ແຂວງຊຸງຊອງນຳໂດ ສ ເກົາຫລີ ມອບລົດອຳບູລັງ 17 ຄັນ ໃຫ້ ສປປ ລາວ

14/05/2024 19:10
Email Print 624
ຂປລ ຂປລ. ພິທີມອບ-ຮັບ ລົດອຳບູບລັງ (Ambulance) ຈາກ ແຂວງຊຸງຊອງນໍາໂດ ສ ເກົາຫລີ ຈໍານວນ 17 ຄັນ ພ້ອມດ້ວຍອຸປະກອນໂປເຈັກເຕີ ແລະ ເຄື່ອງດັບເພີງ ລວມມູນຄ່າ ທັງໝົດ 498.226 ໂດລາສະຫະລັດ ມອບໃຫ້ ກະຊວງແຮງງານ ແລະ ສະຫວັດດີການສັງຄົມ, ຂະແໜງການ, ອົງການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງ ເພື່ອນໍາໄປຮັບໃຊ້ວຽກງານຂອງແຕ່ລະພາກສ່ວນ ໃຫ້ເກີດປະໂຫຍດສູງສຸດ.



ຂປລ. ພິທີມອບ-ຮັບ ລົດອຳບູບລັງ (
Ambulance) ຈາກ ແຂວງຊຸງຊອງນໍາໂດ ສ ເກົາຫລີ ຈໍານວນ 17 ຄັນ ພ້ອມດ້ວຍອຸປະກອນໂປເຈັກເຕີ ແລະ ເຄື່ອງດັບເພີງ ລວມມູນຄ່າ ທັງໝົດ 498.226 ໂດລາສະຫະລັດ ມອບໃຫ້ ກະຊວງແຮງງານ ແລະ ສະຫວັດດີການສັງຄົມ, ຂະແໜງການ, ອົງການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງ ເພື່ອນໍາໄປຮັບໃຊ້ວຽກງານຂອງແຕ່ລະພາກສ່ວນ ໃຫ້ເກີດປະໂຫຍດສູງສຸດ. ຈັດຂຶ້ນໃນວັນທີ 13 ພຶດສະ ພາ 2024 ທີ່ກະຊວງ ແຮງງານ ແລະ ສະຫັວດດີການສັງຄົມ(ຮສສ) ໂດຍມີ ທ່ານ ດຣ ຢູ ຮຽນຊຸກ ປະທານສະມາຄົມສິລະປະ ແລະ ແລກປ່ຽນວັດທະນະທຳແຊຣິງ, ທ່ານ ໂກກ ວັງຈອງ ຫົວໜ້າພະແນກດັບເພີງ ແຂວງຊູງຊອງນຳໂດ ແຫ່ງ ສ ເກົາຫລີ, ມີພາກສ່ວນກ່ຽວຂ້ອງ ສອງຝ່າຍເຂົ້າຮ່ວມ.



ໂອກາດນີ້,
  ທ່ານ ລີປ່າວ ຢ່າງ ໄດ້ຕາງໜ້າໃຫ້ກະຊວງແຮງງານ ແລະ ສະຫວັດດການສັງຄົມ ກໍຄືລັດຖະ ບານ ແຫ່ງ ສປປ ລາວ ໄດ້ສະແດງຄວາມຍ້ອງຍໍຊົມເຊີນ ແລະ ຕີລາຄາສູງ ຕໍ່ການຊ່ວຍເຫລືອ ຂອງສະມາຄົມສິລະປະ ແລະ ແລກປ່ຽນວັດທະນະທຳແຊຣິງ ແຫ່ງ ສ ເກົາຫລີ ແລະ ສະຖານີປ້ອງກັນ ແລະ ຄວບຄຸມດັບເພີງ ແຂວງ ຊູງຊອງນຳໂດ ແຫ່ງ ສ ເກົາຫລີ ທີ່ໃຫ້ການຊ່ວຍເຫລືອໃນຄັ້ງນີ້ ກໍຄື ໄລຍະຜ່ານມາ ເຊິ່ງເປັນປະກອບສ່ວນອັນສໍາຄັນ ເຂົ້າໃນການອໍານວຍຄວາມສະດວກ ໃຫ້ແກ່ການບໍລິການ ແລະ ໃຫ້ການຊ່ວຍເຫລືອ ປະຊາຊົນ ແລະ ສັງຄົມ ໃຫ້ມີປະສິດທິຜົນ ດີກວ່າເກົ່າ ແລະ ພ້ອມທັງໃຫ້ຄໍາໝັ້ນສັນຍາວ່າ ພວກເຮົາ ຈະປົກປັກຮັກສາ
, ຄຸ້ມຄອງ ແລະ ນໍາໃຊ້ ພາຫະນະ ພ້ອມອຸບປະກອນ ເຫລົ່ານີ້ ໃຫ້ມີປະສິດທິຜົນສູງສຸດ.



