ຂປລ
ປະເທດ ການາ ໄດ້ເປີດຕົວເຄືອຂ່າຍ 5 ຈີ ຄັ້ງທຳອິດ ເພື່ອກະຕຸ້ນ ການປ່ຽນຜ່ານສູ່ ດີຈິຕອນ ແລະ ການເຕີບໂຕ ທາງເສດຖະກິດ ຂອງປະເທດ , ຊຶ່ງເຄືອຂ່າຍ 5ຈີ ນີ້ ສ້າງຂຶ້ນໂດຍ ເນັກຊ-ເຈນ ອິນຟຣາໂດ (Next-Gen InfraCo) ກຸ່ມບໍລິສັດ ຜູ້ໃຫ້ບໍລິການ ໂທລະຄົມ ມະນາຄົມ ຊຶ່ງໄດ້ຮັບສິດທິ ພິເສດ ໃນການເປີດຕົວ ພື້ນຖານ ໂຄງລ່າງ 4 ຈີ ແລະ 5ຈີ
ຂປລ.ສຳນັກຂ່າວ ຊິນຮວາຂອງ ສປຈີນ, ປະເທດ ການາ ໄດ້ເປີດຕົວເຄືອຂ່າຍ 5 ຈີ ຄັ້ງທຳອິດ ເພື່ອກະຕຸ້ນ ການປ່ຽນຜ່ານສູ່ ດີຈິຕອນ ແລະ ການເຕີບໂຕ ທາງເສດຖະກິດ ຂອງປະເທດ , ຊຶ່ງເຄືອຂ່າຍ 5ຈີ ນີ້ ສ້າງຂຶ້ນໂດຍ ເນັກຊ-ເຈນ ອິນຟຣາໂດ (Next-Gen InfraCo) ກຸ່ມບໍລິສັດ ຜູ້ໃຫ້ບໍລິການ ໂທລະຄົມ ມະນາຄົມ ຊຶ່ງໄດ້ຮັບສິດທິ ພິເສດ ໃນການເປີດຕົວ ພື້ນຖານ ໂຄງລ່າງ 4 ຈີ ແລະ 5ຈີ ທົ່ວປະເທດ ເປັນເວລາ 10 ປີ, ເພື່ອຂັບເຄື່ອນ ການຄວບຄຸມ ແລະ ສະຖຽນ ລະພາບ ຂອງເຄືອຂ່າຍໃນ ການາ.
ທ່ານ ນານາ ອັດໂດ ດັນກວາ ອາຄູໂຟ-ອັດໂດ ປາທານາທິບໍດີ ການາ ກ່າວໃນພິທີເປີດຕົວວ່າ: ການເຂົ້າມາຂອງ ເຄືອຂ່າຍ 5ຈີ ຖືເປັນ ໄລຍະເວລາ ສຳຄັນ ໃນການສ້າງ ຄວາມຄວບຄຸມ ແລະ ການປ່ຽນຜ່ານທາງ ດີຈິຕອນຂອງປະເທດ, ໂດຍເຕັກໂນໂລຊີ ຂັ້ນສູງນີ້ ເປັນຄວາມກ້າວໜ້າ ໃນການເຊື່ອມຕໍ່ ທີ່ສົ່ງເສີມ ວິໄສທັດ ຂອງປະເທດ ໃນການເປັນສູນກາງ ທາງເສດຖະກິດ ດິຈິຕອນ ແລະ ຊ່ວຍສະໜັບ ສະໜູນ ແຜນການ ດິຈິຕອນປີ 2030 ຂອງ ການາ ພ້ອມທັງ ສອດຄອງ ກັບແຜນການ ຂອງສະຫະພາບ ອາຟຣິກາ ປີ 2063. ເຕັກໂນໂລຊີໃໝ່ນີ້ ບໍ່ພຽງແຕ່ ເຮັດໃຫ້ ອິນເຕີເນັດໄວຂຶ້ນ ແຕ່ຍັງມີຄວາມກ້າວໜ້າ ດ້ານການເຊື່ອມຕໍ່ ທີ່ສອດຄອງກັບ ວິໄສທັດ ຂອງການາ ໃນການຂຶ້ນແທນ ເປັນສູນກາງ ເສດຖະກິດ ດິຈິຕອນ, ເລັ່ງການເຕີບໂຕ ພດັທະນາ ບໍລິການ ແລະ ປ່ຽນແປງ ໃນທຸກພາກສ່ວນ ອີກດ້ວຍ./.
KPL
