ບີຄວາ ສືບຕໍ່ສະໜັບສະໜູນການຜະລິດວິດີໂອ ສົ່ງເສີມຄວາມສະເໝີພາບລະຫວ່າງຍິງ-ຊາຍ ສໍາລັບຄູ

21/06/2024 10:52
Email Print 1577
ຂປລ ຂປລ. ກະຊວງສຶກສາທິການ ແລະ ກິລາ (ສສກ) ຮ່ວມກັບ ລັດຖະບານອົດສະຕຣາລີ ໂດຍຜ່ານແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ແລະ ສະຖາບັນຄົ້ນຄວ້າວິທະຍາສາດການສຶກສາ (ສວສ) ຈັດຝຶກອົບຮົມ “ການຂຽນບົດເລື່ອງຂອງວິດີໂອ ສົ່ງເສິມບົດບາດຍິງ-ຊາຍ” ລະຫວ່າງວັນທີ 18-21 ມິຖຸນາ 2024



ຂປລ. ກະຊວງສຶກສາທິການ ແລະ ກິລາ (ສສກ) ຮ່ວມກັບ ລັດຖະບານອົດສະຕຣາລີ ໂດຍຜ່ານແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ແລະ ສະຖາບັນຄົ້ນຄວ້າວິທະຍາສາດການສຶກສາ (ສວສ) ຈັດຝຶກອົບຮົມ
ການຂຽນບົດເລື່ອງຂອງວິດີໂອ ສົ່ງເສິມບົດບາດຍິງ-ຊາຍລະຫວ່າງວັນທີ 18-21 ມິຖຸນາ 2024 ໂດຍມີ ທ່ານ ນາງ ວາເນັດຊ້າ ເຮັກກາທີ້ ເລຂາເອກສະຖານທູດອົດສະຕຣາລີ ປະຈຳລາວ, ທ່ານ ອຸດົມ ສິງດາລາ ຮອງຜູ້ອຳນວຍການ ສູນໂຄສະນາ ຂ່າວສານການສຶກສາ ແລະ ກິລາ ສວສ ​ແລະ ພາກສ່ວນກ່ຽວ ຂ້ອງເຂົ້າຮ່ວມ.



ຊຸ​ດອົບຮົມ​ຄັ້ງ​ນີ້, ​ມີຈຸດປະສົງ ຜະລິດວິດີໂອ ເພື່ອປູກຈິດສຳນຶກ ແລະ ໃຫ້ຄຳແນະນຳແກ່ຄູ ກ່ຽວກັບວິທີຮັບປະກັນຄວາມສະເໝີພາບ ລະຫວ່າງ ຍິງ-ຊາຍໃນຫ້ອງຮຽນ ເພື່ອພັດທະນາຄວາມຮູ້ ແລະ ທັກສະກ່ຽວກັບການສົ່ງເສີມຄວາມສະ​ເໝີພາບ ລະຫວ່າງ ຍິງ-ຊາຍ ແລະ ຫລີກເວັ້ນການມີຄວາມຄິດຍຶດຕິດ ດ້ານບົດບາດຍິງ-ຊາຍ ໃນເນື້ອຫາ ແລະ ຮູບພາບທີ່ສະແດງອອກໃນບັນດາສື່ ການຮຽນ-ການສອນແບບ ດີຈິຕອນ ແລະ ສື່ທີ່ອອກຂ່າວຕ່າງໆ ເຊິ່ງສຳມະນາກອນຈະໄດ້ຮ່ວມກັນ ຂຽນວິດີໂອສົ່ງເສີມ ຄວາມສະເໝີພາບ ລະຫວ່າງຍິງ-ຊາຍ ທີ່ເປັນຄັ້ງທໍາອິດສໍາລັບຄູ ຜະລິດໂດຍກະຊວງ ສສກ ​ໂດຍ ມີຜູ້ຕາງໜ້າຈາກ ສວສ ພະແນກສົ່ງເສີມຄວາມກ້າວໜ້າຂອງແມ່ຍິງ, ແມ່ ແລະ ເດັກ ແລະ ສະຖານທູດອົດສະຕຣາລີ ເຂົ້າຮ່ວມເພື່ອຮ່ວມກັນຂຽນບົດເລື່ອງວິດີໂອ.



