ຂປລ
ຂປລ. ກອງປະຊຸມປຶກສາຫາລືທາບທາມ ຄວາມເປັນໄປໄດ້ໃນການຈັດກອງປະຊຸມ ເວທີສື່ມວນຊົນອາຊຽນ ຄັ້ງທີ 8 ທີ່ນະຄອນຫລວງວຽງຈັນ ຈັດຂຶ້ນໃນວັນທີ 8 ພຶດສະພາ 2024 ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໂດຍການເປັນປະທານຂອງ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ມີບັນດາຫົວໜ້າສື່ຕ່າງໆ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂປລ. ກອງປະຊຸມປຶກສາຫາລືທາບທາມ ຄວາມເປັນໄປໄດ້ໃນການຈັດກອງປະຊຸມ ເວທີສື່ມວນຊົນອາຊຽນ ຄັ້ງທີ 8 ທີ່ນະຄອນຫລວງວຽງຈັນ ຈັດຂຶ້ນໃນວັນທີ 8 ພຶດສະພາ 2024 ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໂດຍການເປັນປະທານຂອງ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ມີບັນດາຫົວໜ້າສື່ຕ່າງໆ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ໂພສີ ແກ້ວມະນີວົງ ໄດ້ມີຄຳເຫັນວ່າ: ກອງປະຊຸມໃນຄັ້ງນີ້, ຈະໄດ້ປຶກສາຫາລືກັນໃນຂັ້ນເບື້ອງຕົ້ນ ກ່ຽວກັບຄວາມເປັນໄປໄດ້ ໃນການຈັດກອງປະຊຸມ ເວທີສື່ມວນຊົນອາຊຽນ ຄັ້ງທີ 8 ທີ່ນະ ຄອນຫລວງວຽງຈັນ ເຊິ່ງກະຊວງການຕ່າງປະເທດ ສະເໜີທາບທາມ ໃຫ້ຈັດໃນໄຕມາດທີ 3 ຫລື 4 ປີ 2024 ທີ່ນະຄອນຫລວງວຽງຈັນ ໂດຍອາດຈະຈັດໃນໄລຍະກອງປະຊຸມ ລັດຖະມົນຕີຕ່າງປະເທດອາຊຽນ ໃນເດືອນກໍລະກົດ 2024 ຫລື ໃນໄລຍະກອງປະຊຸມສຸດຍອດອາຊຽນ ໃນເດືອນຕຸລາ 2024 ຫລື ຈະຈັດແຍກຕ່າງຫາກ.
ໃນກອງປະຊຸມໄດ້ປຶກສາຫາກັນ ກ່ຽວກັບການກຳນົດເວລາ, ຮູບແບບ ແລະ ເນື້ອໃນ ເຊິ່ງໃນຂັ້ນຕອນຕໍ່ໄປ ຕ້ອງໄດ້ສົບທົບກັບ ກະຊວງການຕ່າງປະເທດ ແລະ ກອງເລຂາອາຊຽນ ເພື່ອຄົ້ນຄວ້າແຜນວຽກ, ແຜນບຸກຄະລະກອນ ແລະ ແຜນງົບປະມານ ເພື່ອຈັດຕັ້ງປະຕິບັດໃຫ້ຊັດເຈນ.
ທ່ານຮອງລັດຖະມົນຕີກະຊວງ ຖວທ ຍັງໃຫ້ຮູ້ອີກວ່າ: ກອງປະຊຸມເວທີສື່ມວນຊົນອາຊຽນ ຄັ້ງທີ 7 ແມ່ນຈັດຂຶ້ນໃນປະເທດອິນໂດເນເຊຍ ໃນປີ 2023 ພາຍໃຕ້ຫົວຂໍ້ “ບັນຫາຂອງອາຊຽນ ຈຸດໃຈກາງຂອງການພັດທະນາ” ໂດຍໄດ້ເຊີນນັກຂ່າວ 40 ກວ່າຄົນ ຈາກປະເທດອາຊຽນ ເຂົ້າຮ່ວມ.
ຂ່າວ: ສົມຫວັງ
ພາບ: ອ່າຍຄໍາ
KPL
