ຂປລ
ກອງກໍາປັ່ນ ຂອງຕຳຫລວດ ຍາມຝັ່ງ ທະເລຈີນ ໄດ້ອອກເດີນທາງ ໄປສູ່ ເຂດທະເລ ອ່າວເປີຍປູ້ ເພື່ອຮ່ວມກັບ ກອງກໍາປັ່ນ ຂອງຕຳຫລວດ ຍາມຝັ່ງທະເລ ຫວຽດນາມ ດຳເນີນ ການລາດຕະເວນ ຮ່ວມຄັ້ງທີ 2 ໃນປີນີ້
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 25 ພະຈິກນີ້, ກອງກໍາປັ່ນ ຂອງຕຳຫລວດ ຍາມຝັ່ງ ທະເລຈີນ ໄດ້ອອກເດີນທາງ ໄປສູ່ ເຂດທະເລ ອ່າວເປີຍປູ້ ເພື່ອຮ່ວມກັບ ກອງກໍາປັ່ນ ຂອງຕຳຫລວດ ຍາມຝັ່ງທະເລ ຫວຽດນາມ ດຳເນີນ ການລາດຕະເວນ ຮ່ວມຄັ້ງທີ 2 ໃນປີນີ້, ເຊິ່ງເປັນການຮ່ວມກັນ ດຳເນີນ ການລາດຕະເວນ ຄັ້ງທີ 28 ລະຫວ່າງ ພາກສ່ວນ ບັງຄັບໃຊ້ ກົດໝາຍ ຢູ່ເທິງທະເລຈີນ ແລະ ສສ ຫວຽດນາມ ນັບແຕ່ປີ 2006 ເປັນຕົ້ນມາ.ໃນໄລຍະ ລາດຕະເວນ ຮ່ວມຄັ້ງນີ້, ທັງສອງຝ່າຍ ຈະຕິດຕາມ ກວດກາເຮືອ ຂອງສອງປະເທດ ທີ່ດຳເນີນງານຢູ່ ເຂດທະເລ ອ່າວເປີຍປູ້, ແລກປ່ຽນບົດຮຽນກ່ຽວກັບ ການຕໍ່ຕ້ານ ອາຊະຍາກຳ ດ້ານການຄ້າເຖື່ອນ ທາງທະເລ, ຈັດສັນ ກໍລະນີສຸກເສີນ ຢູ່ເທິງທະເລ ຢ່າງເໝາະສົມ, ທັງຮ່ວມກັນ ປົກປັກຮັກສາ ສະຖຽນ ລະພາບ ທາງທະເລ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