ໃນໄລຍະຜ່ານມາ ສະມາຄົມສິລະປະ ແລະ ແລກປ່ຽນວັດທະນະທຳແຊຣິງ ແລະ ຂະແໜງການດັບເພີງ ແຂວງຊູງຊອງນຳໂດ ແຫ່ງ ສ ເກົາຫລີ ກໍເຄີຍໃຫ້ການຊ່ວຍລົດອໍາບູລັງ ຈໍານວນ
15 ຄັນ ໃນປີ 2023 ແລະ ອຸປະກອນເຄື່ອງໃຊ້ຫ້ອງການຄອມພິວເຕີ ຈໍໍານວນໜຶ່ງ ໃຫ້ແກ່ ສປປ ລາວ, ກະຊວງແຮງງານ ແລະ ສະຫວັດດີການສັງຄົມ ກໍໄດ້ປະຕິບັດບົດບາດເປັນຈຸດປະສານງານ ໃນການປະສານສົມທົບກັບ ບັນດາຂະແໜງການຂັ້ນສູນກາງ ແລະ ອົງການປົກຄອງທ້ອງຖິ່ນ ເພື່ອແຈກຢາຍ ພາຫະນະ ແລະ ອຸປະກອນ ດັ່ງກ່າວ ໄປໃຫ້ພາກສ່ວນກ່ຽວຂ້ອງ ນໍາເອົາໄປນໍາໃຊ້ ຕາມສະພາບ ແລະ ເງື່ອນໄຂ ຂອງແຕ່ລະພາກສ່ວນ ບົນພື້ນຖານເຈດຕະນາລົມ ຂອງແຂວງຊູງຊອງນຳໂດ.

ຂໍ້ມູນ: ຂ່າວສານ ຮສສ

KPL

ຂ່າວອື່ນໆ

    • ລາວ ເປີດສາຍການບິນ ໃນພາກໃຕ້ລາວເຊື່ອມຈອດກັບຈີນການເມືອງ

      ລາວ ເປີດສາຍການບິນ ໃນພາກໃຕ້ລາວເຊື່ອມຈອດກັບຈີນ

      5/22/2024 7:11:56 PM

      ສປປ ລາວ ເປີດສາຍການບິນລະຫວ່າງປະເທດຈາກນະຄອນປາກເຊ ແຂວງຈໍາປາສັກ ໄປເຖິງກວາງໂຈ່ວ, ສປ ຈີນ ເພື່ອສົ່ງເສີມການທ່ອງທ່ຽວລາວ ແລະ ຍັງເປັນການຊຸກຍູ້ການພັດທະນາເສດຖະກິດ-ສັງຄົມພາຍໃນແຂວງດັ່ງກ່າວ ຈະສາມາດເຊື່ອມໂຍງເຊື່ອມຈອດພາກໃຕ້ຂອງ ສປປ ລາວ ກັບ ປະເທດ ກໍາປູເຈຍ, ໄທ, ຫວຽດນາມ.

