ຂປລ
ຂປລ. ເມື່ອບໍ່ດົນມານີ້, ທີ່ສະຖາບັນພັດທະນາສີມືແຮງງານ, ຈັດກອງປະຊຸມສະຫລຸບຖອດທອນບົດຮຽນ ໃນການຈັດຕັ້ງປະຕິບັດ ຜົນການແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1 ໂດຍເປັນປະທານຂອງ ທ່ານ ພົງສະຫວັນ ສຸລິວັນ ຮອງຫົວໜ້າສະຖາບັນ ພັດທະນາສີມືແຮງງານ, ມີບັນດາຂະແໜງການກ່ຽວຂ້ອງ, ຄູອາຈານ ແລະ ນັກແຂ່ງຂັນເຂົ້າຮ່ວມ.
ຂປລ. ເມື່ອບໍ່ດົນມານີ້, ທີ່ສະຖາບັນພັດທະນາສີມືແຮງງານ, ຈັດກອງປະຊຸມສະຫລຸບຖອດທອນບົດຮຽນ ໃນການຈັດຕັ້ງປະຕິບັດ ຜົນການແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1 ໂດຍເປັນປະທານຂອງ ທ່ານ ພົງສະຫວັນ ສຸລິວັນ ຮອງຫົວໜ້າສະຖາບັນ ພັດທະນາສີມືແຮງງານ, ມີບັນດາຂະແໜງການກ່ຽວຂ້ອງ, ຄູອາຈານ ແລະ ນັກແຂ່ງຂັນເຂົ້າຮ່ວມ.
ກອງປະຊຸມ ໄດ້ຮັບຟັງການລາຍງານ ການຈັດຕັ້ງປະຕິບັດຕາມແຜນການເຄື່ອນໄຫວ ວຽກງານແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1, ພ້ອມດວ້ຍຈຸດປະສົງ ເພື່ອສົ່ງເສີມການພັດທະນາສີມື ແຮງງານໃຫ້ແກ່ບັນດາຊາວໜຸ່ມ, ຜູ້ເຂົ້າຝຶກ ແລະ ນັກສຶກສາ ທີ່ເປັນກຳລັງແຮງຂອງຊາດ ພາຍໃນສະຖາບັນພັດທະນາສີມືແຮງງານ, ວິທິຍາໄລ ແລະ ບໍລິສັດເອກະຊົນ ໂດຍມີການຄັດເລືອກ ແລະ ມອບຫລຽນລາງວັນ ໃຫ້ນັກແຂ່ງຂັນສີມືແຮງງານຜູ້ທີ່ຊະນະເລີດອັນດັບ 1, 2 ແລະ 3.
ການແຂ່ງຂັນສີມືແຮງງານຍັງເປັນເວທີແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນ ທາງດ້ານບົດຮຽນອັນພົ້ນເດັ່ນ, ນະວັດຕະກຳ ແລະ ເຕັກໂນໂລຊີຕ່າງໆ ທີ່ມີການປ່ຽນແປງໄປຕາມຍຸກ ການຫັນເປັນອຸດສາຫະກຳ 4.0. ນອກຈາກນັ້ນ, ຍັງເປັນການການຊຸກຍູ້ສົ່ງເສີມ ໃຫ້ມີການຮ່ວມມືລະ ຫວ່າງພາກລັດ ແລະ ພາກເອກະຊົນຫລາຍຂຶ້ນ ຊຶ່ງເປັນວຽກງານໜຶ່ງ ທີ່ນອນຢູ່ໃນວຽກງານການພັດທະ ນາຊັບພະຍາກອນມະນຸດ.
ການແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ I, ຈັດໄດ້ຈັດຂຶ້ນທີ່ ສະຖາບັນພັດທະນາສີມືແຮງງານ, ກະຊວງແຮງງານ ແລະ ສະຫວັດດີການສັງຄົມ ໂດຍມີ 5 ສາຂາຊ່າງ ຄື: ສາຂາຊ່າງຕິດຕັ້ງໄຟຟ້າ, ສາຂາຊ່າງເວບເຕັກໂນໂລຊີ, ສາຂາຊ່າງ ກຣາບຟິກດີຊາຍ, ສາຂາຊ່າງໄມ້ ແລະ ສາຂາຊ່າງປຸງແຕ່ງອາຫານ, ມີນັກແຂ່ງຂັນເຂົ້າຮ່ວມທັງໝົດ 31 ທ່ານ, ຍິງ 9 ທ່ານ.
ຂໍ້ມູນ-ພາບ: ຂ່າວສານ ຮສສ
KPL
