ຂປລ
ຂປລ. ອົງການຈັດຕັ້ງ ຮາກຖານສະຫະພັນແມ່ຍິງ ຫ້ອງການສາທາລະນະສຸກ ເມືອງໄຊເສດຖາ ແມ່ນຢູ່ພາຍໃຕ້ການນໍາພາ-ຊີ້ນໍາ ຂອງສະຫະພັນແມ່ຍິງ ເມືອງໄຊເສດຖາ ແລະ ການຊີ້ນໍາ-ນໍາພາຢ່າງໃກ້ ຊິດຂອງໜ່ວຍພັກຂອງຫ້ອງການ ສາລະນະສຸກເມືອງ.
ຂປລ. ອົງການຈັດຕັ້ງ ຮາກຖານສະຫະພັນແມ່ຍິງ ຫ້ອງການສາທາລະນະສຸກ ເມືອງໄຊເສດຖາ ແມ່ນຢູ່ພາຍໃຕ້ການນໍາພາ-ຊີ້ນໍາ ຂອງສະຫະພັນແມ່ຍິງ ເມືອງໄຊເສດຖາ ແລະ ການຊີ້ນໍາ-ນໍາພາຢ່າງໃກ້ ຊິດຂອງໜ່ວຍພັກຂອງຫ້ອງການ ສາລະນະສຸກເມືອງ. ໃນໄລຍະຜ່ານມາ, ດ້ວຍຄວາມບຸກ ບືນຫ້າວຫັນ ຂອງຄະນະສະຫະພັນແມ່ຍິງ ພ້ອມດ້ວຍສະມາຊິກ ໄດ້ເຮັດໃຫ້ອົງການຈັດຕັ້ງ ສະຫະພັນແມ່ຍິງຫ້ອງ ການສາທາລະນະສຸກ ມີການຫັນປ່ຽນທີ່ຕັ້ງໜ້າ, ມີຜົນສໍເລັດຫລາຍດ້ານ, ທີ່ສໍາຄັນແມ່ນຮັກສາໄດ້ ຄວາມສາມັກຄີ, ຄວາມຈົງຮັກພັກດີ, ສາມາດເປັນ ກໍາລັງແຮງໃຫ້ພັກ, ປັບປຸງອົງການຈັດຕັ້ງແມ່ຍິງໃຫ້ ມີຄວາມໜັກແໜ້ນເຂັ້ມແຂງ
ທ່ານ ນາງ ສຸດາວັນ ພາລັງສີ ປະທານສະຫະພັນແມ່ຍິງໜ່ວຍຮາກຖານ ຫ້ອງການສາທາລະນະສຸກ ເມືອງໄຊເສດຖາ ໄດ້ໃຫ້ສຳພາດຕໍ່ສື່ມວນຊົນ ໃນໂອກາດວັນສ້າງຕັ້ງ ອົງການຈັດຕັ້ງສະຫະພັນແມ່ຍິງລາວ ຄົບຮອບ 69 ປີ (20/07/1955-20/07/2024) ໃນວັນທີ 16 ກໍລະກົດ 2024 ນີ້ວ່າ: ວັນສ້າງ ຕັ້ງອົງການຈັດຕັ້ງ ສະຫະພັນແມ່ຍິງລາວ ເປັນວັນທີ່ມີຄວາມໝາຍສຳຄັນທາງປະຫວັດສາດ ເພື່ອລະນຶກເຖິງແມ່ຍິງລາວບັນດາເຜົ່າ ໃນການຕໍ່ສູ້ອັນພິລະອາດຫານ, ລະອິດລະອ້ຽວ ຍືດເຍື້ອຍາວ ນານບໍ່ຍອມຈຳນົນ ເພື່ອຄຽງບ່າຄຽງໄຫລ່ ກັບເພດຊາຍ ໃນພາລະກິດ ປົດປ່ອຍຊາດຂອງແມ່ຍິງ, ໄດ້ສ້າງວິລະກຳອັນຍິ່ງໃຫຍ່ ລະດັບແຖວໜ້າປະຫວັດສາດ ອັນສະຫວ່າງສະໄຫວ ຂອງຊາດລາວເຮົາ; ແມ່ຍິງລາວໄດ້ເປັນ ກຳລັງແຮງ ແລະ ມີບົດບາດທາງການເມືອງ, ເສດຖະກິດ, ວັດທະນະທຳ-ສັງຄົມ, ປະຕິບັດໜ້າທີ່ປົກປ້ອງສິດຜົນປະໂຫຍດ ອັນຊອບທຳຕິດພັນ ກັບການປະຕິບັດ ສິດສະເໝີພາບ ຍິງ-ຊາຍ ໃນການພັດທະ ນາຊີວິດການເປັນຢູ່ໃນຄອບຄົວ-ສັງຄົມ ປະກອບສ່ວນຢ່າງຕັ້ງ ໜ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.
ທ່ານ ນາງ ສຸດາວັນ ພາລັງສີ ຍັງໃຫ້ຮູ້ອີກວ່າ: ຕະຫລອດໄລຍະຜ່ານມາ ອົງການຈັດຕັ້ງ ຮາກຖານສະຫະພັນແມ່ຍິງ ຫ້ອງການສາທາລະນະສຸກ ມີຄວາມບຸກບືນຫ້າວຫັນ ເຮັດໃຫ້ອົງການຈັດຕັ້ງສະ ຫະພັນແມ່ຍິງເຮົາມີການຫັນປ່ຽນທີ່ຕັ້ງໜ້າ, ມີຜົນສໍເລັດໃນຫລາຍດ້ານ, ທັງປະຕິບັດວຽກງານ ວິຊາສະເພາະ ແລະ ນອກຫລັກສູດ, ທັງບໍລິການກວດຄົນເຈັບຢູ່ໂຮງໝໍ, ລົງສັກຢາກັນພະຍາດ ວັນສັກຢາແຫ່ງຊາດ ໃຫ້ເດັກນ້ອຍທົ່ວເມືອງໄຊເສດຖາ, ລົງຢອດວິຕາມິນ A, ກວດສຸຂະພາບຢູ່ໂຮງຮຽນ, ໂຮງງານ, ລົງກວດຄລີນິກ, ກວດຮ້ານຂາຍຢາ, ໂຄສະນາສຸຂະສຶກສາ ຕາມບ້ານກ່ຽວກັບ ພະຍາດລະດູການ, ສໍາຫລວດໜອນນໍ້າ ແລະ ອື່ນໆ. ພ້ອມນີ້, ອົງການຈັດຕັ້ງສະຫະພັນແມ່ຍິງຮາກຖານຫ້ອງການສາທາ ລະນະສຸກເມືອງໄຊເສດຖາ ຍັງໄດ້ຮ່ວມກັບ ສະຫະພັນແມ່ຍິງເມືອງລົງ ເຜີຍແຜ່ບົດບາດຍິງ-ຊາຍ, ການແຕ່ງງານກ່ອນໄວ ແລະ ການຕ້ານການໃຊ້ຄວາມຮຸ່ນແຮງ ບົນພື້ນຖານທາງເພດ, ສຸຂະພາບຈະເລີນພັນ ໃຫ້ແມ່ຍິງຢູ່ເມືອງໄຊເສດຖາ ພາຍໃຕ້ການຊີ້ນໍາຈາກຄະນະ ບໍລິຫານງານສະຫະພັນແມ່ຍິງ ນະຄອນຫລວງວຽງຈັນ ຕື່ມອີກ.
ຂ່າວ-ພາບ: ສົມຫວັງ
KPL
