ການຂຸດຄົ້ນພະພຸດທະຮູບ ຢູ່ດອນເຜິ້ງຄໍາ ໄລຍະ 2 ສາມາດຄົ້ນພົບເພີ່ມອີກ 78 ອົງ

22/05/2024 14:55
Email Print 204
ຂປລ ຂປລ. ການຂຸດຄົ້ນພະພຸດທະຮູບ ຢູ່ດອນເຜິ້ງຄໍາ ເມືອງຕົ້ນເຜິ້ງ ແຂວງບໍ່ແກ້ວ ໃນໄລຍະ 2 ໂດຍເລີ່ມລົງມື້ຂຸດຄົ້ນມາແຕ່ວັນທີ 8 ພຶດສະພາ, ມາຮອດ ວັນທີ 20 ພຶດສະພາ 2024 ສາມາດຂຸດຄົ້ນ ພະພຸດທະຮູບໄດ້ ທັງໝົດເພີ່ມອີກ 78 ອົງ. ໃນຂະນະທີ່ໄລຍະທີ 1 ເລີ່ມຂຸດຄົ້ນແຕ່ວັນທີ 16 ມີນາ ຫາ 16 ເມສາ 2024 ສາມາດຄົ້ນພົບພະພຸທະຮູບ ທັງໝົດ 204 ອົງ ເຊິ່ງສ່ວນຫລາຍແມ່ນພະພຸດທະຮູບ ທອງສໍາລິດ ປາງຊະນະມານ.



ຂປລ. ການຂຸດຄົ້ນພະພຸດທະຮູບ ຢູ່ດອນເຜິ້ງຄໍາ ເມືອງຕົ້ນເຜິ້ງ ແຂວງບໍ່ແກ້ວ ໃນໄລຍະ
2 ໂດຍເລີ່ມລົງມື້ຂຸດຄົ້ນມາແຕ່ວັນທີ 8 ພຶດສະພາ, ມາຮອດ ວັນທີ 20 ພຶດສະພາ 2024 ສາມາດຂຸດຄົ້ນ ພະພຸດທະຮູບໄດ້ ທັງໝົດເພີ່ມອີກ 78 ອົງ. ໃນຂະນະທີ່ໄລຍະທີ 1 ເລີ່ມຂຸດຄົ້ນແຕ່ວັນທີ 16 ມີນາ ຫາ 16 ເມສາ 2024 ສາມາດຄົ້ນພົບພະພຸທະຮູບ ທັງໝົດ 204 ອົງ ເຊິ່ງສ່ວນຫລາຍແມ່ນພະພຸດທະຮູບ ທອງສໍາລິດ ປາງຊະນະມານ. ໃນນີ້, ມີພະພຸດທະຮູບ ອົງທີ່ສົມບູນ ເປັນຈໍານວນຫລາຍ ແລະ ອົງທີ່ບໍ່ສົມບູນຈໍານວນໜຶ່ງ.



ທ່ານ ທອງລິດ ຫລວງໂຄດ ຮອງຫົວໜ້າກົມມໍລະດົກ ກະຊວງຖະແຫລງຂ່າວ
, ວັດທະນະທຳ ແລະ ທ່ອງທ່ຽວ ທັງເປັນນັກບູຮານວິທະຍາ ໃຫ້ສຳພາດຕໍ່ນັກຂ່າວສຳນັກຂ່າວສານປະເທດລາວ ໃນວັນທີ 21 ພຶດສະພາ 2024 ນີ້ວ່າ: ການຂຸດຄົ້ນພະພຸດທະຮູບ ໄລຍະທີ 2 ໄດ້ເລີ່ມລົງມືຂຸດຄົ້ນ ມາແຕ່ວັນທີ 8 ພຶດສະພາ ມາຮອດວັນທີ 20 ພຶດສະພາ 2024 ສາມາດຂຸດຄົ້ນ ພະພຸດທະຮູບ ໄດ້ທັງໝົດ 78 ອົງ, ອັນທີ່ພົ້ນເດັນ ໃນວັນທີ 16 ພຶດສະພາ 2024 ນີ້, ໄດ້ຄົ້ນພົບພະເຈົ້າໃຫຍ່ປາງຊະນະມານ ທອງສຳລິດ ຫລື ເອີ້ນວ່າ ພະປະທານ ອົງທຳອີດ ທີ່ໃຫຍ່ທີ່ສຸດ ແລະ ໃນວັນທີ 21 ພຶດສະພານີ້, ໃນເວລາ 12:00 ໂມງ ໄດ້ຂຸດພົບ ຈອມເກດພະເຈົ້າໃຫຍ່ ຕື່ມອີກ ເຊິ່ງວັດແທກແລ້ວ ພໍດີ ກັບສຽນ ຂອງພະເຈົ້າໃຫຍ່ ທີ່ຄົ້ນພົບ ເຊິ່ງເປັນນິມິດໝາຍອັນດີ ໃຫ້ແກ່ ພິທີແຫ່ພະເຈົ້າໃຫຍ່ປາງຊະນະມານ ທອງສຳລິດ ຫລື ພະປະທານ ແລະ ພະພຸດທະຮູບອື່ນໆທິ່ຄົ້ນພົບ ຈາກຈຸດພັກໄວ້ ຢູ່ແຄມນ້ຳຂອງດອນເຜິ້ງຄຳ ໄປປະດິດສະຖານ ໄວ້ຢູ່ວັດທອງທິບ ພັດທະນາຣາມ ຫລື ວັດບ້ານໃຫຍ່ຕົ້ນເຜິ້ງ ເມືອງຕົ້ນເຜິ້ງ ແຂວງບໍ່ແກ້ວ ໃນວັນທີ 22 ພຶດສະພາ 2024 ນີ້ ເຊິ່ງກົງກັບເດືອນ 6 ລາວຂຶ້ນ 15 ຄ່ຳ ເລີ່ມແຕ່ເວລາ 17:00 ໂມງ ເປັນຕົ້ນໄປ. ພະພຸດທະຮູບທີ່ຄົ້ນພົບ ທັງໝົດ ທັງໄລຍະ 1 ແລະ ໄລຍະ ຈະໄດ້ອັນເຊີນໄປປະດີດສະຖານ ໄວ້ຢູ່ວັດທອງທິບພັດທະນາຣາມ ທຸກອົງ.



