ຂປລ
*ໄຂປິດສະໜາປ່າສະຫງວນ ດົງຫົວສາວ ເຊື່ອງຊ້ອນແຫລ່ງທ່ອງທ່ຽວທໍາມະຊາດນໍ້າຕົກຕາດຫລາຍທີ່ສຸດໃນປະເທດລາວມີເຖິງ 40 ກວ່າແຫ່ງ, ຕັ້ງຢູ່ເຂດພູໄຟເກົ່າໃນ ເມືອງປາກຊ່ອງ ແຂວງຈໍາປາສັກ.
*ໄຂປິດສະໜາປ່າສະຫງວນ ດົງຫົວສາວ ເຊື່ອງຊ້ອນແຫລ່ງທ່ອງທ່ຽວທໍາມະຊາດນໍ້າຕົກຕາດຫລາຍທີ່ສຸດໃນປະເທດລາວມີເຖິງ 40 ກວ່າແຫ່ງ, ຕັ້ງຢູ່ເຂດພູໄຟເກົ່າໃນ ເມືອງປາກຊ່ອງ ແຂວງຈໍາປາສັກ. ອີງຕາມຂໍ້ມູນຈາກພະແນກ ຖວທ ແຂວງຈໍາປາສັກ ໄດ້ລາຍງານວ່າແຂວງດ່ັງກ່າວ ໄດ້ສໍາຫລວດ ແລະ ຄົ້ນພົບແຫລ່ງທ່ອງທ່ຽວໃໝ່ໆທີ່ເປັນຂຸມຊັບມໍລະກົດສີຂຽວເປັນນໍ້າຕົກຕາດ 42 ແຫ່ງ ມີຕົ້ນກໍາເນີດຈາກດົງຫົວສາວຄື: 1 ນ້ຳຕົກຕາດຟານ, 2 ນ້ຳຕົກຕາດເຍືອງ, 3 ນ້ຳ ຕົກຕາດຖ້ຳຈຳປີ, 4 ນ້ຳຕົກຕາດອີ່ຕູ້, 5 ນ້ຳຕົກຕາດຄົດ, 6 ນ້ຳຕົກຕາດຍອຍ, 7 ນ້ຳຕົກຕາດລີງໂຕນພະລອດ,
![](https://kpl.gov.la/Media/Upload/News/Thumb/2024/07/18/ທທ2.jpg)
8 ນ້ຳຕົກຕາດຂະມື້ດຕາດເສື່ອ, 9 ນ້ຳຕົກຕາດຫີນພາແດງ, 10 ນ້ຳຕົກຕາດຕາເກັດ,11 ນ້ຳຕົກຕາດສະໜາດ,12 ນ້ຳຕົກຕາດສັກກະລະ,13 ນ້ຳຕົກຕາດພັກອີ່ຄູ້, 14ນ້ຳຕົກຕາດນ້ຳພາກ, 15 ນ້ຳຕົກຕາດຫ້ວຍປີສະແກັດ,16 ນ້ຳຕົກຕາດໄຂ່,17 ນ້ຳຕົກຕາດສະອຽນ, 18 ນ້ຳຕົກຕາດນ້ຳໃສ, 19 ນ້ຳຕົກຕາດເຈັດສັ້ນ, 20 ນ້ຳຕົກຕາດຫົວຊ້າ, 21 ນ້ຳຕົກຕາດໄຄ, 22 ນ້ຳ ຕົກຕາດກ້ວງ, 23 ນ້ຳຕົກຕາດຕາຍິກເສືອຕາດເຜີງ, 24 ນ້ຳຕົກຕາດຫີນຫລັບ, 25 ນ້ຳຕົກຕາດຫ້ວຍເຕີຍ, 26 ນ້ຳຕົກຕາດມ່ວນສອງແມ່ລູກ, 27 ນ້ຳຕົກຕາດໜອງເທືອມ, 28 ນ້ຳຕົກຕາດຄູ່, 29 ນ້ຳຕົກຕາດໜອງເຂືອງ, 30 ນ້ຳຕົກຕາດຫ້ວຍ ສູດ,
![](https://kpl.gov.la/Media/Upload/News/Thumb/2024/07/18/ທທ3.jpg)
31 ນ້ຳຕົກຕາດຖ້ຳເຈຍ, 32 ນ້ຳຕົກຕາດຫ້ວຍພັກກູດ,33 ນ້ຳ ຕົກຫ້ວຍບັງລຽງໃຫຍ່, 34 ນ້ຳຕົກ ຕາດສວນບ້ານລວມສິດຕີ, 35 ນ້ຳ ຕົກຕາດຫ້ວຍນ້ຳປາ, 36 ນ້ຳຕົກ ຕາດຫ້ວຍຈີ້ນ, 37 ນ້ຳຕົກຕາດ ຫ້ວຍຕາດ, 38 ນ້ຳຕົກຕາດຫ້ວຍເຊປຽນ, 39 ນ້ຳຕົກຕາດເຊກຳພໍ, 40 ນ້ຳຕົກຕາດຫ້ວຍຊອຍ, 41 ນ້ຳຕົກຕາດຫ້ວຍເຢັນ, 42 ນ້ຳຕົກຕາດດ່ຽວ.
