ຂປລ
ທະນາຄານກາງຣັດເຊຍ (CBR) ລາຍງານວ່າ ໃນໄຕມາດ 1/2024 , ລວມຍອດຜະລິດຕະພັນພາຍໃນປະເທດ (GDP) ຂອງຣັດເຊຍ ໄດ້ເພີ່ມຂຶ້ນ 4,4% ຕໍ່ປີ ໂດຍຄາດວ່າ ຈະເພີ່ມຂຶ້ນ 3,2% ໃນໄຕມາດ 3 /2024.
ຂປລ. ສຳນັກຂ່າວສານ ຫວຽດນາມ, ວັນທີ 9 ເດືອນສິງຫາ, ທະນາຄານກາງຣັດເຊຍ (CBR) ລາຍງານວ່າ ໃນໄຕມາດ 1/2024 , ລວມຍອດຜະລິດຕະພັນພາຍໃນປະເທດ (GDP) ຂອງຣັດເຊຍ ໄດ້ເພີ່ມຂຶ້ນ 4,4% ຕໍ່ປີ ໂດຍຄາດວ່າ ຈະເພີ່ມຂຶ້ນ 3,2% ໃນໄຕມາດ 3 /2024.
CBR ຄາດວ່າ ເສດຖະກິດ ຣັດເຊຍ ຈະເຕີບໂຕ 3,5-4% ໃນປີ 2024 ແລະ 0,5-1,5% ໃນປີ 2025 ເມື່ອທຽບໃສ່ໄລຍະດຽວກັນເມື່ອປີຜ່ານມາ. ໃນຂະນະດຽວກັນ, ທະນະຄານດັ່ງກ່າວ ຍັງຄາດວ່າ GDP ຈະເຕີບໂຕ ຈາກ 1-2% ໃນປີ 2026 ແລະ ຈາກ1,5-2,5% ໃນປີ 2027. ໂດຍທະນາຄານ ສັງເກດເຫັນວ່າ ອັດຕາເງິນເຟີ້ ຈະຫລຸດລົງ ຊ້າກວ່າ ເມື່ອທຽບໃສ່ ຕົວເລກ ທີ່ກຳນົດໄວ້, ແຕ່ວ່າ ອາດມີທ່າອ່ຽງ ຈະກັບຄືນ ສູ່ເປົ້າ ໝາຍ ເມື່ອທ້າຍ ປີ 2025. ກອງປະຊຸມ ຈັດຂຶ້ນ ເມື່ອວັນທີ 26 ເດືອນກໍລະກົດ, CBR ໄດ້ຍົກອັດຕາ ດອກເບ້ຍ ພື້ນຖານ ຈາກ 16% ເປັນ 18% , ພ້ອມທັງ ປັບອັດຕາ ເງິນເຟີ້ ໃນປີ 2024 ຂຶ້ນເປັນ 6,5-7%. ນອກນັ້ນ CBR ຍັງໃຫ້ຮູ້ວ່າ ອັດຕາເງິນເຟີ້ ປະຈຳປີ ຈະຫລຸດລົງ 4-4,5% ໃນປີ 2025 ແລະ ສືບຕໍ່ຮັກສາໄວ້ເກືອບ 4% ໃນໄລຍະຕໍ່ໜ້າ./.
KPL