ທ່ານ ນາງ ວາເນັດຊ້າ ເຮັກກາທີ້ ໄດ້ກ່າວວ່າ: ຄຳໝັ້ນສັນຍາຂອງລັດຖະບານອົດສະຕຣາລີ ຕໍ່ການສົ່ງເສີມຄວາມສະເໝີພາບລະຫວ່າງ ຍິງ-ຊາຍ ໃນລາວ ແມ່ນພາກສ່ວນໜຶ່ງທີ່ສຳຄັນ ໃນການສະໜັບສະໜູນ ການສຶກສາຂອງພວກເຮົາ ຜ່ານແຜນງານບີຄວາ ລວມມີ ການສົ່ງເສີມການປະຕິບັດ ທີ່ຄຳນຶງເຖິງບົດບາດຍິງ-ຊາຍ ແລະ ຄວາມພິການ ໂດຍຜ່ານການປັບປຸງ ຫລັກສູດຊັ້ນປະຖົມສຶກສາ ແລະ ສືບຕໍ່ການສະໜັບສະໜູນ ການພັດທະນາວິຊາຊີບຄູແບບຕໍ່ເນື່ອງ, ສິ່ງເຫລົ່ານີ້ ຈະຮັບປະກັນຄວາມເຂົ້າໃຈ ການສຶກສາຮຽນ ຮ່ວມທີ່ໃຫ້ຜົນປະໂຫຍດ ແກ່ນັກຮຽນທຸກຄົນ ໂດຍບໍ່ຈໍາແນກເພດ, ຊົນເຜົ່າ ຫລື ຄວາມສາມາດ.




ທ່ານ ອຸດົມ ສິງດາລາ ​ໄດ້​ໃຫ້​ຮູ້ວ່າ: ໃນຂະແໜງການສຶກສາ ຄູສອນມີບົດບາດສຳຄັນ ໃນການສ້າງສະພາບແວດລ້ອມທີ່ປອດໄພ ແລະ ຄຳນຶ່ງເຖິງບົດບາດຍິງ-ຊາຍ ໃຫ້ແກ່ນັກຮຽນຂອງເຂົາເຈົ້າ ເປົ້າ  ໝາຍຂອງພວກເຮົາໃນວິດີໂອນີ້ ເພື່ອປູກຈິດສຳນຶກ ເຖິງຄວາມສຳຄັນ ຂອງບົດບາດຂອງຄູ ໃນການຮັບປະກັນຄວາມສະເໝີພາບ ລະຫວ່າງຍິງ-ຊາຍ ແລະ ໃຫ້ຄູຮູ້ຍຸດທະສາດຕົວຈິງ ເພື່ອຮັບປະກັນໃຫ້ເດັກຍິງ ແລະ ເດັກຊາຍ ມີສ່ວນຮ່ວມໃນການຮຽນຮູ້ເທົ່າທຽມກັນ ກຸ່ມຜູ້ຊົມເປົ້າໝາຍຂອງພວກເຮົາ ແມ່ນຄູສອນ ຊັ້ນປະຖົມສຶກສາ ແລະ ຜູ້ອຳນວຍການໂຮງຮຽນ ວິດີໂອດັ່ງກ່າວ, ຍັງຈະຊ່ວຍສ້າງຄວາມຮັບຮູ້ກ່ຽວກັບ ຄວາມສະເໝີພາບລະຫວ່າງ ຍິງ-ຊາຍ ໃນຂະແໜງການສຶກສາໃຫ້ກວ້າງຂຶ້ນ, ພວກເຮົາຈະນໍາໃຊ້ຊ່ອງໂທລະພາບສຶກສາ ແລະ ກິລາ ຊ່ອງ
Lao ETV ແລະ ແພຣັດຟອມ ຄັງປັນຍາລາວ ຊ່ອງທາງ YouTube ວິດີໂອສຳລັບການພັດທະນາຄູ ແລະ ສື່ສັງຄົມອອນລາຍ ເພື່ອຮັບປະກັນການໂຄສະນາວິດີໂອນີ້ ໃຫ້ເຂົ້າເຖິງຜູ້ຊົມເປົ້າໝາຍ.

