ຂປລ
ຂປລ. ງານຜະລິດຕະພັນລາວ 2024 ຫລື Made in Laos 2024 ພາຍໃຕ້ຫົວຂໍ້: “ຊຸກຍູ້ຜັກດັນເສດຖະກິດ ຜະລິດຕະພັນລາວ ກ້າວສູ່ສາກົນ” ເປີດຂຶ້ນຢ່າງເປັນທາງການໃນວັນທີ 1 ຕຸລາ 2024, ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ ໂດຍໃຫ້ກຽດຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ, ເຈົ້າແຂວງສະຫວັນນະເຂດ, ເຈົ້າແຂວງແຂວງວຽງຈັນ, ຮອງເຈົ້າຄອງນະຄອນຫລວງວຽງຈັນ, ລັດຖະມົນຕີ, ຮອງລັດຖະມົນຕີ, ຮອງເຈົ້າແຂວງ, ຄະນະປະທານ, ຄະນະບໍລິຫານງານ, ຄະນະທີ່ປຶກສາສະພາການຄ້າ ແລະ ອຸດສາຫະກໍາ ແຫ່ງຊາດລາວ, ຜູ້ຕາງໜ້າຈາກພາກລັດ, ສະຖານທູດ, ອົງການຈັດຕັ້ງສາກົນ, ຫົວໜ່ວຍທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂປລ. ງານຜະລິດຕະພັນລາວ 2024 ຫລື Made in Laos 2024 ພາຍໃຕ້ຫົວຂໍ້: “ຊຸກຍູ້ຜັກດັນເສດຖະກິດ ຜະລິດຕະພັນລາວ ກ້າວສູ່ສາກົນ” ເປີດຂຶ້ນຢ່າງເປັນທາງການໃນວັນທີ 1 ຕຸລາ 2024, ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ ໂດຍໃຫ້ກຽດຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ, ເຈົ້າແຂວງສະຫວັນນະເຂດ, ເຈົ້າແຂວງແຂວງວຽງຈັນ, ຮອງເຈົ້າຄອງນະຄອນຫລວງວຽງຈັນ, ລັດຖະມົນຕີ, ຮອງລັດຖະມົນຕີ, ຮອງເຈົ້າແຂວງ, ຄະນະປະທານ, ຄະນະບໍລິຫານງານ, ຄະນະທີ່ປຶກສາສະພາການຄ້າ ແລະ ອຸດສາຫະກໍາ ແຫ່ງຊາດລາວ, ຜູ້ຕາງໜ້າຈາກພາກລັດ, ສະຖານທູດ, ອົງການຈັດຕັ້ງສາກົນ, ຫົວໜ່ວຍທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ຈັນທະຈອນ ວົງໄຊຮອງ ປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ)ໄດ້ໃຫ້ຮູ້ວ່າ: ຈຸດປະສົງຫລັກຂອງການຈັດງານໃນຄັ້ງນີ້, ເປັນການສ້າງກິດຈະກຳໜຶ່ງ ຂອງພາກທຸລະກິດ ເພື່ອປະກອບສ່ວນໃນການສ້າງເວທີ ແລະ ເປັນການໂຄສະນາສົ່ງເສີມ ຜະລິດຕະພັນທີ່ຜະລິດໃນລາວ, ພ້ອມທັງເອື້ອອໍານວຍ ສົ່ງເສີມໃຫ້ແກ່ຜູ້ປະກອບການ ທີ່ເຮັດການຜະລິດທັງພາຍໃນ ແລະ ຕ່າງປະເທດ, ໂດຍສະເພາະ ສ້າງຍີ່ຫໍ້ສິນຄ້າທີ່ຜະລິດໃນລາວ ໃຫ້ມີມາດຕະຖານ ແລະ ຄຸນນະພາບ, ສາມາດແຂ່ງຂັນຈຳໜ່າຍພາຍໃນ ແລະ ສົ່ງອອກຕ່າງປະເທດ ໃຫ້ນັບມື້ນັບຫລາຍຂຶ້ນ. ພ້ອມກັນນີ້, ກໍເພື່ອເປັນການສ້າງຄວາມພາກພູມໃຈ, ຊຸກຍູ້ສົ່ງເສີມໃຫ້ນໍາໃຊ້ ຜະລິດຕະພັນລາວ ແລະ ເພື່ອເປັນການຫລຸດຜ່ອນ ການນໍາເຂົ້າສິນຄ້າຈາກຕ່າງປະເທດ ຄືດັ່ງຫົວຂໍ້ຫລັກຂອງງານ “ຊຸກຍູ້ຜັກດັນເສດຖະກິດ ຜະລິດຕະພັນລາວ ກ້າວສູ່ສາກົນ” ເປົ້າໝາຍໂດຍລວມ ກໍເພື່ອປະກອບສ່ວນສ້າງສາ ພັດທະນາປະເທດຊາດ ໃຫ້ຈະເລີນກ້າວໜ້າຂຶ້ນໄປເລື້ອຍໆ.
