ຂປລ.ເພື່ອຕິດຕາມ, ຊຸກຍູ້ວຽກງານການເມືອງ - ແນວຄິດ, ວຽກງານໂຄສະນາອົບຮົມ ຢູ່ທ້ອງຖິ່ນ ໃຫ້ດໍາເນີນໄປປົກກະຕິ, ທັງມີການຫັນປ່ຽນຢ່າງຕັ້ງໜ້າ ແລະ ການກະກຽມສະເຫຼີມສະຫຼອງ 3 ວັນປະຫວັດສາດໃນຕໍ່ຫນ້ານີ້ ແລະ ໃນປີ 2025 ໃຫ້ດຳເນີນໄປຢ່າງເປັນຂະບວນຟົດຟື້ນ ຄື: ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ, ວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດ ປະທານໄກສອນ ພົມວິຫານ ທີ່ເຄົາລົບຮັກ ຄົບຮອບ 105 ປີ.

      ໃນລະຫວ່າງວັນທີ 28 – 30 ພະຈິກ ປີ 2024, ທ່ານ ນ. ວິລະວອນ ພັນທະວົງ ຄະນະປະຈໍາພັກ, ປະທານຄະນະກວດກາພັກ, ຮອງຫົວໜ້າ ຄອສພ ພ້ອມດ້ວຍຄະນະ ໄດ້ເຂົ້າລາຍງານຈຸດປະສົງ ຂອງການເຄື່ອນໄຫວວຽກງານໃນຄັ້ງນີ້ ຕໍ່ທ່ານ ເຫຼັກໄຫຼ ສີວິໄລ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງເຊກອງ, ໃນນັ້ນ ທ່ານຮອງຫົວໜ້າ ຄອສພ ໄດ້ແຈ້ງຈຸດປະສົງ ຂອງການລົງຊຸກຍູ້ວຽກງານຄັ້ງນີ້ໃຫ້ທ່ານເຈົ້າແຂວງຊາບ; ຫຼັງຈາກນັ້ນ ທ່ານຮອງຫົວໜ້າ ຄອສພ ໄດ້ພົບປະ ແລະ ເຮັດວຽກນຳຄະນະໂຄສະນາອົບຮົມແຂວງເຊກອງ, ພ້ອມດຽວກັນນັ້ນ, ທ່ານ ນ. ສີສະຫງ່າ ແກ້ວດວງດີ, ກຳມະ ການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ລາຍງານສະພາບການເຄື່ອນໄຫວວຽກງານໂຄສະນາອົບຮົມໂດຍສັງເຂບ ໃນໄລຍະຜ່ານມາ ນັບທັງຜົນສໍາເລັດດ້ານດີ, ດ້ານຄົງຄ້າງ ແລະ ທິດທາງແຜນການໃນທ້າຍປີ 2024. ການພົບປະໃນຄັ້ງນີ້ ທ່ານ ຮອງຫົວໜ້າ ຄອສພ ຍັງໄດ້ເຜີຍແຜ່ນິຕິກຳຈຳ ນວນໜຶ່ງ ກໍຄືພາລະບົດບາດຂອງກົົມກວດກາ ຄອສພ. ໃນຕອນທ້າຍ ທ່ານຮອງຫົວໜ້າ ຄອສພ ຍັງໄດ້ໂອ້ລົມ  ພ້ອມທັງໃຫ້ທິດຊີ້ນຳກ່ຽວກັບວຽກງານໂຄສະນາອົບຮົມ ແລະ ມອບລຳໂພງໜຶ່ງໜ່ວຍໃຫ້ຄະນະໂຄສະນາອົບຮົມແຂວງ.  

     ພາຍຫຼັງສໍາເລັດການເຄື່ອນໄຫວວຽກງານ ຢູ່ແຂວງ, ທ່ານ ນ. ວິລະວອນ ພັນທະວົງ ຮອງຫົວໜ້າ ຄອສພ, ພ້ອມຄະນະ ຍັງໄດ້ລົງເຄື່ອນໄຫວຊຸກຍູ້ວຽກງານໂຄສະນາອົບຮົມ ແລະ ວຽກງານກວດກາ, ສືບຕໍ່ສ້າງຂະບວນການກະກຽມກອງປະຊຸມ 3 ຂັ້ນ ຕິດພັນກັບຂະບວນການສາມວັນປະຫວັດສາດ ຢູ່ເມືອງລະມາມ ແລະ ເມືອງດາກຈຶງ ພ້ອມທັງມອບລຳໂພງໃຫ້ເມືອງລະໜຶ່ງໜ່ວຍ ເພື່ອນຳໃຊ້ເຂົ້າໃນການເຄື່ອນໄຫວວຽກງານໂຄສະນາເມືອງ ກໍຄືແຂວງເຊກອງ ມີການຫັນປ່ຽນດີຂຶ້ນເທື່ອລະກ້າວ.
ໂຄສະນາອົບຮົມແຂວງ.

ຂ່າວ: ສີມອນ
ພາບ: ນ. ບຸນປະຄອຍ ດວງມະໂນ

KPL