ຂປລ
ຂປລ. ສະພາແຫ່ງຊາດ ຈັກຝຶກອົບຮົມການສ້າງເປັນຄູເຝິກວຽກງານ ການບໍລິຫານອົງກອນ ແລະ ບຸກຄະລາກອນ ໃຫ້ແກ່ພະນັກງານກົມຈັດຕັ້ງ-ພະນັກງານ, ຄະນະເລຂາທິການສະພາແຫ່ງຊາດ (ຄລສ) ໃນວັນທີ 02-04 ສິງ ຫາ 2024 ຢູ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງທ່ານ ນາງ ອໍາໄພວອນ ລ້ອມບຸນແພງ ເລຂາທິ ການສະພາແຫ່ງຊາດ ແລະ ພາກສ່ວນກ່ຽວຂ້ອງ ເຂົ້າຮ່ວມ ແລະ ຮັບຟັງການສະເໜີຫລັກສູດການເປັນຄູ ຝຶກທັງໝົດ 3 ພາກ
ຂປລ. ສະພາແຫ່ງຊາດ ຈັກຝຶກອົບຮົມການສ້າງເປັນຄູເຝິກວຽກງານ ການບໍລິຫານອົງກອນ ແລະ ບຸກຄະລາກອນ ໃຫ້ແກ່ພະນັກງານກົມຈັດຕັ້ງ-ພະນັກງານ, ຄະນະເລຂາທິການສະພາແຫ່ງຊາດ (ຄລສ) ໃນວັນທີ 02-04 ສິງ ຫາ 2024 ຢູ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງທ່ານ ນາງ ອໍາໄພວອນ ລ້ອມບຸນແພງ ເລຂາທິ ການສະພາແຫ່ງຊາດ ແລະ ພາກສ່ວນກ່ຽວຂ້ອງ ເຂົ້າຮ່ວມ ແລະ ຮັບຟັງການສະເໜີຫລັກສູດການເປັນຄູ ຝຶກທັງໝົດ 3 ພາກ ຄື: ພາກທີ 1 ພື້ນຖານການເຝິກອົບຮົມ 10 ຫົວຂໍ້, ພາກທີ 2 ການອອກແບບ ແລະ ການ ຝຶກອົບຮົມ 6 ຫົວຂໍ້ ແລະ ພາກທີ 3 ການທົດລອງຝຶກອົບຮົມຕົວຈິງ 2 ຫົວຂໍ້ ຈາກບັນດາອາຈານທີ່ມີຄວາມຊ່ຽວ ຊານ ທາງດ້ານການບໍລິຫານອົງກອນ ແລະ ບຸກຄະລາກອນ ຂອງກະຊວງພາຍໃນ.
ການຈັດຝຶກອົບຮົມຄັ້ງນີ້, ກໍເພື່ອຍົກສູງບົດບາດ, ໜ້າທີ່ຮັບຜິດຊອບ, ຄວາມຮູ້ ແລະ ຄວາມສາມາດ ໃຫ້ ແກ່ພະນັກງານ-ລັດຖະກອນ ຂອງກົມຈັດຕັ້ງ-ພະນັກງານ ແນໃສ່ປັບປຸງຄຸນນະພາບ ການເຄື່ອນໄຫວວຽກງານ ໂດຍ ສະເພາະ ການເປັນເສນາທິການໃຫ້ແກ່ ຄລສ ມີປະສິດທິພາບ ແລະ ປະສິດທິຜົນເພີ່ມຂຶ້ນ, ຮັບປະກັນຄວາມເປັນເອ ກະພາບ ໃນການຈັດຕັ້ງປະຕິບັດຕົວຈິງ ແລະ ສອດຄ່ອງຕາມລະບຽບຫລັກການ; ຍົກສູງຄວາມຮູ້, ຮັດແໜ້ນ ຄວາມເຂົ້າໃຈ ແລະ ທັກສະດ້ານຕ່າງໆ ເພື່ອກະກຽມຄວາມພ້ອມ ໃນການເປັນຄູຝຶກວຽກງານ ການບໍລິຫານອົງກອນ ແລະ ການບໍລິຫານບຸກຄະລາກອນ ເຊິ່ງກວມເອົາບັນດາຫລັກການພື້ນຖານ ແລະ ທັກສະຈໍາເປັນ ໃນການເປັນຄູຝຶກ ລວມທັງການອອກແບບ, ການຈັດຕັ້ງປະຕິບັດ ແລະ ການປະເມີນການຝຶກອົບຮົມ ທັງເປັນການຖອດຖອນບົດຮຽນ ແລະ ສົນທະນາແລກປ່ຽນຄວາມຄິດເຫັນ ໃນຂະບວນການເຄື່ອນໄຫວ ວຽກງານຕົວຈິງສົມທຽບກັບທິດສະດີ.
ທ່ານ ນາງ ອໍາໄພວອນ ລ້ອມບຸນແພງ ໄດ້ຄໍາເຫັນວ່າ: ການສ້າງ ຫລື ພັດທະນາບຸກຄະລາກອນ ໃຫ້ກາຍ ເປັນຄູຝຶກ ຫລື ເປັນຊ່ຽວຊານສະເພາະດ້ານ ເປັນປັດໄຈໜຶ່ງທີ່ສຳຄັນ ໃນການພັດທະນາອົງກອນ ກໍຄື ຍົກສູງບົດບາດ ເພື່ອການຂັບເຄື່ອນວຽກງານລວມ ຂອງສະພາແຫ່ງຊາດ ໃຫ້ມີທ່າກ້າວທີ່ເຂັ້ມແຂງຂຶ້ນ ເຊິ່ງກົມຈັດຕັ້ງ-ພະນັກງານ ແມ່ນກົງຈັກການຈັດຕັ້ງໜຶ່ງ ທີ່ມີບົດບາດສຳຄັນ ໃນການບຳລຸງກໍ່ສ້າງ ແລະ ພັດທະນາບຸກຄະລາກອນຂອງສະພາແຫ່ງ ຊາດ ໃຫ້ກາຍເປັນບຸກຄະລາກອນທີ່ມີຄຸນນະພາບ ແລະ ສາມາດປະກອບສ່ວນວຽກງານເຂົ້າໃນຂົງເຂດວິຊາສະ ເພາະຕ່າງໆໄດ້ຢ່າງມີປະສິດທິພາບ.
ຊຸດອົບຮົມຄັ້ງນີ້, ໄດ້ຮັບການສະໜັບສະໜູນ ຊ່ວຍເຫລືອທາງດ້ານງົບປະມານ ຈາກໂຄງການສ້າງຄວາມ ເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫລື ສະເຕັບສ໌(STEPs) ໂດຍຜ່ານກອງ ເລຂາຄຸ້ມຄອງແຫລ່ງທຶນຊ່ວຍເຫລືອລ້າ ໃຫ້ແກ່ສະພາແຫ່ງຊາດ ສົມທົບກັບງົບປະມານຂອງຄະນະ ເລຂາທິການສະພາແຫ່ງຊາດ.
ຂ່າວ: ສອນສັກ ວັນວິໄຊ
KPL
