ຂປລ
ພາກພື້ນລະດັບແຂວງ ຫລາຍແຫ່ງໃນສປຈີນ ໄດ້ປັບເພີ່ມເກນຄ່າຈ້າງຂັ້ນຕໍ່າ ຕັ້ງແຕ່ຕົ້ນປີ 2024 ຊຶ່ງເປັນສ່ວນໜຶ່ງ ຂອງການເຮັດວຽກ ເພື່ອປັບປຸງຄຸນນະພາບຊີວິດ ຂອງປະຊາຊົນ. ໃນແຜນລິເລີ່ມຫລ້າສຸດ
ຂປລ.ສຳນັກຂ່າວ ຊິນຮວາຂອງ ສປຈີນ, ພາກພື້ນລະດັບແຂວງ ຫລາຍແຫ່ງໃນສປຈີນ ໄດ້ປັບເພີ່ມເກນຄ່າຈ້າງຂັ້ນຕໍ່າ ຕັ້ງແຕ່ຕົ້ນປີ 2024 ຊຶ່ງເປັນສ່ວນໜຶ່ງ ຂອງການເຮັດວຽກ ເພື່ອປັບປຸງຄຸນນະພາບຊີວິດ ຂອງປະຊາຊົນ. ໃນແຜນລິເລີ່ມຫລ້າສຸດ ຂອງພາກພື້ນຕ່າງໆເຊັ່ນ: ອະວິ໋ນໜານ, ຈຽງຊູ, ເຈີຈຽງ, ເຫີໜານ ແລະ ເຂດປົກຄອງຕົນເອງ ມົງໂກລີໃນ ໄດ້ປັບເພີ່ມຄ່າຈ້າງຂັ້ນຕໍ່າ ລາຍເດືອນສູງສຸດ 290 ຢວນ.
ໂດຍສະເພາະ ເຂດປົກຄອງຕົນເອງ ມົງໂກລີໃນ ຄ່າຈ້າງຂັ້ນຕໍ່າ ລາຍເດືອນສຳລັບ ພື້ນທີ່ ທີ່ຂ້ອນຂ້າງພັດທະນາແລ້ວ ຈະເພີ່ມຂຶ້ນເປັນ 2.270 ຢວນ ຕັ້ງແຕ່ເດືອນທັນວາປີ 2024, ສ່ວນຄ່າຈ້າງຂັ້ນຕໍ່ຂອງ ອະວິ໋ນໜານ ເພີ່ມຂຶ້ນເປັນ 2.070 ຢວນ ຕັ້ງແຕ່ເດືອນຕຸລາ 2024 ຜ່ານມາ.
ໜ່ວຍງານລັດຖະບານ ເທດສະບານ ແລະ ແຂວງໃນສປຈີນ ມີອຳນາດກຳນົດເກນ ຄ່າຈ້າງຂັ້ນຕໍ່າ ແລະ ຕ້ອງປັບຄ່າຈ້າງ ຢ່າງໜ້ອຍ 1 ຄັ້ງທຸກ 2 ປີ. ຫລັງຈາກການປັບຂຶ້ນຮອບນີ້ ຄ່າຈ້າງຂັ້ນຕໍ່າລາຍເດືອນ ໃນນະຄອນຊຽງໄຮ້ຢູ່ທີ 2.690 ຢວນ, ຫລາຍເປັນອັນດັບ 1 ໃນສປຈີນ , ຂະນະທີ່ເງິນເດືອນ ຂັ້ນຕໍ່າຂອງ ປັກກິ່ງ ຢູ່ທີ 2.420 ຢວນ.
KPL