![](https://kpl.gov.la/Media/Upload/News/Thumb/2024/07/18/ທທ4.jpg)
ແຕ່ເຖິງແນວໃດກໍດີ ມື້ນີ້ຜູ້ຂຽນໄດ້ນໍາເອົາຕົວຢ່າງນໍ້າຕົກຕາດນໍ້າພາກມາເລົ່າສູ່ຟັງກ່ອນ ເຊິ່ງຕາມຄວາມເຊື່ອຂອງຄົນທ້ອງຖິ່ນອ້າງວ່ານໍ້າຕົກ 40 ກວ່າແຫ່ງນີ້ເກີດມາຈາກຍອດພູເທວະດາໃນເມືອງ ປາກຊ່ອງ. ໃນເມື່ອກ່ອນຕາມການ ບອກເລົ່າໃນນິທານພື້ນບ້ານໄດ້ບັນຍາຍເຖິງຄວາມມະຫັດສະຈັນຢູ່ເຂດພູເທວະດາວ່າເປັນບ່ອນປະທັບຂອງ ທ້າວ ສິນໄຊ ທີ່ໄດ້ຮັບໄຊຊະນະຈາກການຂ້າງູຍັກ ແລະ ຕັດຄໍຍັກກຸມພັນຕາຍທີ່ນີ້ ຈິ່ງເອີ້ນວ່າພູເທວະດາ ແລະ ດົງໜອງຫລວງທີ່ມີຄວາມອຸດົມສົມບູນທີ່ສຸດໃນລາວເຕັມໄປດ້ວຍດອກກຸຫລາບພັນປີ, ປ່າໄມ້ແປກ, ດອກໄມ້ພັນດຶກດໍາບັນ, ຊາກຫີນງູຍັກ, ນໍ້າສ້າງເທວະດາທີ່ອອກບໍ່ ແລະ ໄຫລຕະຫລອດປີຢູ່ເທິງຈອມພູຈົນເກີດເປັນສາຍນໍ້າຫ້ວຍ ແລະ ນໍ້າຕົກຕາດຫລາຍທີ່ສຸດຄ້າຍ ຄື “ຂັ້ນໄດ“ ໄຫລລົງປ່ອງໃສ່ນໍ້າ ຂອງ ໃນເມືອງປະທຸມພອນແຂວງຈໍາປາ ສັກ.ປັດຈຸບັນຈາກສະຖິຕິຂອງ ພະ ແນກ ຖວທ ໄດ້ລາຍງານວ່າ: ມີກຸ່ມ ນັກທ່ອງທ່ຽວຊາວໄທ ເຂົ້າໄປທ່ອງ ທ່ຽວໃນແຂວງຈໍາປາສັກ ສະເລ່ຍ 300-500 ຄົນຕໍ່ອາທິດຜ່ານຊາຍແດນລາວ-ໄທ ຢູ່ດ່ານຊອງເມັກເມືອງໂພນທອງ ແຂວງຈໍາປາສັກ, ຄາດວ່າປີ 2024 ນີ້ແຂວງດັ່ງກ່າວຈະດຶງດູດນັກທ່ອງທ່ຽວໃຫ້ 6-7 ແສນຄົນ.
ໂດຍ: ເກີດຂວັນໃຈ ມາລີຈັນສີ
KPL