ຂປລ
10 ປະເທດສະມາຊິກອາຊຽນຍັງແມ່ນຈຸດໝາຍປາຍທາງຍອດນິຍົມ, ຄ່າຄອງຊີບຖືກ ແລະ ມີຄວາມປອດໄພສູງສໍາລັບນັກທ່ອງທ່ຽວທົ່ວໂລກຢາກມາສໍາຜັດ ແລະ ຄົ້ນຫາ ຂະນະທີ່ເວັບໄຊຊີເຊຍ.
*10 ປະເທດສະມາຊິກອາຊຽນຍັງແມ່ນຈຸດໝາຍປາຍທາງຍອດນິຍົມ, ຄ່າຄອງຊີບຖືກ ແລະ ມີຄວາມປອດໄພສູງສໍາລັບນັກທ່ອງທ່ຽວທົ່ວໂລກຢາກມາສໍາຜັດ ແລະ ຄົ້ນຫາ ຂະນະທີ່ເວັບໄຊຊີເຊຍ (seasia.com) ໄດ້ລາຍງານວ່າອາຊີຕາເວັນອອກສຽງໃຕ້ ຫລື ອາຊຽນ ຍັງສືບຕໍ່ເປັນບ່ອນທ່ອງທ່ຽວໄດ້ຮັບການຈັດອັນດັບໃຫ້ຄະແນນ ວ່າກຸ່ມປະເທດເຫລົ່ານີ້ມີຄ່າຄອງຊີບຖືກຖ້າປຽບທຽບກັບທະວີບ ແລະ ຂົງເຂດອື່ນໆໃນໂລກ. ຂະນະທີ່ Insider Monkey ເວັບໄຊກ່ຽວກັບການເງິນຂອງອາເມລິກາ ໄດ້ຈັດອັນດັບໃຫ້ມາ ເລເຊຍເປັນປະເທດທ່ີດຶງດູດນັກທ່ອງທ່ຽວໄປທ່ຽວໄດ້ຫລາຍທີ່ສຸດໃນ ອາຊີຈາກການຈັດອັນດັບຈໍານວນທັງໝົດ 20 ປະເທດ ແລະ ເຂດແຄວ້ນຮອງລົງມາແມ່ນໄຕ້ຫວັນ, ສິງກະໂປ, ຍີ່ປຸ່ນ.
ສຳລັບຕົວຊີ້ວັດທີ່ນຳມາໃຊ້ຈັດອັນດັບໄດ້ນໍາເອົາຂໍ້ມູນຈາກຄວາມໜ້າເຄົາລົບ, ຄວາມເປັນມິດ ແລະ ສຳລັບຕົວຊີ້ວັດທີ່ນຳມາໃຊ້ຈັດອັນດັບ ໄດ້ນໍາເອົາຂໍ້ມູນຈາກຄວາມໜ້າເຄົາລົບ, ຄວາມເປັນມິດ ແລະ ມາເລເຊຍ ເປັນຈຸດໝາຍປາຍທາງຍອດນິຍົມ ສຳລັບນັກທ່ອງທ່ຽວ ທີ່ຕ້ອງການຢາກສໍາຜັດດ້ານວັດທະນະທຳ ແລະ ຮີດຄອງປະເພນີ ທີ່ຫລາກຫລາຍ, ການເປັນເຈົ້າພາບທີ່ດີ ແລະ ຄວາມເປັນມິດຂອງປະຊາຊົນ ໄດ້ຊ່ວຍຊຸກຍູ້ການທ່ອງທ່ຽວ ດັ່ງກ່າວມີຄວາມສໍາເລັດ ແລະ ເຮັດໃຫ້ການເດີນທາງໄປປະເທດ ນີ້ມີປະສົບການທີ່ໜ້າຈົດຈໍາສໍລັບຜູ້ທີ່ໄປຢ້ຽມຢາມ ໂດຍໃນປີ 2023 ຜ່ານມາມາເລເຊຍ ໄດ້ຕ້ອນຮັບນັກທ່ອງທ່ຽວເກືອບ 29 ລ້ານຄົນ, ຖືເປັນຈຸດໝາຍປາຍທາງຍອດນິຍົມທີ່ສຸດໃນອາຊີຕາເວັນອອກສ່ຽງໃຕ້.
ອີກທັງເມື່ອບໍ່ດົນມານີ້, ມາເລເຊຍ ຍັງໄດ້ຜ່ອນຜັນຂໍ້ກຳນົດວີຊາໃຫ້ແກ່ນັກທ່ອງທ່ຽວ ຈາກປະເທດເສດຖະກິດທີ່ພັດເຂັ້ມແຂງສຳຄັນເຊັ່ນ ຈີຈີ, ອິນເດຍ ແລະ ປະເທດ ອື່ນໆທີ່ມີທ່າແຮງ.
ໂດຍ:ເກີດຂວັນໃຈ ມາລີຈັນສີ
KPL
