ຂປລ
ຂປລ. ເມື່ອບໍ່ດົນມານີ້, ໄດ້ມີພິທີເຊັນສັນຍາຮ່ວມມື ດ້ານການຊຸກຍູ້ການຮ່ວມມື ອຸດສາຫະກໍາການຂົນສົ່ງ, ເສດຖະກິດ-ການຄ້າ ແລະ ຍຸດທະສາດ ລະຫວ່າງພາກລັດຖະບານ ກັບວິສາຫະກິດຂອງສອງປະເທດ ລາວ-ຈີນ ໂດຍຜ່ານກອງປະຊຸມທຸລະກິດ ແລະ ການລົງທຶນສຸດຍອດອາຊຽນ ທີ່ຈັດຂຶ້ນ ຢູ່ນະຄອນຫລວງວຽງຈັນ ໃນລະຫວ່າງວັນທີ 8-11 ຕຸລາ 2024 ຜ່ານມາ ແນໃສ່ສ້າງເງື່ອນໄຂໃຫ້ແກ່ ການຮວ່ມມືລາວ-ຈີນ ກ້າວສູ່ຜົນສຳເລັດໃໝ່ ໃຫຍ່ຫລວງກວ່າເກົ່າ.
ຂປລ. ເມື່ອບໍ່ດົນມານີ້, ໄດ້ມີພິທີເຊັນສັນຍາຮ່ວມມື ດ້ານການຊຸກຍູ້ການຮ່ວມມື ອຸດສາຫະກໍາການຂົນສົ່ງ, ເສດຖະກິດ-ການຄ້າ ແລະ ຍຸດທະສາດ ລະຫວ່າງພາກລັດຖະບານ ກັບວິສາຫະກິດຂອງສອງປະເທດ ລາວ-ຈີນ ໂດຍຜ່ານກອງປະຊຸມທຸລະກິດ ແລະ ການລົງທຶນສຸດຍອດອາຊຽນ ທີ່ຈັດຂຶ້ນ ຢູ່ນະຄອນຫລວງວຽງຈັນ ໃນລະຫວ່າງວັນທີ 8-11 ຕຸລາ 2024 ຜ່ານມາ ແນໃສ່ສ້າງເງື່ອນໄຂໃຫ້ແກ່ ການຮວ່ມມືລາວ-ຈີນ ກ້າວສູ່ຜົນສຳເລັດໃໝ່ ໃຫຍ່ຫລວງກວ່າເກົ່າ.
ພິທີເຊັນສັນຍາຮ່ວມມື ດັ່ງກ່າວ, ສະພາການຄ້າ ແລະ ອຸດສາຫະກໍາແຫ່ງຊາດລາວ ໄດ້ເຊັນສັນຍາຮ່ວມມື ກັບຕາແສງມາຝາງ ເມືອງຜິງກູ ນະຄອນຫລວງປັກກິ່ງ ວ່າດ້ວຍການສົ່ງເສີມການຮ່ວມມື ທາງດ້ານອຸດສາຫະກໍາ ແລະ ໂລຈິສຕິກ, ຫລັງຈາກນັ້ນ, ສະພາການຄ້າ ແລະ ອຸດສາຫະກໍາ ແຫ່ງຊາດລາວ ຍັງໄດ້ເຊັນສັນຍາຮ່ວມມື ເຂດພັດທະນາໂລຈິສຕິກ ຈິ່ງຜິງ ນະຄອນຫລວງປັກກິ່ງ ກ່ຽວກັບການສົ່ງເສີມການຮ່ວມມື ທາງດ້ານການຄ້າລະຫວ່າງ ລາວ-ຈີນ. ນອກນັ້ນ, ສະມາຄົມການຄ້າມິດຕະພາບ ແລະ ການຮ່ວມມື ລາວ-ຈີນ (LCC), ກຸ່ມເຕັກໂນໂລຊີດີຈິຕອນ ແຫ່ງຊາດລາວ (LADT), ສະມາຄົມຄົ້ນຄວ້າວິໄຈເພີ່ມປະສິດທິພາບ ພື້ນຖານໂຄງລ່າງພື້ນຖານຂອງຈີນ (COSCC) ແລະ ບໍລິສັດ Far East Credit Rating Co., Ltd (FECR) ໄດ້ລົງນາມໃນສັນຍາຮ່ວມມື ໃນທາງຍຸດທະສາດທັ້ງ 4 ຝ່າຍ ແລະ ຮ່ວມກັນເປີດ “ບົດລາຍງານ ການຈັດອັນດັບສິນເຊື່ອອະທິປະໄຕ ໃນບັນດາກຸ່ມປະເທດອາຊຽນ ASEAN Sovereign Credit Rating Report”.
ພ້ອມນີ້, ຍັງໄດ້ເຊັນສັນຍາຮ່ວມມື ຍຸດທະສາດລະຫວ່າງ ສະຖາບັນຄົ້ນຄວ້າ ການຢາສາກົນອາ ຊຽນ-ຮົງກົງ ກັບສະມາຄົມທຸລະກິດຢາ ແລະ ຜະລິຕະພັນການແພດລາວ, ການເຊັນສັນຍາກຸ່ມບໍລິສັດລາວ ເນເຊັນນໍດີຈິຕອນເທັກໂນໂລຢີ ຮ່ວມກັບບໍລິສັດ E-gets ເພື່ອຮ່ວມມືກັນເຊື່ອມໂຍງ ສະຖານະການຊີວິດດີຈິຕອນ ໃນທົ່ວພາກພື້ນອາຊຽນ ແລະ ອີກຫລາຍສະບັບສັນຍາການຮ່ວມມື ໂດຍການເຂົ້າຮ່ວມເປັນສັກຂີພິຍານຂອງ ທ່ານ ມະໂນທອງ ວົງໄຊ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ທ່ານ ບຸນເຖິງ ດວງສະຫວັນ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ແລະ ທ່ານ ໄຊຊະນະ ສິດທິພອນ ຮອງປະທານຄະນະກຳມະການຮ່ວມມື ລາວ-ຈີນກະຊວງແຜນການ ແລະ ການລົງທຶນ.
KPL
