນັກຮົບ ທົ່ວໂຮງຮຽນ ຮວຜທ ສະແດງຄວາມຂອບໃຈ ມາຍັງທຸກພາກສ່ວນທີ່ເຫັນໄດ້ຄວາມໝາຍຄວາມສຳຄັນຂອງວັນດັ່ງກ່າວ ແລະ ນຳເອົາຄຳອວຍພອນອັນປະ ເສີດ ເຂົ້າມາອວຍພອນໃນຄັ້ງນີ້, ພ້ອມທັງອວຍພອນແຕ່ລະພາກສ່ວນ ຈົ່ງມີສຸຂະພາບແຂງແຮງ, ມີຄວາມສສຸກໃນຊີວິດສ່ວນຕົວ ແລະ ຄອບຄົວ ພ້ອມກັນເຮັດສຳເລັດໜ້າທີ່ ຕາມການມອບໝາຍຂອງຂັ້ນເທິງ.
ຂ່າວ: ໂອລິນ ມິ່ງມີໄຊ
KPL
