ຂປລ
ສາຍການບິນຫວຽດເຈັດ (Vietjet ) ມອບສ່ວນຫລຸດ 50% ສໍາລັບຄ່າໂດຍສານລະຫວ່າງປະເທດໄປຫວຽດນາມລວມທັງເສັ້ນທາງວຽງຈັນ ຫາ ນະຄອນໂຮ່ຈີ່ມິງ/ຮ່າໂນ້ຍໃຫ້ນັກທ່ອງທ່ຽວຕ່າງປະເທດ ໄດ້ມີໂອກາດສຳຜັດບັນຍາກາດຄວາມສວຍງາມຂອງຫວຽດນາມໃນລະດູໃບໄມ້ປົ່ງ
ຂປລ. ສາຍການບິນຫວຽດເຈັດ (Vietjet ) ມອບສ່ວນຫລຸດ 50% ສໍາລັບຄ່າໂດຍສານລະຫວ່າງປະເທດໄປຫວຽດນາມລວມທັງເສັ້ນທາງວຽງຈັນ ຫາ ນະຄອນໂຮ່ຈີ່ມິງ/ຮ່າໂນ້ຍໃຫ້ນັກທ່ອງທ່ຽວຕ່າງປະເທດ ໄດ້ມີໂອກາດສຳຜັດບັນຍາກາດຄວາມສວຍງາມຂອງຫວຽດນາມໃນລະດູໃບໄມ້ປົ່ງ ເຊິ່ງມີໃຫ້ບໍລິການໃນທຸກໆວັນສຸກ. ເລີ່ມແຕ່ມື້ນີ້ຈົນເຖິງວັນທີ 7 ກຸມພາ 2025, ຜູ້ໂດຍສານຈະໄດ້ຮັບສ່ວນຫລຸດ 50% ສໍາລັບປີ້ຊັ້ນປະຢັດ (ເປັນໄປຕາມຂໍ້ກໍານົດ ແລະ ເງື່ອນໄຂ, ບໍ່ລວມພາສີ ແລະ ຄ່າທຳນຽມ) ເຊິ່ງມີໃຫ້ບໍລິການທຸກວັນສຸກສຳລັບການເດີນທາງລະຫວ່າງວັນທີ 10 ກຸມພາ ຫາ 31 ມີນາ 2025 (ຂຶ້ນກັບຈຳນວນທີ່ນັ່ງຫວ່າງ) ຈອງໄດ້ງ່າຍໆຜ່ານ www.vietjetair.com ຫລື ແອັບມືຖື Vietjet Air.
ຫວຽດນາມເປັນປະເທດທີ່ມີທຳມະຊາດງົດງາມ, ວັດທະນະທໍາທີ່ຫລາກຫລາຍ ແລະ ທິວທັດເມືອງທີ່ສົດໃສ ເຮັດໃຫ້ເປັນຈຸດຫມາຍປາຍທາງທີ່ໜ້າຕື່ນເຕັ້ນສໍາລັບນັກທ່ອງທ່ຽວຕ່າງປະເທດທີ່ຫາບ່ອນພັກຜ່ອນທີ່ໜ້າປະທັບໃຈ ໂດຍມີທະເລທີ່ສວຍງາມຢູ່ດານັງ, ຍາຈາງ ຫລື ຝູ໋ກວກ ຈົນເຖິງເຂດມໍລະດົກໂລກຂອງ UNESCO ເຊັ່ນ: ອ່າວ ຮ່າລອງ, ນິງບິ່ງ, ໂຮ້ຍອານ ແລະ ເຫ້ວ, ສະເໜ່ຂອງນະຄອນຫລວງຮ່າໂນ້ຍ ແລະ ຖະໜົນຫົນທາງທີ່ຄຶກຄັກຂອງນະຄອນໂຮ່ຈີ່ມິງ ປະເທດຫວຽດນາມ ທີ່ຕອບສະໜອງຄວາມຕ້ອງການຂອງນັກທ່ອງທ່ຽວທຸກປະເພດ ບໍ່ວ່າທ່ານກຳລັງຊອກຫາການພັກຜ່ອນ, ການຜະຈົນໄພ ຫລື ການຮັບປະທານອາຫານດີເລີດ. ນັກທ່ອງທ່ຽວຈາກລາວສາມາດເດີນທາງໄປນະຄອນໂຮ່ຈີ່ມິງ ແລະ ຮ່າໂນ້ຍ ເຊິ່ງແມ່ນສອງນະຄອນໃຫຍ່ທີ່ສຸດຂອງຫວຽດນາມ ດ້ວຍຖ້ຽວບິນໂດຍກົງປະຈໍາວັນຂອງ Vietjet. ຈາກນັ້ນ, ຈຶ່ງສຳຫລວດຈຸດໝາຍປາຍທາງຫລາກຫລາຍແຫ່ງທົ່ວຫວຽດນາມ ດ້ວຍເຄືອຂ່າຍການບິນພາຍໃນປະເທດທີ່ກວ້າງຂວາງ. Vietjet ພູມໃຈໃນການສະເໜີຄ່າໂດຍສານທີ່ປະຢັດ ແລະ ມີຄວາມມຸ່ງໝັ້ນສັນຍາດ້ານຄວາມປອດໄພ ພ້ອມທັງການບໍລິການທີ່ດີເລີດ ເພື່ອສຳຜັດປະສົບການການເດີນທາງສູງສຸດ.
