ຂປລ
ສະພາສູງ ແລະ ສະພາຕ່ຳຍີ່ປຸ່ນ ຈະດຳເນີນ ວາລະກອງປະຊຸມ ວິສາມັນ ເພື່ອໃຫ້ ສັດຕະຍາບັນຕຳແໜ່ງ ນາຍົກລັດຖະມົນຕີ ຄົນໃໝ່ ນຳໂດຍ ທ່ານ ອິຊິບາ ຊິເກຣຸ(Ishiba Shigeru).
ຂປລ.ວິທະຍຸ ກະຈາຍສຽງ ຫວຽດນາມ, ສະພາສູງ ແລະ ສະພາຕ່ຳຍີ່ປຸ່ນ ຈະດຳເນີນ ວາລະກອງປະຊຸມ ວິສາມັນ ເພື່ອໃຫ້ ສັດຕະຍາບັນຕຳແໜ່ງ ນາຍົກລັດຖະມົນຕີ ຄົນໃໝ່ ນຳໂດຍ ທ່ານ ອິຊິບາ ຊິເກຣຸ(Ishiba Shigeru). ຫລັງຈາກນັ້ນ, ທ່ານ ອິຊິບາ ຊິເກຣຸ ຈະປະກາດ ບັນຊີລາຍຊື່ ບັນດາ ບຸກຄະລາກອນ ຄະນະ ລັດຖະບານຊຸດໃໝ່ ຊຶ່ງເປັນ ຜູ້ທີ່ຫາກໍ່ໄດ້ຮັບ ການເລືອກຕັ້ງ ເປັນປະທານ ຂອງພັກກຳອຳນາດ ເສລີ ປະຊາທິປະໄຕ ຍີ່ປຸ່ນ (LDP) ໃນວັນທີ 27 ກັນຍາ ຜ່ານມາ.ພາຍຫລັງ ທ່ານນ ຄີຊີດະ ຟູມິໂອ (Kishida Fumio), ນາຍົກລັດຖະມົນຕີ ຍີ່ປຸ່ນ ໄດ້ເປັນປະທານ ຈັດກອງປະຊຸມ ວາລະສຸດທ້າຍ ຂອງລັດຖະບານ ຊຸດປະຈຸບັນ ຢູ່ສຳນັກງານ ຫ້ອງວ່າການ ລັດຖະບານ ຍີ່ປຸ່ນ ວັນທີ1 ຕຸລານີ້ ໂດຍລວມມີ ຄະນະລັດຖະມົນຕີ ທັງໝົດ 19 ທ່ານ ໄດ້ພ້ອມກັນ ຍື່ນໃບ ຂໍລາອອກ ຈາກຕຳແໜ່ງ ເຖິງ ທ່ານ ຄີຊີດະ ຟູມິໂອ ເພື່ອເປີດທາງ ໃຫ້ແກ່ ການສ້າງຕັ້ງ ຄະນະ ລັດຖະບານ ຊຸດໃໝ່ ໃນໄວໆນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
