ຕາດຟານ-ຕາດເຢືອງ ຈຸດນັດພົບຍອດນິຍົມຂອງນັກທ່ອງທ່ຽວ

03/04/2024 05:45
Email Print 426
ຂປລ ນໍ້າຕົກຕາດຟານ-ຕາດເຍືອງເປັນໜຶ່ງໃນຫລາຍນໍ້າຕົກຕາດທີ່ມີຊື່ສຽງໂດ່ງດັງ ແລະ ໃນຮັບຄວາມນິຍົມໃນອາຊຽນ ເຊິ່ງປັດຈຸບັນມັນກາຍເປັນຈຸດ ໝາຍປາຍທາງຂອງນັກທ່ອງທ່ຽວພາຍໃນ ແລະ ຕ່າງປະເທດທີ່ມີຄົນເຂົ້າໄປຢ້ຽມຢາມສະເລ່ຍ 800-1.000 ຄົນຕໍ່ມື້.

      *ນໍ້າຕົກຕາດຟານ-ຕາດເຍືອງເປັນໜຶ່ງໃນຫລາຍນໍ້າຕົກຕາດທີ່ມີຊື່ສຽງໂດ່ງດັງ ແລະ ໃນຮັບຄວາມນິຍົມໃນອາຊຽນ ເຊິ່ງປັດຈຸບັນມັນກາຍເປັນຈຸດໝາຍປາຍທາງຂອງນັກທ່ອງທ່ຽວພາຍໃນ ແລະ ຕ່າງປະເທດທີ່ມີຄົນເຂົ້າໄປຢ້ຽມຢາມສະເລ່ຍ 800-1.000 ຄົນຕໍ່ມື້.ດັ່ງທີ່ຮູ້ນໍາກັນໃນປີ 2023 ຜ່ານມານີ້, ນໍ້າຕົກຕາດເຍືອງຫາກໍໄດ້ຮັບລາງວັນການທ່ອງທ່ຽວແບບຍືນຍົງຂອງອາຊຽນ (ASTA) ຄັ້ງທີ 3 ຈັດຂຶ້ນທຸກໆ 2 ປີ ເພື່ອສະໜັບສະໜູນການຈັດຕັ້ງປະຕິບັດແຜນຍຸດທະສາດການທ່ອງທ່ຽວຂອງອາຊຽນ 2016-2025. ນ້ຳຕົກຕາດເຍືອງໄດ້ຮັບລາງວັນຄັ້ງນີ້ ອັນເນື່ອງມາຈາກຜົນສຳເລັດຂອງການພັດທະນາແຫລ່ງທ່ອງທ່ຽວແບບຍືນຍົງອ້ອມຂ້າງນ້ຳຕົກ.