ທ່ານ ນາງ ຈົນທະຈອນ ວົງໄຊ ຍັງໃຫ້ຮູ້ອີກວ່າ: ງານໃນຄັ້ງນີ້, ມີຜູ້ປະກອບການໃນທົ່ວປະເທດ ເຂົ້າຮ່ວມລວມໝົດມີ 150 ບໍລິສັດ ຈາກ 17 ແຂວງ ແລະ ນະຄອນຫລວງວຽງຈັນ ແລະ ມີທັງໝົດ 201 ຫ້ອງວາງສະແດງ. ຜະລິດຕະພັນຕົ້ນຕໍທີ່ນໍາມາວາງສະແດງໃນຄັ້ງນີ້ ມາຈາກຫລາຍຂະແໜງການເຊັ່ນ: ຂະແໜງ ຜະລິດຕະພັນ ສິນຄ້າທີ່ຈົດກາໝາຍ Made in Laos (ຫ້ອງການ ສຄອຊ ເປັນຜູ້ອະນຸມັດໃຫ້ໃຊ້ກາໝາຍ Made in Lao) ຖ້າບໍລິສັດ/ຮ້ານ ສົນໃຈຢາກມາໃຊ້ ກາໝາຍ Made in Lao ກໍສາມາດຕິດຕໍ່ມາຍັງຫ້ອງການ ສຄອຊ ໂດຍບໍ່ມີຄ່າໃຊ້ຈ່າຍ; ຜະລິດຕະພັນ ຫັດຖະກຳແຜນແຜ່, ຜ້າຝ້າຍ, ຜ້າໄໝ; ຜະລິດຕະພັນ ເຟີນີເຈີ ແລະ ເຄື່ອງຕົບແຕ່ງພາຍໃນພາຍ; ຜະລິດຕະພັນ ກະສິກຳ ( ເຂົ້າ, ຊາ, ກາເຟ ); ຜະລິດຕະພັນ ອາຫານ ແລະ ເຄື່ອງດື່ມ; ຜະລິດຕະພັນອຸດສາຫະກໍາໜັກ-ເບົາ; ຜະ ລິດຕະພັນ ຂົນສົ່ງ, ທະນາຄານ, ຄລີນິກ; ຜະລິດຕະພັນລາວ ຫັດຖະກຳໄມ້ປ່ອງ; ຜະລິດຕະພັນ ໜຶ່ງເມື່ອງໜຶ່ງຜະລິດພັນ (ODOP) ສິນຄ້າຈາກຄອບຄົວຕົວແບບຂອງ; ຜະລິດຕະພັນ ສິນຄ້າຂອງບັນປະເທດອາຊຽນ + ສປ ຈີນ. ລວມມູນຄ່າສິນຄ້າທີ່ນຳມາວາງສະແດງ ຫລາຍກວ່າ 9 ຕື້ກວ່າກີບ.
ຂ່າວ:ສົມຫວັງ
ພາບ: ອ່າຍຄໍາ
KPL
