ຂປລ
ກະຊວງການຄ້າ ແລະ ອຸດສາຫະກຳຂອງ ສິງກະໂປ ລາຍງານວ່າ: ເສດຖະກິດຂອງ ສິງກະໂປ ຂະຫຍາຍຕົວ 5,4% ເມື່ອທຽບປີຕໍ່ປີ ໃນໄຕມາດ 3(ເດືອນກໍລະກົດ-ເດືອນກັນຍາ) ຂອງປີ 2024 ຊຶ່ງສູງກວ່າຕົວເລກຄາດການລ່ວງໜ້າລະດັບ 4,1%.
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ກະຊວງການຄ້າ ແລະ ອຸດສາຫະກຳຂອງ ສິງກະໂປ ລາຍງານວ່າ: ເສດຖະກິດຂອງ ສິງກະໂປ ຂະຫຍາຍຕົວ 5,4% ເມື່ອ ທຽບປີຕໍ່ປີ ໃນໄຕມາດ 3(ເດືອນກໍລະກົດ-ເດືອນກັນຍາ) ຂອງປີ 2024 ຊຶ່ງສູງກວ່າຕົວເລກ ຄາດການລ່ວງໜ້າລະດັບ 4,1%.
ການເຕີບໂຕດັ່ງກ່າວ ໄດ້ແຮງຊຸກຍູ້ເບື້ອງຕົ້ນ ຈາກພາກການຜະລິດ, ການຄ້າສົ່ງ, ລວມເຖິງການເງິນ ແລະ ປະກັນໄພ, ຊຶ່ງໄດ້ແຮງຊຸກຍູ້ບາງສ່ວນ ຈາກການປັບຕົວ ດີຂຶ້ນຂອງ ວັດຖະຈັກ ເອເລັກໂຕຣນິກທົ່ວໂລກ.
ຂະນະດຽວກັນ ພາກທຸລະກິດ ກ່ຽວກັບຜູ້ບໍລິໂພກ ຍັງຫລຸດລົງ ເນື່ອງຈາກການເດີນທາງ ຂາອອກຂອງປະຊາຊົນ ທ້ອງຖິ່ນ ແລະ ການເດີນທາງ ຂາເຂົ້າຂອງ ຊາວຕ່າງປະເທດ ຟື້ນ ຕົວຊ້າກວ່າ ທີ່ຄາດການໄວ້./.
KPL