     ໂດຍສະເພາະຜູ້ປະກອບການຮ່ວມກັບອຳນາດການປົກຄອງ ໄດ້ຊຸກຍູ້ໃຫ້ບັນດາຊຸມຊົນທີ່ອາໄສຢູ່ໃກ້ນ້ຳຕົກສ້າງວຽກເຮັດງານທໍາ, ຜະລິດຜັກປອດສານພິດ ແລະ ກິດຈະກໍາອື່ນໆ ເພື່ອຂາຍໃຫ້ນັກທ່ອງທ່ຽວ, ຕິດພັນກັບການສົ່ງເສີມຮີດຄອງປະເພນີ ແລະ ຮັກສາໄວ້ຄວາມເປັນເອກະລັກໄວ້ ເພື່ອດຶງດູດນັກທ່ອງທ່ຽວ ແລະ ຊ່ວຍໃຫ້ປະຊາຊົນທ້ອງຖິ່ນມີລາຍຮັບເພີ່ມຂຶ້ນ.ນ້ຳຕົກຕາດຟານ, ເຖິງແມ່ນວ່າອາດຈະຍັງບໍ່ໄດ້ຮັບລາງວັນໃນເວທີສາກົນ ຫລື ລາງວັນອາຊຽນກໍຕາມຫາກປຽບທຽບກັບນໍ້າຕົກຕາດອື່ນໆ ຖືວ່ານໍ້າຕົກແຫ່ງນີ້ບໍ່ເປັນສອງຮອງນໍ້າຕົກໃດໆໃນ ສປປ ລາວ ແລະ ຍັງມືຊື່ສຽງໂດ່ງດັງຂ້າມນໍ້າຂ້າມທະເລໄປເຖິງອາຊຽນເຊັ່ນກັນ ໂດຍສະເພາະນັກທ່ອງທ່ຽວຈາກປະເທດໄທ, ຫວຽດນາມ, ເກົາຫລີ, ຈີນ, ເອີຣົບ ມັກຈະມາຢ້ຽມຢາມສະຖານທ່ີນ້ໍາຕົກແຫ່ງນ້ີເມ່ືອມີໂອ ກາດໄດ້ມາລາວ.ນ້ຳຕົກຕາດຟານ (ຕາດ ຄືນ້ຳຕົກຟານ ຄື ຊື່ຂອງສັດປ່າຊະນິດໜຶ່ງ) ນ້ຳຕົກຕາດຟານ ຫລື ຮຽກອີກຊື່ໜຶ່ງວ່າ ນ້ຳຕົກຕາດດົງຫົວສາວ ນ້ຳຕົກຕາດຟານແຫ່ງນີ້ເປັນນ້ຳຕົກຕາດ ທີ່ສູງທີ່ສຸດຂອງປະເທດລາວມີຄວາມສູງປະມານ 200 ແມັດ, ມີນໍ້າ 2 ສາຍ (ຫ້ວຍບັ້ງລຽງ ແລະ ຫ້ວຍຈິບ) ຕົກໃສ່ກັນ, ບັນຍາກາດ ໂດຍຮອບຂອບນ້ຳຕົກຕາດຟານເປັນສະພາບອາກາດຊຸ່ມຊື່ນໜາວເຢັນຕະຫລອດປີ.

