ຂປລ
ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ທ່ານ ທ່ານເຊັກ ໂມຮາເໝັດ ບິນ ແອບດູນຣາມານ ບິນ ຈາຊີນ ອານທານີ (Sheikh Mohammed bin Abdulrahman bin Jasim Al-Thani) ນາຍົກລັດຖະມົນຕີ ແຫ່ງລັດກາຕາ ໄດ້ເຂົ້າຮ່ວມເປັນສັກຂີພິຍານ ໃນພິທີລົງນາມ ເອກະສານຮ່ວມມື ຫລາຍສະບັບ ໃນລະຫວ່າງ ການຢ້ຽມຢາມລັດ ກາຕາ ຢ່າງເປັນທາງການ, ພາຍຫລັງ ກອງປະຊຸມສົນທະນາ
ຂປລ. ສຳນັກຂ່າວ ວິທະຍຸກະຈາຍສຽງ ແຫ່ງຊາດ ຫວຽດນາມ, ວັນທີ 31 ຕຸລາ, ຢູ່ ນະຄອນຫລວງ ໂດຣາ ປະເທດກາຕາ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ທ່ານ ທ່ານເຊັກ ໂມຮາເໝັດ ບິນ ແອບດູນຣາມານ ບິນ ຈາຊີນ ອານທານີ (Sheikh Mohammed bin Abdulrahman bin Jasim Al-Thani) ນາຍົກລັດຖະມົນຕີ ແຫ່ງລັດກາຕາ ໄດ້ເຂົ້າຮ່ວມເປັນສັກຂີພິຍານ ໃນພິທີລົງນາມ ເອກະສານຮ່ວມມື ຫລາຍສະບັບ ໃນລະຫວ່າງ ການຢ້ຽມຢາມລັດ ກາຕາ ຢ່າງເປັນທາງການ, ພາຍຫລັງ ກອງປະຊຸມສົນທະນາ.
ໂດຍບັນດາ ກະຊວງ, ຂະແໜງການ, ອົງການ ສອງປະເທດ ໄດ້ລົງນາມ ໃນຄັ້ງນີ້ ລວມມີ: ອະນຸສັນຍາລະຫວ່າງ ລັດຖະບານລັດ ກາຕາ ແລະ ລັດຖະບານ ແຫ່ງ ສສ. ຫວຽດນາມ ວ່າດ້ວຍການປັບປຸງ ສັນຍາກ່ຽວກັບ ການຂົນສົ່ງສິນຄ້າ ທາງດ້ານການບິນ ທີ່ໄດ້ລົງນາມ ເມື່ອວັນທີ 8 ມີນາ 2009 ຜ່ານມາ; ບົດບັນທຶກວ່າດ້ວຍ ການຮ່ວມມື ໃນຂົງເຂດກິລາ ລະຫວ່າງ ລັດຖະບານແຫ່ງ ສສ. ຫວຽດນາມ ແລະ ລັດຖະບານ ລັດ ກາຕາ; ບົດບັນທຶກຊ່ວຍຈຳ ວ່າດ້ວຍການຮ່ວມມື ໃນຂົງເຂດກົດໝາຍ ລະຫວ່າງກະຊວງ ຍຸຕິທຳແຫ່ງ ສສ. ຫວຽດນາມ ແລະ ກະຊວງຍຸຕິທຳ ແຫ່ງລັດ ກາຕາ; ບົດບັນທຶກຊ່ວຍຈຳ ວ່າດ້ວຍການຮ່ວມມື ລະຫວ່າງສະຖາບັນການຕ່າງປະເທດ ກະຊວງການ ຕ່າງປະເທດ ແຫ່ງ ສສ. ຫວຽດນາມ ແລະ ສະຖາບັນການ ຕ່າງປະເທດ ກະຊວງການຕ່າງປະເທດ ແຫ່ງລັດ ກາຕາ ແລະ ບົດບັນທຶກຊ່ວຍຈຳ ວ່າດ້ວຍການຮ່ວມມື ລະຫວ່າງ ບໍລິສັດໃຫຍ່ ລົງທຶນດ້ວຍທຶນຂອງລັດ ຫວຽດນາມ (SCIC) ແລະ ອື່ນໆ./
KPL
