ຂປລ
ເກີດເຫດລົດເສຍຫລັກ ແລ່ນຕຳຜູ້ຄົນ ທີ່ສູນກິລາແຫ່ງໜຶ່ງ ໃນເມືອງຈູໄຫ່ ສົ່ງຜົນໃຫ້ມີຜູ້ເສຍຊີວິດ ຢ່າງໜ້ອຍ 35 ຄົນ ແລະ ບາດເຈັບ 43 ຄົນ.
ຂປລ.ສຳນັກຂ່າວຊິນຮວາຂອງ ສປຈີນ, ວັນທີ 12 ພະຈິກ, ສຳນັກຄວາມໝັ້ນຄົງ ສາທາລະນະເມືອງ ຈູໄຫ່ ແຂວງກວາງຕຸ້ງ ທາງພາກໃຕ້ຂອງ ສປຈີນ ລາຍງານວ່າ: ເກີດເຫດລົດເສຍຫລັກ ແລ່ນຕຳຜູ້ຄົນ ທີ່ສູນກິລາແຫ່ງໜຶ່ງ ໃນເມືອງຈູໄຫ່ ສົ່ງຜົນໃຫ້ມີຜູ້ເສຍຊີວິດ ຢ່າງໜ້ອຍ 35 ຄົນ ແລະ ບາດເຈັບ 43 ຄົນ. ເຫດການດັ່ງກ່າວ ເກີດຂຶ້ນ ຂະນະທີ່ ຜູ້ຄົນພວມ ອອກກຳລັງກາຍ ຢູ່ສູນກິລາ ດັ່ງກ່າວ. ຂະນະນີ້ ເຈົ້າໜ້າທີ່ໄດ້ຄວບຄຸມຕົວ ຜູ້ຂັບລົດ ແລະ ພວມເລັ່ງສືບສວນສອບສວນ ເຫດການທີ່ເກີດຂຶ້ນ ໃນຄັ້ງນີ້ແລ້ວ./.
KPL