    • ລັດຖະບານລາວ ປະດັບຫລຽນໄຊ ໃຫ້ ກົງສຸນກິດຕິມະສັກຂອງ ລາວ ປະຈຳ ລີບັງການເມືອງ

      ລັດຖະບານລາວ ປະດັບຫລຽນໄຊ ໃຫ້ ກົງສຸນກິດຕິມະສັກຂອງ ລາວ ປະຈຳ ລີບັງ

      5/22/2024 4:14:01 PM

      ຂປລ. ໃນວັນທີ 21 ພຶດສະພາ 2024 ຜ່ານມາ, ທ່ານ ສະເຫລີມໄຊ ກົມມະສິດ ຮອງນາ ຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບ ແລະ ຕາງໜ້າ ໃຫ້ລັດຖະບານລາວ ປະດັບຫລຽນໄຊມິດຕະພາບ ໃຫ້ແກ່ ທ່ານ ຊັກ ຢູເຊັບ ໂຮກາແຢມ (Mr. Jacques YOUSESEF HOKAYEM) ກົງສຸນກິດຕິມະສັກ ຂອງ ສປປ ລາວ ປະຈຳ ລີບັງ

    • ກຊສ ຫວນຄືນວັນສໍາຄັນຂອງພັກ ຂອງຊາດການເມືອງ

      ກຊສ ຫວນຄືນວັນສໍາຄັນຂອງພັກ ຂອງຊາດ

      5/22/2024 4:06:18 PM

      ຂປລ. ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ຈັດປາຖະກະຖາ ວັນຜ່າວົງປິດລ້ອມ ຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ແລະ ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7/5/1954-7/5/2024) ໃນວັນທີ 22 ພຶດສະພາ 2024

    • ຜູ້ແທນອົງການ ອອປສ ເຂົ້າຢ້ຽມຂໍ່ານັບຮອງຫົວໜ້າ ອົງການໄອຍະການປະຊາຊົນສູງສຸດ ສສ ຫວຽດນາມການເມືອງ

      ຜູ້ແທນອົງການ ອອປສ ເຂົ້າຢ້ຽມຂໍ່ານັບຮອງຫົວໜ້າ ອົງການໄອຍະການປະຊາຊົນສູງສຸດ ສສ ຫວຽດນາມ

      5/22/2024 3:49:14 PM

      ຂປລ. ຕອນບ່າຍວັນທີ 21 ພຶດສະພາ 2024, ຄະນະຜູ້ແທນ ອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ນໍາໂດຍ ສະຫາຍ ບຸນທ່ຽງ ວິໄລວົງ ຮັກສາການຫົວໜ້າຫ້ອງການອົງ ການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງຽນ ກວາງຢຸ້ງ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນໂອກາດເດີນທາງ ຢ້ຽມຢາມ ແລະ ເຮັດວຽກຢ່າງເປັນທາງການ ລະຫວ່າງ ວັນທີ 20-24 ພຶດສະພາ 2024 ທີ່ ສສ ຫວຽດນາມ.

    • ຫ້ອງການ ອອປສ ລາວ-ຫວຽດນາມ ຮ່ວມແລກປ່ຽນບົດຮຽນການເມືອງ

      ຫ້ອງການ ອອປສ ລາວ-ຫວຽດນາມ ຮ່ວມແລກປ່ຽນບົດຮຽນ

      5/22/2024 3:40:34 PM

      ຂປລ. ຄະນະຜູ້ແທນອົງການ ໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະຜູ້ແທນອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ພົບປະແລກປ່ຽນບົດຮຽນວຽກງານຫ້ອງການ, ວຽກງານ ຂ່າວທາງເວບໄຊ, ວາລະສານ ແລະ ຂ່າວໜັງສືພິມ ໃນວັນທີ 21 ພຶດສະພາ 2024 ຢູ່ຮ່າໂນ້ຍ ແຫ່ງ ສສ ຫວຽດນາມ

ads
ads

Top