ຂປລ
ຂປລ. ແຫລ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ແຂວງວຽງຈັນ ເປີດຂະບວນການແຂ່ງຂັນກິລາ ຊີງຂັນທ່ານເຈົ້າແຂວງ ໃນວັນທີ 22-24 ຕຸລາ 2024 ເພື່ອສ້າງຂະບວນການສະເຫລີມສະ ຫລອງ ວັນຄູແຫ່ງຊາດ ຄົບຮອບ 30 ປີ ແລະ ຂ່ຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງວຽງຈັນ ໂດຍການແຂ່ງຂັນປະກອບມີ ມີ 4
\ ຂປລ. ແຫລ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ແຂວງວຽງຈັນ ເປີດຂະບວນການແຂ່ງຂັນກິລາ ຊີງຂັນທ່ານເຈົ້າແຂວງ ໃນວັນທີ 22-24 ຕຸລາ 2024 ເພື່ອສ້າງຂະບວນການສະເຫລີມສະ ຫລອງ ວັນຄູແຫ່ງຊາດ ຄົບຮອບ 30 ປີ ແລະ ຂ່ຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງວຽງຈັນ ໂດຍການແຂ່ງຂັນປະກອບມີ ມີ 4 ປະເພດກິລາຄື: ກິລາເປຕັງ, ບານສົ່ງ, ກະຕໍ້ ແລະ ກິລາດອກປີກໄກ່. ໃນນີ້, ແຕ່ລະປະເພດປະກອບມີຜູ້ເຂົ້າແຂ່ງຂັນ ຮຸ້ນທົ່ວໄປ, ຮຸ້ນອາວຸໂສ ແລະ ການນຳ.
ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ ໄດ້ມີຄໍາເຫັນໃນພິທີຄັ້ງນີ້ວ່າ: ການສ້າງຂະບວນການດ້ານກິລາເປັນສິ່ງທີ່ດີ ເພາະການຫລິ້ນກິລາເຮັດໃຫ້ເຮົາມີຮ່າງກາຍແຂງແຮງ, ມີສຸຂະພາບຈິດແຈ່ມໃສ, ສ້າງໄດ້ຄວາມສາມັກຄີພາຍໃນຄອບຄົວ ກໍຄື ອົງການຈັດຕັ້ງ, ຊຸກຍູ້ສົ່ງເສີມໃຫ້ໄວລຸ້ນຍຸກໃໝ່ ຫັນມາຮັກກິລາ, ຫລິ້ນກິລາໃຫ້ຫລາຍຂຶ້ນ ເພື່ອໃຫ້ເຂົາເຈົ້າໃຊ້ເວລາວ່າງໃຫ້ເປັນປະໂຫຍດ ແລະ ຍັງຫ່າງໄກຈາກຢາເສບຕິດຕື່ມອີກ ດັ່ງຄຳເວົ້າທີ່ວ່າ “ເສຍເຫື່ອໃຫ້ກິລາ ດີກວ່າເສຍນ້ຳຕາໃຫ້ຢາເສບຕິດ”.
ທ່ານ ຄຳ ຂັນທະວີວອນ ວ່າການຫົວໜ້າພະແນກ ສຶກສາທິການ ແລະ ກິລາ ແຂວງ ໄດ້ກ່າວວ່າ: ຈຸດປະສົງຂອງການເປີດຂະບວນການແຂ່ງຂັນກິລາຊີງຂັນທ່ານເຈົ້າແຂວງວຽງຈັນໃນຄັ້ງນີ້ ເພື່ອສະເຫລີມສະຫລອງວັນຄູແຫ່ງຊາດ ຄົບຮອບ 30 ປີ ແລະ ເປັນການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງວຽງຈັນ. ພ້ອມນີ້, ກໍເປັນການຊຸກຍູ້ສົ່ງເສີມໃຫ້ຊາວໜຸ່ມໄດ້ມີໂອກາດມາຫລິ້ນກິລາ ເພື່ອສ້າງຄວາມສາມັກຄີ ແລະ ມີສຸຂະພາບແຂ່ງແຮງອີກດ້ວຍ.
KPL
