ຂປລ
ເມື່ອຄຳນວນຈຳນວນ ມະຫາເສດຖີ ທີ່ມີລາຍໄດ້ ເປັນເງິນໂດລາ ສະຫະລັດ ພົບວ່າ: ເພີ່ມຈາກ 1.757ຄົນ ເປັນ 2.682ຄົນ ໃນໄລຍະ 10ປີຜ່ານມາ ໂດຍມີ ຈຳນວນ ສູງສຸດ 2.686ຄົນ ເມື່ອປີ2021.
ຂປລ.ສຳນັກຂ່າວ ເອເອຟພີ,ວັນທີ7ທັນວານີ້, ເມື່ອຄຳນວນຈຳນວນ ມະຫາເສດຖີ ທີ່ມີລາຍໄດ້ ເປັນເງິນໂດລາ ສະຫະລັດ ພົບວ່າ: ເພີ່ມຈາກ 1.757ຄົນ ເປັນ 2.682ຄົນ ໃນໄລຍະ 10ປີຜ່ານມາ ໂດຍມີ ຈຳນວນ ສູງສຸດ 2.686ຄົນ ເມື່ອປີ2021.ໃນລະຫວ່າງ ປີ 2015 ຫາ 2024, ຄວາມຮັ່ງມີ ຂອງມະຫາເສດຖີ ເພີ່ມຂຶ້ນ 121% ຈາກ 6.3 ພັນຕື້ໂດລາສະຫະລັດ ເປັນ 14 ພັນຕື້ໂດລາສະຫະລັດ. ມະຫາເສດຖີ ດ້ານເຕັກໂນໂລຊີເປັນກຸ່ມ ທີ່ຮັ່ງມີທີ່ສຸດ 3 ເທົ່າຈາກ 788,9ຕື້ໂດລາສະຫະລັດ ໃນປີ 2015 ມາເປັນ 2,4 ພັນຕື້ໂດລາສະຫະລັດ ໃນປີນີ້, ຮອງລົງມາ ແມ່ນມະຫາເສດຖີ ໃນກຸ່ມອຸດສາຫະກໍາ. ນັບແຕ່ປີ 2020ເປັນຕົ້ນມາ, ທ່າອ່ຽງການເຕີບໂຕ ທົ່ວໂລກ ໄດ້ຫລຸດລົງເຫລືອ 1%ຍ້ອນການຫລຸດລົງ ຂອງມະຫາເສດຖີຈີນ.ຂະນະທີ່ ໃນປີອື່ນໆ ມີການເຕີບໂຕຂຶ້ນ ໃນອັດຕາຕໍ່ປີ10%. ຄວາມຮັ່ງມີ ຂອງມະຫາເສດຖີຈີນເພີ່ມຂຶ້ນ ຫລາຍກວ່າ 2 ເທົ່າ ຈາກ 887,3 ຕື້ໂດລາສະຫະລັດ (ປະມານ 30 ພັນຕື້ບາດ) ເປັນ 2,1 ພັນຕື້ໂດລາສະຫະລັດ ແຕ່ຫລັງຈາກນັ້ນ ໄດ້ຫລຸດລົງມາເປັນ 1.8 ພັນຕື້ໂດລາສະຫະລັດ. ຄວາມຮັ່ງມີ ຂອງມະຫາເສດຖີ ຂອງ ອາເມລິກາເໜືອ ໄດ້ເພີ່ມຂຶ້ນ 58.5% ເປັນ 6.1 ພັນຕື້ໂດລາ ສະຫະລັດ ນັບຕັ້ງແຕ່ປີ 2020.ໃນປີ 2024, ປະມານ 268 ຄົນ ຈະກາຍເປັນ ມະຫາເສດຖີ ຄັ້ງທໍາອິດ, 60% ເປັນຜູ້ປະກອບການແລະ ມະຫາເສດຖີ ຈາກ ສະຫະລັດ ອາເມລິກາ ແມ່ນຮັ່ງມີ ທີ່ຂຶ້ນຫລາຍສຸດ 27.6%ຊຶ່ງຫລາຍກວ່າ 40% ຂອງຄວາມຮັ່ງມີ ຂອງມະຫາເສດຖີ ທົ່ວໂລກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