ນອກຈາກນີ້, Vietjet ຍັງໄດ້ເປີດນຳໃຊ້ເສັ້ນທາງການບິນໂດຍກົງໃໝ່ 4 ເສັ້ນທາງ ລະຫວ່າງຮ່າໂນ້ຍ ແລະ ນະຄອນໂຮ່ຈີ່ມິງ ໄປຍັງປັກກິ່ງ ແລະ ກວາງໂຈ່ວ ເຊິ່ງເລີ່ມຕັ້ງແຕ່ວັນທີ 30 ມີນາ 2025 ເປັນຕົ້ນໄປ, ສາມາດຈອງປີ້ໄດ້ຜ່ານທຸກຊ່ອງທາງການຂາຍໃນລາຄາໂປຣໂມຊັນ. ເສັ້ນທາງໃໝ່ໄດ້ເສີມຂະຫຍາຍການບໍລິການຖ້ຽວບິນຫວຽດນາມ - ຈີນ ທີ່ຂະຫຍາຍເຕີບໂຕຂອງ Vietjet ເຮັດໃຫ້ນັກທ່ອງທ່ຽວຈາກທົ່ວໂລກທີ່ຢາກໄປທ່ອງທ່ຽວຈີນມີຄວາມສະດວກສະບາຍຂຶ້ນ ແລະ ປະຢັດຂຶ້ນ. ການເພີ່ມຖ້ຽວບິນໃໝ່ນີ້ຈະເພີ່ມຖ້ຽວບິນໄປກັບປະຈຳອາທິດ 24 ຖ້ຽວ ຕໍ່ອາທິດໃນເຄືອຂ່າຍຖ້ຽວບິນທີ່ເພີ່ມຂຶ້ນລະຫວ່າງຫວຽດນາມ ແລະ ຈີນ. ສິ່ງນີ້ຈະເພີ່ມທະວີການເຄື່ອນໄຫວຂອງສາຍການບິນທົ່ວໂລກຂອງ Vietjet ແລະ ຈະແມ່ນສາຍການບິນຫວຽດນາມທຳອິດທີ່ບິນໄປສະໜາມບິນສາກົນປັກກິ່ງ ເຊິ່ງເປັນສູນກາງການບິນທີ່ທັນສະໄໝ ແລະ ເປັນປະຕູສາກົນທີ່ສຳຄັນຂອງນະຄອນຫລວງຂອງຈີນ.
Vietjet ຍັງມີເຮືອບິນ Airbus ລຸ້ນໃໝ່ທີ່ປະຢັດນ້ຳມັນ ແລະໄດ້ຮັບການຍົກຍ້ອງໃຫ້ເປັນສາຍການບິນທີ່ປອດໄພທີ່ສຸດໃນໂລກໃນປີ 2025 ໂດຍ AirlineRatings ເຊິ່ງເປັນບໍລິສັດແຖວໜ້າດ້ານຄວາມປອດໄພຂອງສາຍການບິນ ແລະ ຜະລິດຕະພັນສາຍການບິນແຖວໜ້າ ເຊິ່ງຈະໄດ້ຄະແນນຄວາມປອດໄພລະດັບ 7 ດາວ. ດັ່ງນັ້ນ, ນັກທ່ອງທ່ຽວຈຶ່ງຮູ້ສຶກສະບາຍໃຈຕະຫລອດການເດີນທາງ.
KPL