KPL

ຂ່າວອື່ນໆ

    • ສົກສຶກສາ 2024-2025 ມຊ ຈະຮັບ ເອົານັກສຶກສາໃໝ່ເຂົ້າຮຽນ 5.920 ຄົນສຶກສາ-ກິລາ

      ສົກສຶກສາ 2024-2025 ມຊ ຈະຮັບ ເອົານັກສຶກສາໃໝ່ເຂົ້າຮຽນ 5.920 ຄົນ

      7/17/2024 4:48:14 PM

      ຂປລ. ໃນສົກສຶກສາ 2024-2025 ນີ້, ມະຫາວິທະຍາໄລແຫ່ງຊາດ (ມຊ) ມີແຜນຈະຮັບເອົານັກສຶກສາໃໝ່ ເຂົ້າຮຽນຈຳນວນ 5.920 ຄົນ ເຊິ່ງຈະຈະດໍາເນີນການສອບເສັງໃນວັນທີ 10 ສິງຫາ 2024 ນີ້. ປັດຈຸບັນ, ມຊ ມີຫລັກສູດການຮຽນທັງໝັດ 244 ຫລັກສູດ.

    • ສະຖານທູດລາວ ປະຈຳ ຫວຽດນາມ ສະຫລຸບ ວຽກຄຸ້ມຄອງການສຶກສາລາວ ສົກປີ 2023-2024 ສຶກສາ-ກິລາ

      ສະຖານທູດລາວ ປະຈຳ ຫວຽດນາມ ສະຫລຸບ ວຽກຄຸ້ມຄອງການສຶກສາລາວ ສົກປີ 2023-2024

      7/16/2024 6:17:09 PM

      ຂປລ. ເມື່ອບໍ່ດົນມານີ້, ສະ​ຖານເອກ​ອັກ​ຄະ​ລັດ​ຖະ​ທູດ​ລາວ ປະ​ຈຳ ສ​ສ ຫວຽດ​ນາມ ​ຈັດກອງ​ປະ​ຊຸມ ​ສະຫລຸບ​ວຽກ​ງານ ການ​ຄຸ້ມ​ຄອງ​ການ​​ສຶກ​ສາ​ລາວ ສົກ​​ປີ 2023-2024 ແລະ ວາງ​ທິດ​ທາງແຜນ​ການ ສົກ​ປີ 2024-2025 ຢູ່​ໂຮງ​ຮຽນ​ມະ​ຫາ​ວິ​ທະ​ຍາ​ໄລ ກິວລອງ ແຂວງຫວິງລອງ ສ​ສ ຫວຽດ​ນາມ ໂດຍມີ ທ່ານ ສຳ​ລານ ພັນ​ຄະ​ວົງ ຮອງ​ລັດ​ຖະ​ມົນ​ຕີ​ກະ​ຊວງ​ສຶກ​ສາ​ທິ​ການ ແລະ ກິ​ລາ ແຫ່ງ ສປປ ລາວ, ທ່ານ ຄຳ​ຕັນ ສົມ​ວົງ ທີ່​ປຶກ​ສາ​ສຶກ​ສາ-ວັດ​ທະ​ນະ​ທຳ ສະ​ຖານ​ທູດ​ລາວ​ ປະ​ຈຳ ສ​ສ ຫວຽດ​ນາມ, ທ່ານ ຫງວຽນ ວັນ​ຟຸກ ຮອງ​ລັດ​ຖະ​ມົນ​ຕີກະ​ຊວງ​ສຶກ​ສາ ແລະ ກໍ່​ສ້າງ​ພະ​ນັກ​ງານ​ຫວຽດ​ນາມ, ທ່ານ ຫງວຽນ ທິກວຽນ​ແທັກ ຮອງປະ​ທານ​ສະ​ພາ​ປະ​ຊາ​ຊົນ​ແຂວງຫວິງ​ລອງ, ມີຜູ້​ອຳ​ນວຍ​ການ​ໂຮງ​ຮຽນ​ມະ​ຫາ​ວິ​ທະ​ຍາ​ໄລ ກິວລອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

