ຂປລ
ຄະນະ ກຳມະການ ການລົງທຶນ ກຳປູເຈຍ ສັງກັດ ສະພາ ເພື່ອການພັດທະນາ ແຫ່ງກຳປູເຈຍ ລາຍງານວ່າ ບໍລິສັດ ນີວບັສະຕາຣ (ແຄມໂບເດຍ) ໄທ ຈຳກັດ ຊຶ່ງເປັນ ໂຮງງານ ຜະລິດຢາງລົດ ທີ່ ລົງທຶນ ໂດຍ ສປຈີນ ທາງພາກ ຕາເວັນອອກ ສຽງເໜືອ ຂອງ ກຳປູເຈຍ ໄດ້ເປີດດຳເນີນງານ ເມື່ອບໍ່ດົນມານີ້ ພາຍຫລັງ ໄດ້ກໍ່ສ້າງ ມາເປັນເວລາ 16 ເດືອນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ຄະນະ ກຳມະການ ການລົງທຶນ ກຳປູເຈຍ ສັງກັດ ສະພາ ເພື່ອການພັດທະນາ ແຫ່ງກຳປູເຈຍ ລາຍງານວ່າ ບໍລິສັດ ນີວບັສະຕາຣ (ແຄມໂບເດຍ) ໄທ ຈຳກັດ ຊຶ່ງເປັນ ໂຮງງານ ຜະລິດຢາງລົດ ທີ່ ລົງທຶນ ໂດຍ ສປຈີນ ທາງພາກ ຕາເວັນອອກ ສຽງເໜືອ ຂອງ ກຳປູເຈຍ ໄດ້ເປີດດຳເນີນງານ ເມື່ອບໍ່ດົນມານີ້ ພາຍຫລັງ ໄດ້ກໍ່ສ້າງ ມາເປັນເວລາ 16 ເດືອນ.
ທ່ານ ເຊຍ ວຸດທີ ເລຂາທີການສະພາດັ່ງກ່າວ ໃຫ້ຮູ້ວ່າ ບໍລິສັດນີ້ ແມ່ນສາຂາ ຊິງເຕົ່າ ດັບເບີລສະຕາຣກຣຸບ ຂອງ ສປຈີນ ໄດ້ເຂົ້າມາ ລົງທຶນປະມານ 140 ລ້ານໂດລາ ສະຫລັດ ເພື່ອສ້າງ ໂຮງງານ ຜະລິດ ຢາງລົດ ດ້ວຍເນື້ອທີ່ 40 ເຮັກຕາ ໃນເຂດ ເສດຖະກິດ ພິເສດ ຢູບີອີ ໃນເຂດສະນູລ ແຂວງກະແຈະ. ໂຮງງານຜະລິດ ຢາງລົດແຫ່ງນີ້ ຈະຊ່ວຍສ້າງ ຄວາມຫລາກຫລາຍ ທາງດ້ານເສດຖະກິດ ໃຫ້ແກ່ ກຳປູເຈຍ ແລະ ມີສ່ວນຊ່ວຍ ສົ່ງເສີມ ການພັດທະນາ ເສດຖະກິດ ແລະ ສັງຄົມ ຂອງ ກຳປູເຈຍ ລວມເຖິງ ການສ້າງ ວຽກເຮັດ ງານທຳ ໃຫ້ແກ່ປະຊາຊົນ ໃນທ້ອງຖິ່ນ ອີກດ້ວຍ. /
KPL
