ຂປລ
ຂປລ. ໃນວັນທີ 21 ຕຸລາ 2024 ຢູ່ສະພາແຫ່ງຊາດ, ກອງທຶນ FG Foundation donates ໄດ້ມອບເງິນຈຳນວນ 1,5 ລ້ານຢູໂຣ ແລະ ບໍລິສັດ ວັນນິດາ ສຳຫລວດ-ແຮ່ທາດ ແລະ ການລົງທຶນ ຈຳກັດຜູ້ດຽວ ມອບເງິນ ຈຳນວນ 2 ຕື້ກີບ ໃຫ້ສະພາແຫ່ງຊາດລາວ ເພື່ອສະໜັບສະໜູນ ການຈັດກອງປະຊຸມໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ(AIPA) ຄັ້ງທີ 45 ທີ່ ສປປ ລາວ
ຂປລ. ໃນວັນທີ 21 ຕຸລາ 2024 ຢູ່ສະພາແຫ່ງຊາດ, ກອງທຶນ FG Foundation donates ໄດ້ມອບເງິນຈຳນວນ 1,5 ລ້ານຢູໂຣ ແລະ ບໍລິສັດ ວັນນິດາ ສຳຫລວດ-ແຮ່ທາດ ແລະ ການລົງທຶນ ຈຳກັດຜູ້ດຽວ ມອບເງິນ ຈຳນວນ 2 ຕື້ກີບ ໃຫ້ສະພາແຫ່ງຊາດລາວ ເພື່ອສະໜັບສະໜູນ ການຈັດກອງປະຊຸມໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ(AIPA) ຄັ້ງທີ 45 ທີ່ ສປປ ລາວ ເປັນເຈົ້າພາບຈັດຂຶ້ນ ໃນລະຫວ່າງວັນທີ 17-23 ຕຸລາ 2024 ເຊິ່ງຕາງໜ້າມອບໂດຍ ທ່ານ ແອນເຕິນ ໂຕໂດໂຣ ສະມາຊິກສະພາບໍລິຫານ ບໍລິສັດ ITFI Global Co, ທ່ານ ເຫີຣົງ ( HE Rong) ປະທານບໍລິສັດ ວັນນິດາ ສຳຫຼວດ-ແຮ່ທາດ ແລະ ການລົງທຶນ ຈຳກັດຜູ້ດຽວ ແລະ ກ່າວຮັບໂດຍ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດລາວ ປະທານໄອປາ ຄັ້ງທີ 45.
ໂອກາດນີ້, ທ່ານປະທານສະພາແຫ່ງຊາດ ກໍໄດ້ສະແດງຄວາມຂອບໃຈຕໍ່ກອງທຶນ FG Foundation donates ແລະ ບໍລິສັດ ວັນນີດາ ສໍາຫລວດ-ແຮ່ທາດ ແລະ ການລົງທຶນ ຈຳກັດ ຜູ້ດຽວ ທີ່ໄດ້ໃຫ້ຄວາມສຳຄັນ, ສະໜັບສະໜູນ ແລະ ໃຫ້ກຳລັງໃຈແກ່ສະພາແຫ່ງຊາດລາວ ໃນການເປັນປະທານໄອປາ ໃນປີ 2024 ກໍຄື ເປັນເຈົ້າພາບກອງປະຊຸມໃຫຍ່ລັດຖະສະພາລະຫວ່າງຊາດ ອາຊຽນ AIPA ຄັ້ງທີ 45 ໃຫ້ສຳເລັດຜົນຢ່າງຈົບງາມ.
ຂ່າວ: ກິດຕາ
ພາບ: ຂັນໄຊ
KPL