    • ເລີ່ມຈັດຕັ້ງປະຕິ ບົດຮຽນຝຶກເວົ້າພາສາລາວ ທົ່ວປະເທດ ໃນສົກຮຽນ 2024-2025ສຶກສາ-ກິລາ

      ເລີ່ມຈັດຕັ້ງປະຕິ ບົດຮຽນຝຶກເວົ້າພາສາລາວ ທົ່ວປະເທດ ໃນສົກຮຽນ 2024-2025

      7/12/2024 10:41:02 PM

      ຂປລ. ກະຊວງສຶກສາທິການ ແລະ ກິລາ (ສສກ) ຮ່ວມກັບລັດຖະບານ ອົດສະຕຣາລີ ໂດຍຜ່ານແຜນງານ ປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານ ໃນ ສປປ ລາວ (ແຜນງານບິຄວາ) ຈັດກອງປະຊຸມສະຫລຸບ ກ່ຽວກັບການທົດລອງ ສື່ການຮຽນ-ການສອນ ຝຶກເວົ້າພາສາລາວ ໃຫ້ນັກຮຽນ ຂັ້ນ ປ1 ເວົ້າພາສາອື່ນ ທີ່ບໍ່ແມ່ນພາສາລາວ ເປັນຫລັກໃນຄອບຄົວ ໃນວັນທີ 11 ກໍລະກົດ 2024 ທີ່ນະຄອນຫລວງວຽງຈັນ

    • ປະທານປະເທດຫວຽດນາມ ຢ້ຽມຢາມ  ໂຮງຮຽນສອງພາສາ ລາວ-ຫວຽດນາມ ຫວງຽນຢູສຶກສາ-ກິລາ

      ປະທານປະເທດຫວຽດນາມ ຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ

      7/12/2024 10:15:11 PM

      ຂປລ. ໃນໂອກາດການຢ້ຽມຢາມທາງລັດຖະກິດທີ່ ສປປ ລາວ, ວັນທີ 12 ກໍລະກົດ 2024 ນີ້, ສະຫາຍ ໂຕ ເລິມ ປະທານປະເທດແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ໄປຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ ໂດຍການຕ້ອນຮັບຂອງ ທ່ານ ນາງ ສີວັນເຮືອງ ເພັງຄໍາໄມ ຜູ້ອໍານວຍການ ໂຮງຮຽນສອງພາສາ ລາວ-ຫວຽດນາມ ຫວງຽນຢູ.

    • ລັດຖະບານເຢຍລະມັນ ສະໜັບສະໜູນ ວຽກງານສົ່ງເສີມອາຫານທ່ຽງໃນໂຮງຮຽນສຶກສາ-ກິລາ

      ລັດຖະບານເຢຍລະມັນ ສະໜັບສະໜູນ ວຽກງານສົ່ງເສີມອາຫານທ່ຽງໃນໂຮງຮຽນ

      7/2/2024 4:40:41 PM

      ຂປລ. ພິທີເຊັນບົດບັນທຶກການຮ່ວມມື ລະຫວ່າງ ກະຊວງສຶກສາທິການ ແລະ ກິລາ ແລະ ລັດ ຖະບານເຢຍລະມັນ ຈັດ​ຂຶ້ນ​ໃນວັນທີ 2 ກໍລະກົດ 2024 ທີ່ນະຄອນຫລວງວຽງຈັນ ແນໃສ່ສະໜັບສະໜູນເຄືອຂ່າຍ ຄວາມປອດໄພທາງສັງຄົມ ກໍຄື ວຽກງານສົ່ງເສີມ ອາຫານທ່ຽງໃນໂຮງຮຽນ, ລວມທັງ ການສົ່ງເສີມການຜະລິດກະສິກຳທ້ອງຖິ່ນ ເພື່ອສະໜອງສະບຽງອາຫານ ໃຫ້ໂຮງຮຽນຢ່າງຕໍ່ເນື່ອງ ແນໃສ່ຫລຸດຜ່ອນຄວາມທຸກຍາກໃນເຂດຊົນນະບົດ

ads
ads

Top