ຂປລ
ຂປລ. ເມື່ອບໍ່ດົນມານີ້, ໂຄງການຄັດເລືອກນາງສາວລາວ (Miss Laos 2024) ຈັດພິທີເປີດໂຕນາງສາວລາວ 30 ຄົນທີ່ຜ່ານການຄັດເລືອກຮອບທຳທິດ ພ້ອມທັງນຳເໜີມົງກຸດ ຜູ້ຊະນະເລີດການຄັດເລືອກ ນາງສາວລາວ ປະຈຳປີ 2024 ໂດຍມີ ທ່ານ ມານຸ ເມືອງວົງ ຮັກສາການຫົວໜ້າກົມ ຂະບວນການ ສູນກາງຊາວໜຸ່ມ ປະຊາຊົນປະຕິວັດລາວ, ທ່ານ ຄົມປັນຍາ ເພັງວິໄນຍາ ປະທານໂຄງການຄັດເລືອກ Miss Laos 2024
ຂປລ. ເມື່ອບໍ່ດົນມານີ້, ໂຄງການຄັດເລືອກນາງສາວລາວ (Miss Laos 2024) ຈັດພິທີເປີດໂຕນາງສາວລາວ 30 ຄົນທີ່ຜ່ານການຄັດເລືອກຮອບທຳທິດ ພ້ອມທັງນຳເໜີມົງກຸດ ຜູ້ຊະນະເລີດການຄັດເລືອກ ນາງສາວລາວ ປະຈຳປີ 2024 ໂດຍມີ ທ່ານ ມານຸ ເມືອງວົງ ຮັກສາການຫົວໜ້າກົມ ຂະບວນການ ສູນກາງຊາວໜຸ່ມ ປະຊາຊົນປະຕິວັດລາວ, ທ່ານ ຄົມປັນຍາ ເພັງວິໄນຍາ ປະທານໂຄງການຄັດເລືອກ Miss Laos 2024 ພ້ອມຄະນະປະ ທານໂຄງການ, ຜູ້ໃຫ້ການອຸປະຖຳ ແລະ ພາກສ່ວນກ່ຽວຂ້ອງເຂົ້າຮ່ວມ ເຊິ່ງໂຄງການຄັດເລືອກນາງສາວລາວ ປີ ນີ້ ແມ່ນເນັ້ນໃສ່ການນຸ່ງຖື ແລະ ເຜີຍຜ້າລາຍນາກ ທີ່ເປັນມໍລະດົກໂລກຂອງລາວ.
ໂອກາດນີ້, ທ່ານ ມານຸ ເມືອງວົງ ໄດ້ຍົກໃຫ້ເຫັນຄວາມສຳຄັນ ຂອງໂຄງານດັ່ງກ່າວ, ເຊິ່ງສູນກາງຊາວໜຸ່ມປະຊາຊົນປະຕິວັດລາວ ຊຸກຍູ້ສົ່ງເສີມ ແລະ ນຳພາຈັດຕັ້ງປະຕິບັດແຕ່ປີ 2015 ເປັນຕົ້ນມາ ເພື່ອເຕົ້າໂຮມຄວາມສາມັກຄີ, ປຸກລະດົມແມ່ຍິງລາວຍຸກໃໝ່ ໃນການປົກປັກຮັກສາວັດທະນາທໍາ ແລະ ຮີດຄອງປະເພນີ ອັນດີງາມຂອງຊາດລາວ ທັງເປັນການໂຄສະນາສະຖານທີ່ ທ່ອງທ່ຽວຂອງປະເທດລາວ. ພ້ອມນີ້, ຍັງເປັນການໂຄສະນາເຜີຍແຜ່ວັດທະນະທຳ ການນຸ່ງຖືກຂອງແມ່ຍິງລາວ ໃຫ້ໂລກໄດ້ຮັບຮູ້ຫລາຍຂຶ້ນ.
ຜູ້ຊະນະເລີດ ຈະໄດ້ໄປແຂ່ງຂັນເວທີລະດັບໂລກ ເປັນເວທີສ້າງແຮງບັນດາໃຈ ໃຫ້ກັບແມ່ຍິງລາວ ໄດ້ມີການພັດທະນາ ແລະ ໂອກາດສະແດງຄວາມສາມາດ ຂອງຊາວໜຸ່ມ-ໄວໜຸ່ມຢ່າງແທ້ຈິງ.
ຂ່າວ: ກິດຕາ
KPL
