ຂປລ
ຂ່າວດີສຳລັບນັກທ່ອງທ່ຽວທີ່ເດີນທາງຈາກລາວໄປຫວຽດນາມ ແລະ ສະຖານທີ່ອື່ນໆ ເມື່ອສາຍການບິນຫວຽດເຈັດ (Vietjet) ກໍາລັງສະເຫລີມສະຫລອງວັນສຳຄັນທີ່ມີຜູ້ໂດຍສານຄົບ 200 ລ້ານຄົນ ໂດຍການເປີດໂປຣໂມຊັນພິເສດຕະຫລອດ 01 ເດືອນ ແຕ່ມື້ນີ້ຈົນຮອດວັນທີ 15 ກັນຍາ 2024 ຊຶ່ງນັກທ່ອງທ່ຽວສາມາດຮັບສ່ວນຫລຸດ 20%
ຂປລ. ຂ່າວດີສຳລັບນັກທ່ອງທ່ຽວທີ່ເດີນທາງຈາກລາວໄປຫວຽດນາມ ແລະສະຖານທີ່ອື່ນໆ ເມື່ອສາຍການບິນຫວຽດເຈັດ (Vietjet)ກໍາລັງສະເຫລີມສະຫລອງວັນສຳຄັນທີ່ມີຜູ້ໂດຍສານຄົບ200ລ້ານຄົນ ໂດຍການເປີດໂປຣໂມຊັນພິເສດຕະຫລອດ01ເດືອນແຕ່ມື້ນີ້ຈົນຮອດວັນທີ 15ກັນຍາ 2024ຊຶ່ງນັກທ່ອງທ່ຽວສາມາດຮັບສ່ວນຫລຸດ 20% (ຕາມເງື່ອນໄຂແລະ ຂໍ້ກໍານົດ) ໃນເສັ້ນທາງນະຄອນຫລວງວຽງຈັນ-ນະຄອນໂຮ່ຈິມິນ ແລະ ທຸກຖ້ຽວບິນໃນເຄືອຂ່າຍຂອງ Vietjet ໂດຍໃຊ້ລະຫັດໂປຣໂມຊັນ VJ200ເມື່ອຈອງຜ່ານທາງ www.vietjetair.com ຫລືແອັບມືຖື Vietjet Air.
ຂໍ້ສະເໜີພິເສດນີ້ສາມາດໃຊ້ກັບປີ້ຍົນປະເພດEco ແລະ ໃຊ້ໄດ້ສຳລັບການເດີນທາງຕັ້ງແຕ່ມື້ນີ້ຈົນຮອດວັນທີ 15ພະຈິກ 2024. ເຊິ່ງເປັນເວລາທີ່ເໝາະສົມແກ່ການສຳຜັດກັບລະດູໃບໄມ້ຫລົ່ນທີ່ໜ້າຕື່ນຕາຕື່ນໃຈໃນທົ່ວຫວຽດນາມ ແລະຈຸດໝາຍປາຍທາງອື່ນໆ ໃນຂອບເຂດທະວິບອາຊີ ຫລືຈະໄປສຳຫລວດລະດູໃບໄມ້ປົ່ງທີ່ສົດຊື່ນຂອງປະເທດອົດສະຕຣາລີກໍໄດ້ເຊັ່ນກັນ. ປັດຈຸບັນ Vietjet ໃຫ້ບໍລິການເສັ້ນທາງການບິນຫລາຍກວ່າ 149ເສັ້ນທາງທັງພາຍໃນ ແລະຕ່າງປະເທດ.ໃນນັ້ນມີ 38ເສັ້ນທາງພາຍໃນ ແລະ ມີ111ເສັ້ນທາງຕ່າງປະເທດ, ພ້ອມກັບສະໜອງການບໍລິການໃຫ້ແກ່ນັກທ່ອງທ່ຽວລາວພ້ອມກັບເສັ້ນທາງໂດຍກົງທີ່ເຊື່ອມຕໍ່ຈາກນະຄອນຫລວງວຽງຈັນ ຫາ ນະຄອນໂຮ່ຈີມິນ. ນັກທ່ອງທ່ຽວລາວ ບໍ່ພຽງແຕ່ສາມາດທ່ຽວສູນລວມເສດຖະກິດ ແລະ ສະຖານທີ່ທ່ອງທ່ຽວທີ່ໃຫຍ່ທີ່ສຸດຂອງຫວຽດນາມເທົ່ານັ້ນ, ຫາກຍັງສາມາດໄປທ່ຽວຊົມແຫລ່ງທ່ອງທ່ຽວ ທີ່ມີຊື່ສຽງຂອງຫວຽດນາມ ເຊັ່ນ: Da Nang, Hue, Nha Trang, Phu Quoc, Hanoiແລະ ບັນດາສະຖານທີ່ທ່ອງທ່ຽວຫລາຍແຫ່ງໃນພາກພື້ນອາຊີປາຊີຟິກເຊັ່ນ: ສ ເກົາຫລີ. , ຍີ່ປຸ່ນ, ອົດສະຕຣາລີ, ອິນເດຍ, ແລະ ອື່ນໆ.
