ຂປລ
ກະຊວງການຄ້າອອກຖະແຫລງການ ປັບປ່ຽນນະໂຍບາຍ ການຄືນພາສີສົ່ງອອກ ຄັ້ງສຳຄັນ ກັບສິນຄ້າ ຫລາຍລາຍການ ຊຶ່ງຈະມີຜົນບັງຄັບໃຊ້ ຕັ້ງແຕ່ວັນທີ 1 ທັນວານີ້.
ຂປລ.ສຳນັກຂ່າວຕ່າງປະເທດ ລາຍງານຈາກນະຄອນຫລວງ ປັກກິ່ງ ປະເທດ ສປຈີນ, ກະຊວງການຄ້າອອກຖະແຫລງການ ປັບປ່ຽນນະໂຍບາຍ ການຄືນພາສີສົ່ງອອກ ຄັ້ງສຳຄັນ ກັບສິນຄ້າ ຫລາຍລາຍການ ຊຶ່ງຈະມີຜົນບັງຄັບໃຊ້ ຕັ້ງແຕ່ວັນທີ 1 ທັນວານີ້.ສປຈີນ ຈະຫລຸດອັດຕາພາສີສົ່ງອອກ ສຳລັບຜະລິດຕະພັນ ພາສີນໍ້າມັນກັ່ນ ບາງຊະນິດ, ໂຊລາຣເຊລ, ແບດເຕີຣີ ແລະ ຜະລິດຕະພັນແຮ່ ທີ່ບໍ່ແມ່ນໂລຫະ ບາງປະເພດ ເຫລືອ 9% ຈາກເດີມ 13%. ຂະນະດຽວກັນ ຈະມີການຍົກເລີກ ການຄືນພາສີສົ່ງອອກ , ສຳລັບພະລິດຕະພັນ ອາລູມີນຽມ ແລະ ທອງແດງ, ຜະລິດຕະພັນນໍ້າມັນ ຫລື ໄຂມັນ ຈາກພືດ ແລະ ສັດ ຫລື ຈຸລິນຊີ ທີ່ຜ່ານຂະບວນການ ດັດແປງທາງເຄມີ.
ການເຄື່ອນໄຫວ ດັ່ງກ່າວຂອງ ສປຈີນ ສົ່ງຜົນໃຫ້ສັນຍາຊື້ຂາຍ ອະລູມີນຽມ ລ່ວງໜ້າໃນຕະຫລາດ ອັງກິດ ປັບຕົວເພີ່ມຂຶ້ນ, ເນື່ອງຈາກນັກລົງທຶນ ຄາດການວ່າ ການສົ່ງອອກ ອະລູມີນຽມຈາກ ສປຈີນ ອາດຫລຸດລົງ ແລະ ລາຄານໍ້າມັນຖົ່ວເຫລືອງ ໃນສ.ອາເມລິກາ ແພງຂຶ້ນເຊັ່ນກັນ, ດ້ວຍຄວາມວິກິດ ກັງວົນວ່າ ນໍ້າມັນພືດ ໃຊ້ແລ້ວຂອງສປຈີນ ຊຶ່ງຕະຫລາດ ໃນສ.ອາເມລິກາ ແລະ ເອີຣົບ ຮັບຊື້ເພື່ອນໍາໄປ ແປຮູບເປັນເຊື້ອໄຟ ຊີວະພາບ ອາດຢູ່ພາຍໃຕ້ ມາດຕະການໃໝ່ດ້ວຍ.
KPL
