ຂປລ
ທ່ານ ແຊດວິນເດີ ຊິງ ຮອງເລຂາທິການໃຫຍ່ ປະຊາຄົມ ເສດຖະກິດ ອາຊຽນ (AEC) ໃຫ້ຮູ້ວ່າ: ອາຊຽນ ພວມກ້າວໄປສູ່ ເປັນເສດຖະກິດ ຂະໜາດໃຫຍ່ ອັນດັບ 4 ຂອງໂລກ ໃນປີ 2030 ຈາກ ອັນດັບທີ 5 ໃນປັດຈຸບັນ.
ຂປລ. ສຳນັກຂ່າວສານ ຫວຽດນາມ, ວັນທີ 7 ເດືອນສິງຫາ, ທ່ານ ແຊດວິນເດີ ຊິງ ຮອງເລຂາທິການໃຫຍ່ ປະຊາຄົມ ເສດຖະກິດ ອາຊຽນ (AEC) ໃຫ້ຮູ້ວ່າ: ອາຊຽນ ພວມກ້າວໄປສູ່ ເປັນເສດຖະກິດ ຂະໜາດໃຫຍ່ ອັນດັບ 4 ຂອງໂລກ ໃນປີ 2030 ຈາກ ອັນດັບທີ 5 ໃນປັດຈຸບັນ. ດ້ວຍ ສະພາບ ແວດລ້ອມ ເສດຖະກິດມະຫາພາກ ຂະຫຍາຍຕົວ ແລະ ສຳຄັນ . ໂດຍ GDP ບັນລຸ 3.800 ຕື້ໂດລາສະຫະລັດ, ເພີ່ມຂຶ້ນ 51% ໃນປີ 2023, ເມື່ອທຽບໃສ່ ໃນປີ 2015 ມີພຽງແຕ່ 2.500 ຕື້ໂດລາສະຫະລັດ.
ທ່ານ ແຊດວິນເດີ ຊິງ ກ່າວຄຳປາໄສ ໃນກອງປະຊຸມ” ວິໄສທັດ 2045 : ໃນຍຸກສະໄໝ ອາຊຽນ ໂດຍແມ່ນ ກະຊວງອຸດສາະຫະກຳ ການຄ້າ ແລະ ການລົງທຶນ ມາເລເຊຍ (MITI) , ສະພາທີ່ປຶກສາທຸລະກິດອາຊຽນ ແລະ ກຸ່ມປຶກສາບອສຕັນ ຮ່ວມກັນຈັດຂຶ້ນ ເມື່ອວັນທີ 6 ສິງຫາ ຜ່ານມາ. ໃນຂະນະດຽວກັນ, ທ່ານ ແຊດວິນເດີ ຊິງ ຢືນຢັນວ່າ ວຽກງານດັ່ງກ່າວ ໄດ້ຮັບການ ປັບປຸງຫລາຍຂຶ້ນ ເນື່ອງຈາກ ໄດ້ມີການ ແລກປ່ຽນ ການຄ້າ ໃນພາກພື້ນ ເພີ່ມຂຶ້ນເຖິງ ເ 3.500 ຕື້ໂດລາ ສະຫະລັດ ໃນປີ 2023 ເມື່ອທຽບໃສ່ ປີ 2015 ມີພຽງແຕ່ 2.300 ຕື້ໂດລາ ສະຫະລັດ , ເຮັດໃຫ້ ລາຍຮັບ ສະເລ່ຍຕໍ່ຫົວຄົນ ເພີ່ມຂຶ້ນ ຢ່າງຫລວງຫລາຍ.
ທ່ານ ແຊດວິນເດີ ຊິງ ກ່າວວ່າ ເຫດການດັ່ງກ່າວ ໄດ້ສະແດງໃຫ້ເຫັນເຖິງ ຄຳໝັ້ນສັນຍາ ຂອງ ອາຊຽນ ມີຄວາມໝັ້ນຄົງ ໃນການ ກາຍເປັນ ພາກພື້ນ ທີ່ມີເສດຖະກິດເປີດໃຫ້ແກ່ການຄ້າ ແລະ ການລົງທຶນ ໃນທົ່ວໄໂລກ ມີການປັບປຸງ ຢ່າງສົມຄວນ. ນອກນັ້ນ, ທ່ານ ແຊດວິນເດີ ຊິງ ຍັງກ່າວເນັ້ນເຖິງ ຄວາມສຳຄັນ ທີ ອາຊຽນ ນອນໃນພາກພຶ້ນໜຶ່ງ ໃນໂລກ ທີມີ ການຄ້າເກືອບເທົ່າ ຈີດີພີ. ມູນຄ່າ ການຄ້າ ຂະໜາດໃຫຍ່ສຸດ ບໍ່ແມ່ນ ການແລກປ່ຽນການຄ້າ ລະຫວ່າງ ອາຊຽນ ກັບ ສປຈີນ ຫລື ສ.ອາເມລິກາ ແຕ່ເປັນການຄ້າພາຍໃນກຸ່ມ ບັນລຸ ປະມານ 800.000 ຕື້ໂດລາສະຫະລັດ./.
KPL
