ຂປລ
ຂປລ. ໃນຍຸກປັດຈຸບັນ, ຄົນໃນສັງຄົມຫັນມາໃຫ້ຄວາມສົນໃຈ ກ່ຽວກັບການເຮັດສັນຍະກໍາ ເສີມຄວາມງາມຫລາຍຂຶ້ນ. ສະນັ້ນ, ເພື່ອສ້າງຄວາມຮັບຮູ້ ແລະ ເຂົ້າໃຈຕໍ່ກັບການເຮັດສັນຍະກຳ, ໂຮງໝໍມາດສະເຕີພີດ (Masterpiece) ໄດ້ຈັດສໍາມະນາ ແນະນຳຄວາມຮູ້ ດ້ານສຸຂະພາບ ດ້ານຄວາມງາມ ໃນວັນທີ 24 ພະຈິກ 2024 ຢູ່ສູນການຄ້າພາກຊັນ ນະຄອນຫລວງວຽງຈັນ.
ຂປລ. ໃນຍຸກປັດຈຸບັນ, ຄົນໃນສັງຄົມຫັນມາໃຫ້ຄວາມສົນໃຈ ກ່ຽວກັບການເຮັດສັນຍະກໍາ ເສີມຄວາມງາມຫລາຍຂຶ້ນ. ສະນັ້ນ, ເພື່ອສ້າງຄວາມຮັບຮູ້ ແລະ ເຂົ້າໃຈຕໍ່ກັບການເຮັດສັນຍະກຳ, ໂຮງໝໍມາດສະເຕີພີດ (Masterpiece) ໄດ້ຈັດສໍາມະນາ ແນະນຳຄວາມຮູ້ ດ້ານສຸຂະພາບ ດ້ານຄວາມງາມ ໃນວັນທີ 24 ພະຈິກ 2024 ຢູ່ສູນການຄ້າພາກຊັນ ນະຄອນຫລວງວຽງຈັນ.
ທ່ານ ນາງ ລະພັດທະດາ ເລີດພານຸໂຣດ ຫົວໜ້າບໍລິຫານໂຮງໝໍມາດສະເຕີພິດ (ປະເທດໄທ) ໄດ້ກ່າວວ່າ: ການຈັດງານຄັ້ງນີ້, ແນໃສ່ເຮັດໃຫ້ລູກຄ້າ ຮັບຮູ້ເຖິງຄວາມປອດໄພ ຂອງການເຮັດສັນຍະກຳ ເສີມຄວາມງາມ ເນື່ອງຈາກໄລຍະຜ່ານມາ ການເຮັດສັນຍະກໍາ ຍັງມີບາງກໍລະນີ ເກີດມີຂໍ້ຜິດພາດ. ສະນັ້ນ, ກ່ອນຈະຕັດສິນໃຈເຮັດສັນຍະກໍາ ຕ້ອງຄໍານຶງເຖິງຄວາມປອດເປັນຫລັກ, ຄວນສຶກສາຫາຄວາມຮູ້ ແລະ ຂໍ້ມູນຢ່າງລະອຽດ, ລວມທັງການເລືອກໂຮງໝໍທີ່ໄດ້ມາດຖານ. ປະເທດລາວຕິດອັນດັບ 5 ຂອງລູກຄ້າທີ່ມາໃຊ້ບໍລິການ ຢູ່ໂຮງໝໍມາດສະເຕີພີດ ເປັນຕົ້ນການສັນຍະກໍາເສີມດັງ, ເສີມໜ້າເອິກ, ປູກຜົມ, ດູດໄຂມັນ ແລະ ອື່ນໆ ສະເລຍຫລາຍກວ່າ 10 ຄົນຕໍ່ເດືອນ, ຄາດວ່າໃນອະນາຄົດ ລູກຄ້າຈາກປະເທດລາວຈະເພີ່ມຂຶ້ນ.
ການແນະນຳໃຫ້ຄວາມຮູ້ ດ້ານສຸຂະພາບຄວາມງາມ ຄັ້ງນີ້, ເພື່ອສ້າງສາຍພົວພັນລະຫວ່າງ ໂຮງໝໍມາດສະເຕີພີດ ແລະ ປະຊາຊົນລາວ, ພາຍໃນງານຜູ້ເຂົ້າຮ່ວມໄດ້ຮັບຟັງ ການບັນຍາຍຂອງທ່ານໝໍ ກ່ຽວກັບການຜ່າຕັດດັງ ໂດຍໃຊ້ເຕັກນິກ Open Rhinoplasty ຫລື ເສີມດັງແບບເປີດ, ການກຽມໂຕກ່ອນການຜ່າຕັດ ແລະ ຫລັງຜ່າຕັດ ແລະ ໃນງານຄັ້ງນີ້, ຍັງໄດ້ແຈກ ຄູປອງ ເສີມດັງ 10 ລາງວັນ ໃຫ້ຜູ້ທີ່ມາຮ່ວມງານ ຕື່ມອີກ.
ໂຮງໝໍມາດສະເຕີພີດ ເປັນໂຮງໝໍທີ່ນຳໃຊ້ເຕັກໂນໂລຊີທີ່ທັນສະໄໝ, ໄດ້ມາດຕະຖານສາກົນ, ຮັບປະກັນຄວາມປອດໄພ, ພ້ອມທັງມີທີມແພດຊ່ຽວຊຽນສະເພາະດ້ານ ເຊັ່ນ: ຊ່ຽວຊານສັນຍະກຳດັງ, ຊ່ຽວຊານສັນຍະກຳຕາ, ຊ່ຽວຊານສັນຍະກຳປັບຮູບໜ້າ, ຊ່ຽວຊານ ສັນຍະກຳ ໜ້າເອິກ ແລະ ອື່ນໆ.
ຂ່າວ-ພາບ: ກິດຕາ
KPL
