ຂປລ
ກອງປະຊຸມ 27 ປະເທດ ສະມາຊິກ ສະຫະພາບ ເອີຣົບ (ອີຢູ) ມີມະຕິເຫັນດີຮັບ ຣູມານີ ແລະ ບູນກາລີ ເຂົ້າເປັນສະມາຊິກ ຂອງສັນຍາ ເຊັງເກນ(Schengen) ຊຶ່ງຈະຊ່ວຍ ອຳນວຍຄວາມສະດວກ ໃຫ້ກັບການເດີນທາງ ລະຫວ່າງ ສະມາຊິກ, ໂດຍບໍ່ຈຳເປັນຕ້ອງ ສະແດງໜັງສື ເດີນທາງ ແລະ ຂໍວິຊ້າ.
ຂປລ.ສຳນັກຂ່າວ ຕ່າງປະເທດ ລາຍງານວ່າ: ວັນທີ 12 ທັນວານີ້, ກອງປະຊຸມ 27 ປະເທດ ສະມາຊິກ ສະຫະພາບ ເອີຣົບ (ອີຢູ) ມີມະຕິເຫັນດີຮັບ ຣູມານີ ແລະ ບູນກາລີ ເຂົ້າເປັນສະມາຊິກ ຂອງສັນຍາ ເຊັງເກນ(Schengen) ຊຶ່ງຈະຊ່ວຍ ອຳນວຍຄວາມສະດວກ ໃຫ້ກັບການເດີນທາງ ລະຫວ່າງ ສະມາຊິກ, ໂດຍບໍ່ຈຳເປັນຕ້ອງ ສະແດງໜັງສື ເດີນທາງ ແລະ ຂໍວິຊ້າ.
ການເປັນສະມາຊິກ ຄວາມຕົກລົງ ເຊັງເກນ ຂອງທັງສອງປະເທດ ຈະມີຜົນ ຕັ້ງແຕ່ວັນທີ 1 ມັງກອນ 2025,ໃນຂະນະທີ່ ຣູມານີ ແລະ ບູນກາລີ ເປັນສະມາຊິກ ອີຢູ ຕັ້ງແຕ່ປີ 2007 ເຂົ້າສູ່ຂະບວນການ ບູລະນະການ ຂອງເຊງເກນ ເມື່ອເດືອນມີນາ ທີ່ຜ່ານມາ ເປີດຊາຍແດນ ທາງອາກາດ ແລະ ທາງທະເລ ຍົກເວັ້ນວີຊາ ສຳລັບຜູ້ຖືໜັງສື ເດີນທາງຂອງກຸ່ມ ເຊັງເກນ.
ແຕ່ຢ່າງໃດກໍ່ຕາມ ຕະຫລອດໄລຍະ ເວລາທີ່ຜ່ານມາ ອົດສະຕຣາລີ ເປັນປະເທດດຽວ ທີ່ບໍ່ເຫັນດີ ຂອງການເຂົ້າຮ່ວມ ຄວາມຕົກລົງ ເຊັງເກນຂອງ ຣູມານີ ແລະ ບູນກາລີ ໂດຍໃຫ້ເຫດຜົນກ່ຽວກັບ ຄວາມກັງວົນ ເລື່ອງສະຖານະການ ຜູ້ອົບພະຍົບ ທີ່ທັງສອງປະເທດ ຍັງບໍ່ສາມາດ ຈັດການໄດ້ ຢ່າງມີປະສິດທິພາບ./.
KPL