ທ່ານ ທອງລິດ ຫລວງໂຄດ ຍັງໃຫ້ຮູ້ອີກວ່າ: ສຳລັບ ແຜນການໃນຕໍ່່ໜ້າ ຈະສືບຕໍ່ຂຸດຄົ້ນ ໂດຍນຳໃຊ້ເຕັກນິກ ຕາມວິຊາການ ຫລື ຜູ້ຊ່ຽວຊຽນດ້ານການຂຸດຄົ້ນ ແລະ ຈະຂຶ້ນທະບຽນບັນຊີ ພະພຸຸດທະຮູບ ແຕ່ລະອົງ ໃຫ້ເປັນອັນລະອຽດ ແລະ ຈະສ້າງຫໍພິພິທະພັນ ເຊິ່ງຄາດວ່າ ຈະສ້າງຢູ່ບໍລິເວນ ໃກ້ກັບວັດທອງທິບ ພັດທະນາຣາມ
ເພື່ອນຳເອົາພະພຸດທະຮູບ ໄປປະດິດສະຖານໄວ້ ໃຫ້ມວນຊົນ ທັງພາຍໃນ ແລະ ຕ່າງປະເທດ ໄດ້ເຂົ້າໄປ ກາບໄຫວ້, ສັກກະລະບູຊາ, ສຶກສາຄົ້ນຄວ້າ, ຮຽນຮູ້ ປະຫວັດ ສາດ, ວັດທະນະທຳ ອັນເປັນມູນເຊື້ອ ຂອງຊາດ ລາວເຮົາ.

ຂ່າວ: ທະນູທອງ

KPL

ຂ່າວອື່ນໆ

    • ສະຫລອງຄົບຮອບ 30 ປີ ວັນສ້າງຕັ້ງ ກຸ່ມບໍລິສັດດີເອັມ ຈຳກັດ ຜູ້ດຽວວັດທະນະທຳ-ສັງຄົມ

      ສະຫລອງຄົບຮອບ 30 ປີ ວັນສ້າງຕັ້ງ ກຸ່ມບໍລິສັດດີເອັມ ຈຳກັດ ຜູ້ດຽວ

      6/12/2024 2:08:56 PM

      ຂປລ. ທ້າຍອາທິດຜ່ານມາ, ບໍລິສັດ ດີເອັມ ຈຳກັດ ຜູ້ດຽວ ຈັດງານລ້ຽງສະເຫລີມສະຫລອງ ຄົບຮອບ 30 ປີ ວັນສ້າງຕັ້ງ ກຸ່ມບໍລິສັດ ດີເອັມ ຈຳກັດ ຜູ້ດຽວ ໂດຍການໃຫ້ກຽດເຂົ້າຮ່ວມ ຂອງ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ທ່ານ ວັນໄຊ ຟອງສະຫວັນ ເຈົ້າແຂວງ ແຂວງຄຳມ່ວນ, ມີຄະນະຜູ້ບໍລິຫານ, ພະນັກງານ ແລະ ລູກຄ້າ ຂອງບໍລິສັດ ດີເອັມ ຈຳກັດ ຜູ້ດຽວ ເຂົ້າຮ່ວມ.

