ຂປລ
ຈະດຳເນີນການສ້າງ ຖະໜົນໄຟຟ້າ ແບບບໍ່ມີສາຍ ແຫ່ງທຳອິດ ຂອງປະເທດ ໃນບໍລິເວນເມືອງໄຮຟາ ທາງແຄມຝັ່ງພາກເໜືອຂອງ ອິດສະຣາແອນ ເພື່ອອຳນວຍຄວາມສະດວກ ໃຫ້ກັບ ຍານພາຫະນະໄຟຟ້າ ສາມາດ ຊາກໄຟ ຂະນະທີ່ ຂັບຂີ່ ໄປຕາມຖະໜົນ ສາຍນີ້.
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ຖະແຫລງການ ຈາກກະຊວງ ຄົມມະນາຄົມ ຂອງ ອິດສະຣາແອນ ລະບຸວ່າ: ຈະດຳເນີນການສ້າງ ຖະໜົນໄຟຟ້າ ແບບບໍ່ມີສາຍ ແຫ່ງທຳອິດ ຂອງປະເທດ ໃນບໍລິເວນເມືອງໄຮຟາ ທາງແຄມຝັ່ງພາກເໜືອຂອງ ອິດສະຣາແອນ ເພື່ອອຳນວຍຄວາມສະດວກ ໃຫ້ກັບ ຍານພາຫະນະໄຟຟ້າ ສາມາດ ຊາກໄຟ ຂະນະທີ່ ຂັບຂີ່ ໄປຕາມຖະໜົນ ສາຍນີ້.
ເຕັກໂນໂລຊີ ການຊາກໄຟ ແບບບໍ່ມີສາຍ ຊຶ່ງພັດທະນາໂດຍ ອີເລັກທຣີອອນ ໄວເຣຊ (Electreon Wireless) ບໍລິສັດເຕັກໂນໂລຊີ ຂັ້ນສູງຂອງ ອິດສະຣາແອນ ເປັນເຕັກໂນໂລຊີ ທີ່ໃຊ້ຂົດລວດທອງແດງ ຊະນິດພິເສດ ວາງໄວ້ໃຕ້ພື້ນ ຂອງຖະໜົນ ເຮັດໃຫ້ຍານພາຫະນະ ສາມາດ ຊາກໄຟ ຂະນະທີ່ ເຄື່ອນທີ່ໄດ້.
ບໍລິສັດ ທຣີອອນ ຈະຮ່ວມມືກັບ ທຣານສ ອິດສະຣາແອນ(Trans Israel) ບໍລິສັດ ໂຄງການ ຄົມມະນາຄົມ ຂອງລັດຖະບານ ອິດສະຣາແອນ ກໍ່ສ້າງຖະໜົນສາຍນີ້ ຕາມແນວເຄືອຂ່າຍ ເມໂທຣນິດ (Metronit) ຊຶ່ງລວມເຖິງ ເສັ້ນທາງລົດໂດຍສານ ສາຍດ່ວນ 5 ສາຍ ທີ່ຄວບຄຸມເມືອງ ໄຮຟາ ແລະ ເມືອງໃກ້ຄຽງ ຕະຫລອດທັງ ເສັ້ນທາງມີ ຄວາມຍາວລວມ 104 ກິໂລແມັດ ແລະ ລົດໂດຍສານ ດັ່ງກ່າວນີ້ ຈະແລ່ນຜ່ານ ສ່ວນການຊາກໄຟ 16 ຈຸດ ທີ່ຕິດຕັ້ງຕາມແນວ ເຄືອຂ່າຍດັ່ງກ່າວ ໂດຍຕັ້ງແຕ່ຈຸດ ຈະມີຄວາມຍາວ 100 ແມັດ.
ບໍລິສັດ ອີເລັກທຣີອອນ ຈະຮັບຜິດຊອບ ດ້ານການໃຊ້ງານ ແລະ ການບຳລຸງຮັກສາ ໂຄງການ ເປັນໄລຍະເວລາ 12 ເດືອນ, ດ້ວຍງົບປະມານ 15,8 ລ້ານເຊເກລ, ພ້ອມທັງ ເລືອກໃນການຂະຫຍາຍ ເວລາອີກ 2 ປີ ໃນຂະນະທີ່ ຂະຫຍາຍ ໂຄງການນີ້./.
KPL
