ຂປລ
ຂປລ. ເມື່ອບໍ່ດົນຜ່ານມານີ້, ບ້ານແກ້ງໝໍ້ ເມືອງສັງທອງ ນະຄອນຫລວງວຽງຈັນ ຈັດການແຂ່ງຂັນຊ່ວງເຮືອປະເພນີ ປະຈຳປີ 2024, ມີເຮືອເຂົ້າຮ່ວມແຂ່ງຂັນ 5 ລຳ ໃນນັ້ນ, ມີເຮືອເຈົ້າພາບບ້ານແກ້ງໝໍ້ 3 ລຳ ແລະ ເຮືອມາຈາກຕ່າງເມືອງ 2 ລຳ ໂດຍມີການນຳຂັ້ນເມືອງ, ນະຄອນຫລວງວຽງຈັນ, ພ້ອມດ້ວຍປະຊາຊົນ ບ້ານແກ້ງໝໍ້ ເຂົ້າຮ່ວມຊົມ-ເຊຍ ຢ່າງຄຶກຄື້ນມ່ວນຊື່ນ.
ຂປລ. ເມື່ອບໍ່ດົນຜ່ານມານີ້, ບ້ານແກ້ງໝໍ້ ເມືອງສັງທອງ ນະຄອນຫລວງວຽງຈັນ ຈັດການແຂ່ງຂັນຊ່ວງເຮືອປະເພນີ ປະຈຳປີ 2024, ມີເຮືອເຂົ້າຮ່ວມແຂ່ງຂັນ 5 ລຳ ໃນນັ້ນ, ມີເຮືອເຈົ້າພາບບ້ານແກ້ງໝໍ້ 3 ລຳ ແລະ ເຮືອມາຈາກຕ່າງເມືອງ 2 ລຳ ໂດຍມີການນຳຂັ້ນເມືອງ, ນະຄອນຫລວງວຽງຈັນ, ພ້ອມດ້ວຍປະຊາຊົນ ບ້ານແກ້ງໝໍ້ ເຂົ້າຮ່ວມຊົມ-ເຊຍ ຢ່າງຄຶກຄື້ນມ່ວນຊື່ນ.
ຜ່ານການແຂ່ງຂັນ ທີ 1 ໄດ້ແກ່ເຮືອຊ່ວງອ່າງໃຫຍ່ ຈາກເມືອງສີໂຄດຕະບອງ ໄດ້ຮັບເງິນລາງວັນ 4 ລ້ານກີບ, ພ້ອມຂັນລາງວັນ 1 ໜ່ວຍ, ອັນດັບທີ 2 ໄດ້ແກ່ເຮືອຊ່ວງບີ່ນາວາ ຊາວໜຸ່ມບ້ານແກ້ງໝໍ້ ໄດ້ຮັບເງິນລາງວັນ 3 ລ້ານກີບ, ພ້ອມຂັນລາງວັນ, ອັນດັບທີ 3 ໄດ້ແກ່ເຮືອ ເຈົ້າພໍ່ສີຊົມຊື່ນ 2 ເຮືອເຈົ້າພາບຈັດງານບຸນ ໄດ້ຮັບເງິນລາງວັນ 2 ລ້ານກີບ, ພ້ອມຂັນລາງວັນ ແລະ ອັນດັບທີ 4 ໄດ້ແກ່ເຮືອ ເຈົ້າພໍ່ສີຊົມຊື່ນ 1 ເຮືອເຈົົ້າພາບຈັດງານບຸນ ໄດ້ຮັບເງິນລາງວັນ 1 ລ້ານກີບ, ພ້ອມຂັນລາງວັນ.
ທ່ານ ວີໄຊ ສີດວງລາດ ນາຍບ້ານແກ້ງໝໍ້ ໄດ້ໃຫ້ຮູ້ວ່າ: ບ້ານແກ້ງໝໍ້ ໄດ້ຈັດງານບຸນອອກພັນສາ ກໍຄື ການແຂ່ງຂັນຊ່ວງເຮືອ ປະເພນີເປັນປະຈຳ ໃນທຸກໆປີ ເພື່ອຮັກສາວັດທະນະທຳ, ຮີດຄອງປະເພນີອັນດີງາມ ທີ່ເຄີຍປະຕິບັດກັນມາ ໃຫ້ມີຄວາມຢືນຍົງ, ທັງເປັນການ ເຕົ້າໂຮງຄວາມສາມັກຄີ ປະຊາຊົນພາຍໃນບ້ານ, ບ້ານໃກ້ຄຽງ ແລະ ບັນດາເມືອງໃນນະຄອນຫລວງວຽງຈັນ ໃຫ້ແໜ້ນແຟ້ນຍິ່ງຂຶ້ນກວ່າເກົ່າ ໂດຍໄດ້ຈັດໃຫ້ມີຫລາຍກິດຈະກຳ ເປັນຕົ້ນ ການແຂ່ງຂັນຊ່ວງເຮືອ, ງານວາງສະແດງ ແລະ ຈຳໜ່າຍສິນຄ້າ ປະເພດເຄື່ອງອຸປະໂພກ-ບໍລິໂພກ, ອາຫານ, ເຄື່ອງດື່ມ ແລະ ອື່ນໆ, ພ້ອມທັງມີການສະ ແດງສິລະປະດົນຕີ ຕື່ມອີກ.
ບຸນອອກພັນສາປະວໍລະນາ ແລະ ຊ່ວງເຮືອປະເພນີ ແມ່ນ ຮີດ 12 ຄອງ 14 ແລະ ແມ່ນຮີດ ຄອງປະເພນີ ອັນດີງາມຂອງຊາດລາວເຮົາ ທີ່ໄດ້ສືບທອດກັນມາແຕ່ ບູຮານນະການ ເຊິ່ງມີປະຫວັດຄວາມເປັນມາອັນຍາວນານ. ການແຂ່ງຂັນຊ່ວງເຮືອ ໃນໂອກາດບຸນອອກພັນສາ ເປັນກິລາທາງໜ້ານ້ຳ ປະເພດໜຶ່ງ ຈັດຂຶ້ນເພື່ອເປັນການສ້າງໂອກາດ ໃຫ້ປະຊາຊົນ ໄດ້ມາພົບປະເພື່ອນມິດສະຫາຍ, ຍາດຕິພີ່ນ້ອງທີ່ມາຈາກທົ່ວສາລະທິດ ໄດ້ມາພັກຜ່ອນຢ່ອນໃຈ ພາຍຫລັງທີ່ທຳການຜະລິດໃນລະດູຝົນຕະ ຫລອດຫລາຍເດືອນຜ່ານມາ.
ຂ່າວ: ທະນູທອງ
ພາບ: ເກດສະໜາ
KPL