    • ໂຮງຮຽນເຫລົ່າຮົບສື່ສານ 205  ຈັດກິດຈະກຳປູກຕົ້ນໄມ້ ແລະ ປ່ອຍປາວັດທະນະທຳ-ສັງຄົມ

      ໂຮງຮຽນເຫລົ່າຮົບສື່ສານ 205 ຈັດກິດຈະກຳປູກຕົ້ນໄມ້ ແລະ ປ່ອຍປາ

      6/12/2024 2:02:47 PM

      ຂປລ. ໂຮງຮຽນເຫລົ່າຮົບສື່ສານ 205 ຮ່ວມກັບ ສູນກາງແນວລາວສ້າງຊາດ ຈັດກິດຈະກຳປູກຕົ້ນໄມ້ ແລະ ປ່ອຍປາ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ຄົບຮອບ 44 ປີ (1 ມິຖຸນາ 1980-1 ມິຖຸນາ 2024) ໂດຍການເຂົ້າຮ່ວມຂອງ ທ່ານ ອ໋ອດ ພົງສະຫວັນ ຮອງປະທານສູນກາງແນວລາວສ້າງຊາດ ພ້ອມຄະນະ

    • ສຽງຈາກໄວໜຸ່ມເພື່ອຢຸດຕິຄວາມບໍ່ສະເໝີພາບທາງເພດວັດທະນະທຳ-ສັງຄົມ

      ສຽງຈາກໄວໜຸ່ມເພື່ອຢຸດຕິຄວາມບໍ່ສະເໝີພາບທາງເພດ

      6/11/2024 1:20:19 PM

      ຂປລ. ​ເມື່ອ​ບໍ່​ດົນ​ມາ​ນີ້, ອົງແພລນສາກົນ ປະຈຳ ສປປ ລາວ ແລະ ບໍລິສັດລາວນິວເວບຊິເນມາ ຮ່ວມມືກັນ​ເພື່ອຢຸດຕິພຶດຕິກຳ ທີ່ສົ່ງຜົນຮ້າຍຕໍ່ສັງຄົມ ແລະ ຄວາມບໍ່ສະເໝີພາບທາງເພດ ໃນ ສປປ ລາວ ​ໂດຍ​ເລິ່ມມາແຕ່ປີ 2021. ຜ່ານການແຂ່ງຂັນວິດີໂອສົ່ງເສີມສັງຄົມ ຫລື PSA ໄດ້ເສີມສ້າງຄວາມເຂັ້ມແຂງ ແລະ ທັກສະການຜະລິດວີດີໂອໃຫ້ແກ່ໄວໜຸ່ມ ແລະ ນັກສ້າງຮູບເງົາທີ່ໜຸ່ມນ້ອຍ ເພື່ອຂັບເຄື່ອນປ່ຽນແປງທາງສັງຄົມ ແລະ ສ້າງຄວາມຮັບຮູ້ກ່ຽວກັບບັນຫາຄວາມບໍ່ສະເໝີພາບທາງເພດ.

    • ສະພາປະຊາຊົນຂັ້ນແຂວງໄດ້ຮັບ ອຸປະກອນໄອທີ ແລະ ຮັບໃຊ້ວຽກງານວັດທະນະທຳ-ສັງຄົມ

      ສະພາປະຊາຊົນຂັ້ນແຂວງໄດ້ຮັບ ອຸປະກອນໄອທີ ແລະ ຮັບໃຊ້ວຽກງານ

      6/10/2024 3:22:32 PM

      ຂປລ. ພິທີມອບ-ຮັບອຸປະກອນໄອຊີທີ ແລະ ພາຫະນະ ໃຫ້ແກ່ສະພາປະຊາຊົນຂັ້ນແຂວງ (ສພຂ) ທົ່ວປະເທດ ລວມມູນຄ່າ 702.696 ໂດລາສະຫະລັດ ຈັດຂຶ້ນໃນວັນທີ 7 ມິຖຸນາ ຜ່ານມາ ຢູ່ສະພາແຫ່ງຊາດ ໂດຍການສະໜັບສະໜູນຈາກ ອົງການພັດທະນາສາກົນ ຂອງສະຫະລັດອາເມລິກາ (USAID) ແລະ ອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ສປປ ລາວ

    • ລາຍນາກ ໃນຜືນຜ້າລາວ ເປັນສັນຍາລັກຄວາມອົດທົນຂອງແມ່ຍິງລາວວັດທະນະທຳ-ສັງຄົມ

      ລາຍນາກ ໃນຜືນຜ້າລາວ ເປັນສັນຍາລັກຄວາມອົດທົນຂອງແມ່ຍິງລາວ

      6/10/2024 1:36:51 PM

      ດັ່ງທີ່ເຮົາຮູ້ນໍາກັນແລ້ວວ່າຫັດຖະກໍາຕໍ່າແຜ່ນ ແມ່ນສິລະປະວັດທະນາທໍາທີ່ສວຍງາມ ທີ່ຄຽງຄູ່ກັບແມ່ຍິງລາວມາແຕ່ດົນນານ ເຊິ່ງມັນສະແດງເຖິງຄວາມອົດທົນພະຍາຍາມ ເພາະກ່ອນຈະອອກມາເປັນແພຜືນໜຶ່ງບໍ່ແມ່ນເລື່ອງງ່າຍ ຕ້ອງໄດ້ຜ່ານຫລາຍຂັ້ນຕອນຕ້ອງໃຊ້ສີໄມ້ລາຍມື ແລະ ຫົວຄິດປະດິດສ້າງໃນການຖັກທໍ ແລະ ການອອກແບບລວດລາຍທີ່ສ່ອງແສງເຖິງສິລະປະວັດທະນະທໍາ ແລະ ການດໍາລົງຊິວິດຂອງປະຊາຊົນລາວ.

ads
ads

Top