ຂປລ
ຂປລ. ຜູ້ທີ່ມີຄວາມສ່ຽງສູງ ຈາກມົນລະພິດທາງອາກາດ ຫລື PM2.5 ແມ່ນເດັກນ້ອຍ, ຜູ້ອາຍຸສູງ, ແມ່ຍິງຖືພາ, ຜູ້ທີ່ເປັນພະຍາດຫອບຫືດ, ພະຍາດປອດຊໍາເຮື້ອ (COPD), ອາການພູມແພ້ທາງເດີນຫາຍໃຈ, ຄວາມດັນເລືອດສູງ, ໄຂມັນໃນເສັ້ນເລືອດ, ພະຍາດເບົາຫວານ, ພະຍາດອ້ວນ, ລະບົບຫລອດເລືອດຊຸດໂຊມ.
ຂປລ. ຜູ້ທີ່ມີຄວາມສ່ຽງສູງ ຈາກມົນລະພິດທາງອາກາດ ຫລື PM2.5 ແມ່ນເດັກນ້ອຍ, ຜູ້ອາຍຸສູງ, ແມ່ຍິງຖືພາ, ຜູ້ທີ່ເປັນພະຍາດຫອບຫືດ, ພະຍາດປອດຊໍາເຮື້ອ (COPD), ອາການພູມແພ້ທາງເດີນຫາຍໃຈ, ຄວາມດັນເລືອດສູງ, ໄຂມັນໃນເສັ້ນເລືອດ, ພະຍາດເບົາຫວານ, ພະຍາດອ້ວນ, ລະບົບຫລອດເລືອດຊຸດໂຊມ. ຜູ້ທີ່ເຮັດວຽກ ຫລື ອາໄສຢູ່ເຂດທີ່ມີມົນລະພິດ ໃນລະດັບສູງຢ່າງຕໍ່ເນື່ອງ ກໍອາດຈະໄດ້ຮັບຜົນກະທົບຮ້າຍແຮງຂຶ້ນ.
ສຳລັບ ດັດຊະນີຄຸນນະພາບອາກາດ (AQI) ຈະມີຫລາຍລະດັບທີ່ບົ່ງບອກເຖິງ ມົນລະພິດທາງອາກາດ ເຊິ່ງ ຄວາມອັນຕະລາຍ ແລະ ວິທີປ້ອງກັນຂອງຄົນແຕ່ລະກຸ່ມກໍເຊັ່ນດຽວກັນ.
ສະເພາະກຸ່ມທີ່ມີຄວາມສ່ຽງສູງ: ຖ້າຄ່າຂອງດັດຊະນີຄຸນນະພາບອາກາດສູງເກີນກວ່າ 51, ທ່ານຄວນຫລຸດຜ່ອນການໃຊ້ເວລາອອກໄປກາງແຈ້ງ, ໃສ່ຜ້າອັດປາກ-ດັງ N95, ຖ້າທ່ານມີເງື່ອນໄຂຄວນໃຊ້ເຄືອງຟອກອາກາດພາຍໃນເຮືອນ ແລະ ຄວນເຮັດຄວາມສະອາດປ່ຽນແຜງຟອກອາກາດ ເພື່ອໃຫ້ແນ່ໃຈວ່າເຄື່ອງນັ້ນຍັງເຮັດວຽກໄດ້ດີ; ຫລີກລ່ຽງພື້ນທີ່ໆມີນສັນຈອນໜາແໜ້ນ, ເຂດທີ່ມີຝຸ່ນລະອອງໃນການກໍ່ສ້າງ, ເຂດທີ່ມີການເຜົາໄໝ້; ຄວນໄປໃຊ້ຖະໜົນ ແລະ ເສັ້ນທາງທີ່ບໍ່ມີການຈາລາຈອນແອອັດ ຫລື ໄລຍະລົດແລ່ນບໍ່ຫລາຍ ເພື່ອຫລີກລ່ຽງມົນລະພິດຈາກການສັນຈອນ.
ເມື່ອມີອາການຫາຍໃຈຍາກ, ວິນຫົວ-ປວດຮາກ, ເຈັບໜ້າເອິກ, ອາການລະຄາຍເຄືອງຕາ ແລະ ຄໍຢ່າງຮຸນແຮງໃຫ້ໄປປຶກສາແພດ ຫລື ໄປໂຮງໝໍໃກ້ບ້ານທ່ານ.
ຂໍ້ມູນ-ພາບ: ສູນຂ່າວສານການແພດສຸຂະສຶກສາ
KPL