ຂປລ
4ປະເທດ ທີ່ເປັນສະມາຊິກ ສະມາຄົມ ປະຊາຊາດ ອາຊີ ຕາເວັນອອກ ສຽງໃຕ້ ຫລື ອາຊຽນ ລວມມີ ມາເລເຊຍ,ອິນໂດເນເຊຍ, ສສ ຫວຽດນາມ ແລະ ໄທ ສະເໜີ ເຂົ້າຮ່ວມ ເປັນຄູ່ຮ່ວມມືຂອງ ກຸ່ມບຣິກສ(BRICS)
ຂປລ.ຕາມຂ່າວຈາກ ຄາຊານ,ວັນທີ25ຕຸລານີ້, 4ປະເທດ ທີ່ເປັນສະມາຊິກ ສະມາຄົມ ປະຊາຊາດ ອາຊີ ຕາເວັນອອກ ສຽງໃຕ້ ຫລື ອາຊຽນ ລວມມີ ມາເລເຊຍ,ອິນໂດເນເຊຍ, ສສ ຫວຽດນາມ ແລະ ໄທ ສະເໜີ ເຂົ້າຮ່ວມ ເປັນຄູ່ຮ່ວມມືຂອງ ກຸ່ມບຣິກສ(BRICS) ໂດຍມີ ເປົ້າໝາຍ ເພື່ອເພີ່ມໂອກາດ ທາງການຄ້າ ແລະ ເພີ່ມການພົວພັນ ການຮ່ວມມື ຫລາຍດ້ານ ໃນທ່າມກາງ ຄວາມບໍ່ແນ່ນອນ ທາງສະຖານະການໂລກ ທີ່ຍັງເຄັ່ງຮ້ອນ ໃນປັດຈຸບັນ.ໃນກອງປະຊຸມ ສຸດຍອດ ຜູ້ນຳ ບຣິກສ ທີ່ເມືອງຄາຊານ ຂອງຣັດເຊຍ ມີ 13ປະເທດ ໄດ້ເພີ່ມເຂົ້າເປັນ ປະເທດ ຄູ່ຮ່ວມມື ໄດ້ແກ່ ປະເທດ ອານເຊຣີ,ເບລາຣຸດຊີ,ໂບລີວີ,ກູບາ,ກາຊັກສະຖານ,ນີເຊຣີ,ຕວັກກີ,ອູກັນດາ ແລະ ອຸດສະເບກິດສະຖານ. ເຖິງຢ່າງໃດກໍຕາມ, ທັງ 13ປະເທດດັ່ງກ່າວ ຍັງບໍ່ທັນ ເປັນສະມາຊິກ ຢ່າງເຕັມສ່ວນຂອງ ບຣີກສທີ່ສ້າງຕັ້ງຂຶ້ນ ໃນປີ 2006, ສະມາຊິກ ເບື້ອງຕົ້ນ ລວມມີ ບຣາຊິນ, ຣັດເຊຍ, ອິນເດຍ ແລະ ອາຟຣິກາໃຕ້ ເຂົ້າຮ່ວມໃນປີ 2010, ໃນຂະນະທີ່ ເອຢິບ, ເອທິໂອເປຍ, ອີຣານ ແລະ ສະຫະນະຄອນ ເອເມເຣັດ ອາຣັບ (UAE) ເຂົ້າເປັນສະມາຊິກ ໃນປີນີ້. ເສດຖະກິດ ຂອງສະມາຊິກ ກຸ່ມ BRICSມີມູນຄ່າ ຫລາຍກວ່າ 28,5ພັນຕື້ໂດລາສະຫະລັດ ກວມເອົາ ປະມານ 28%ຂອງເສດຖະກິດໂລກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