ໃນໂອກາດສະເຫລີມສະຫລອງຜູ້ໂດຍສານຄົບ200ລ້ານຄົນ, ສາຍການບິນຍັງໄດ້ມອບປີ້ຍົນ2ລ້ານໃບໃນລາຄາເລີ່ມຕົ້ນພຽງ 55ໂດລາສະຫະລັດ/ຖ້ຽວ (ລວມພາສີແລະຄ່າທຳນຽມ) ໃນເສັ້ນທາງສາຍການບິນນະຄອນຫລວງວຽງຈັນ-ນະຄອນໂຮ່ຈິມິນ ແລະ ເສັ້ນທາງອື່ນໆຂອງ Vietjet ທັງພາຍໃນຫວຽດນາມແລະ ຕ່າງປະເທດ.ລາຄາໂປຣໂມຊັນເຫລົ່ານີ້ມີໃຫ້ຈອງໃນຊ່ວງ “ນາທີທອງ”ເວລາ 12:00ຫາ 14:00ໂມງ (UTC+7) ຂອງທຸກໆມື້ຈົນຮອດວັນທີ 31ສິງຫາ 2024. ສໍາລັບການເດີນທາງແມ່ນເລີ່ມຕັ້ງແຕ່ວັນທີ 4ກັນຍາ 2024 ຫາ 22ພຶດສະພາ 2025 (ຕາມເງື່ອນໄຂແລະ ຂໍ້ກໍານົດ).Vietjet ມຸ່ງໝັ້ນທີ່ຈະຊຸກຍູ້ສາຍການບິນດ້ວຍການເພີ່ມເຮືອບິນໃໝ່ 10ລຳ ທີ່ມີກຳນົດຈັດສົ່ງໃນຊ່ວງທ້າຍປີ2024. ເຮືອບິນເຫລົ່ານີ້ ແມ່ນ A321neo ACF ລຸ້ນທີ່ທັນສະໄໝເຊິ່ງຈະສະໜັບສະໜູນການຂະຫຍາຍສາຍການບິນ ແລະ ເສີມສ້າງປະສົບການແກ່ຜູ້ໂດຍສານທັງພາຍໃນ ແລະຕ່າງປະເທດ.
ຜູ້ໂດຍສານສາມາດເພີດເພີນໃນເຮືອບິນທີ່ທັນສະໄໝທີ່ມີພະນັກງານຫ້ອງໂດຍສານທີ່ເປັນມືອາຊີບ, ເພີດເພີນກັບອາຫານທີ່ມີວັດຖຸດິບທີ່ດີ, ປອດສານພິດແລະຍັງໄດ້ສໍາຜັດກັບການສະແດງສິລະປະວັດທະນະທໍາ.ນອກຈາກນັ້ນ, ນັກທ່ອງທ່ຽວສາມາດເຂົ້າຮ່ວມໂຄງການສະສົມຄະແນນຂອງ Vietjet SkyJoy ເພື່ອຮັບຄະແນນ ແລະ ແລກຂອງລາງວັນຈາກ Vietjet ຫຼາຍກວ່າ 250 ຍີ່ຫໍ້ດັງ.
KPL
