ຂປລ
ອ້າງຕາມຂໍ້ມູນ ຈາກ ສູນຕິດຕາມ ການເລືອກຕັ້ງ ປະທານາທິບໍດີ ສ.ອາເມລິກາ ຂອງມະຫາວິທະຍາໄລ ຟໍລຣິດາ ເປີດເຜີຍ ວ່າ ຈຳນວນ ຜູ້ໃຊ້ສິດ ລົງຄະແນນ ລ່ວງໜ້າ ບໍ່ວ່າ ການສົ່ງຜົນຄະແນນ ທາງໄປສະນີ ຫລື ເດີນທາງໄປລົງ ຄະແນນ ລວມມີ 62.725.685 ຄົນ ຈາກ ຈຳນວນ ຜູ້ມີສິດທົ່ວປະເທດ ປະມານ 244 ລ້ານຄົນ.
ຂປລ. ສຳນັກຂ່າວ ຕ່າງປະເທດ ລາຍງານ ຈາກ ນະຄອນຫລວງ ວໍຊິງຕັນ ປະເທດສ.ອາເມລິກາ ເມື່ອວັນທີ 1 ພະຈິກນີ້ວ່າ: ອ້າງຕາມຂໍ້ມູນ ຈາກ ສູນຕິດຕາມ ການເລືອກຕັ້ງ ປະທານາທິບໍດີ ສ.ອາເມລິກາ ຂອງມະຫາວິທະຍາໄລ ຟໍລຣິດາ ເປີດເຜີຍ ວ່າ ຈຳນວນ ຜູ້ໃຊ້ສິດ ລົງຄະແນນ ລ່ວງໜ້າ ບໍ່ວ່າ ການສົ່ງຜົນຄະແນນ ທາງໄປສະນີ ຫລື ເດີນທາງໄປລົງ ຄະແນນ ລວມມີ 62.725.685 ຄົນ ຈາກ ຈຳນວນ ຜູ້ມີສິດທົ່ວປະເທດ ປະມານ 244 ລ້ານຄົນ.
ການວິເຄາະ ຕາມຜູ້ສະໜັບ ສະໜູນພັກ ການເມືອງພົບວ່າ ຜູ້ສະໜັບສະໜູນພັກ ເດໂມແຄຣດ ໃຊ້ສິດທິແລ້ວ 11.929.062 ຄົນ, ຜູ້ສະໜັບສະໜູນ ພັກຣີພັບລີກັນ ໃຊ້ສິດແລ້ວ 11.076.601 ຄົນ ກວມເອົາ 852.461 ຄົນ. ໃນຂະນະທີ່ ວັນກຳນົດ ລົງຄະແນນຕົວຈິງ ຂອງ ການເລືອກຕັ້ງ ຜູ້ນຳສ.ອາເມລິກາ ຄື ວັນທີ 5 ພະຈິກນີ້, ຊຶ່ງຜູ້ສະໝັກ 2 ຄົນ ຈາກພັກ ການເມືອງໃຫຍ່ ຄື: ທ່ານນາງ ກົມລາ ແອຣຣີສ ຮອງປະທານາທິບໍດີ ແລະ ຕົວແທນພັກເດໂມແຄຣດ ແລະ ທ່ານ ໂດນັລທຣຳ ອະດິດຜູ້ນຳ ສ.ອາເມລິກາ ຊຶ່້ງເປັນຕົວແທນພັກ ຣີພັບລິກັນ ຍັງຄົງແຂ່ງຂັນກັນ ຢ່າງດຸເດືອດ ໂດຍສະເພາະ ໃນ 7 ລັດ ./.
KPL