      ຕາດຟານຕັ້ງຢູ່ເຂດບ້ານຫລັກ 38 ກຸ່ມ 3 ເມືອງປາກຊ່ອງ ແຂວງ ຈຳປາສັກ, ຫ່າງຈາກເທສະບານ ເມືອງດັ່ງກ່າວໄປທາງທິດຕາເວັນອອກປະມານ 12 ກິໂລແມັດ.ທ່ານ ສວນສະຫວັນ ເຮືອງວົງສາ ຜູ້ບໍລິຫານແຫລ່ງທ່ອງທ່ຽວທໍາມະຊາດນໍ້າຕົກຕາດຟານຣີສອດ ໄດ້ລາຍງານທ້າຍເດືອນຜ່ານມານີ້ວ່າ: ເພື່ອກະກຽມຄວາມພ້ອມໃນການຕ້ອນຮັບນັກທ່ອງທ່ຽວທີ່ມາທ່ຽວຊົມໂດຍສະເພາະໃນໄລຍະບຸນປີໃໝ່ລາວ ພວກເຮົາໄດ້ມີການປັບປຸງຫລາຍດ້ານຕົ້ນຕໍແມ່ນປັບປຸງສະຖານທີ່ຈອດລົດໃຫ້ກວ້າງຂວາງ, ສະອາດສວຍງາມ, ປັບປຸງເສັ້ນທາງເຂົ້າ-ອອກໃຫ້ມີຄວາມສະດວກ, ປັບປຸງດ້ານການບໍລິຫານ-ຈັດການໃຫ້ມີຄວາມວ່ອງໄວ. ນອກນີ້ກໍປັບປຸງຈຸດຊົມວິວ ແລະ ສະລິງໃຫ້ມີຄວາມແໜ້ນໜາ, ສາມາດຮັບປະກັບຄວາມປອດໄພແກ່ນັກທ່ອງທ່ຽວ. ທ່ານ ສວນສະຫວັນ ເຮືອງວົງສາ ໃຫ້ຮູ້ຕື່ມວ່າ: ກິດຈະກໍາທີ່ໂດດເດັ່ນຢູ່ແຫລ່ງທ່ອງທ່ຽວທໍາມະຊາດ ນໍ້າຕົກຕາດຟານ ແມ່ນການຂີ່ສະລິງ, ການດ່ືມກາເຟກາງເວຫາຊົມວິວທິວທັດທໍາມະຊາດທ່ີສວຍສົດງົດງາມ ຢູ່ອ້ອມຮອບບໍລິເວນນໍ້າຕົກຕາດ ແລະ ອຸທິຍານດົງຫົວສາວ, ຊົມນ້ຳຕົກຕາດທີ່ສວຍງາມ. ນອກນີ້, ແຫລ່ງທ່ອງທ່ຽວທໍາມະຊາດນໍ້າຕົກຕາດຟານຍັງບໍລິການສະຖານທີ່ພັກແຮມ ເຊິ່ງກໍ່ສ້າງໃຫ້ກົມກືນກັບທໍາມະຊາດ, ສາມາດຮັບຮອງນັກທ່ອງທ່ຽວໄດ້ 40 ຄົນ/ຄືນ. ມີບໍລິການດ້ານອາຫານ, ກາເຟ ແລະ ເຄື່ອງດື່ມທຸກປະເພດ, ມີກິດຈະກໍານໍາພາຍ່າງປ່າຊົມທຳມະຊາດ ແລະ ຄວາມອຸດົມສົມບູນຂອງອຸທິຍານດົງຫົວສາວ. ຍ້ອນແນວນັ້ນ, ຖ້າວ່າແຂກກໍຄືນັກທ່ອງທ່ຽວທັງພາຍໃນ ແລະ ຕ່າງປະເທດ ຜູ້ທ່ີມີເງ່ືອນໄຂກໍຂໍເຊີນຊວນທຸກທ່ານມາທ່ອງທ່ຽວແຂວງຈໍາປາສັກ, ມາທ່ຽວຊົມແຫລ່ງທ່ອງທ່ຽວນໍ້າຕົກຕາດຟານ ແລະ ແຫລ່ງທ່ອງທ່ຽວແຫ່ງອື່ນໆພາຍໃນເມືອງປາກຊ່ອງ.

ໂດຍ: ເກີດຂວັນໃຈ ມາລີຈັນສີ

KPL

ຂ່າວອື່ນໆ

    • ນັກທ່ອງທ່ຽວເລີ່ມຈອງຫ້ອງພັກ ຢ່່່າງໜ້າແໜ້ນຢູ່ຫລວງພະບາງອາຊຽນ ASEAN

      ນັກທ່ອງທ່ຽວເລີ່ມຈອງຫ້ອງພັກ ຢ່່່າງໜ້າແໜ້ນຢູ່ຫລວງພະບາງ

      4/11/2024 5:52:19 AM

      ນັກທ່ອງທ່ຽວພາຍໃນ ແລະ ຕ່າງປະເທດເລີ່ມຈອງເຮືອນພັກ, ໂຮງແຮມຢ່າງໜາແໜ້ນແລ້ວເພື່ອມາສະຫລອງບຸນປີໃໝ່ລາວ ໂດຍສ່ວນໃຫຍ່ແມ່ນັກທ່ອງທ່ຽວຈາກ ໄທ, ຈີນ, ອາເມລິກາ, ເອີຣົບ, ເກົາ ຫລີ ແລະ ຊາດອື່ນໆ ແລະ ຄາດວ່າໃນໄລຍະບຸນປີໃໝ່ລາວນີ້ຈະມີນັກທ່ອງທ່ຽວເຂົ້າມາຫລິ້ນເມືອງມໍລະ ດົກໂລກບໍ່ຕໍ່າກວ່າ 4 ແສນຄົນ.

    • ເສດຖະກິດຈີນ ຈະເຕີບໂຕ 5,3% ໃນປີ 2024ອາຊຽນ ASEAN

      ເສດຖະກິດຈີນ ຈະເຕີບໂຕ 5,3% ໃນປີ 2024

      4/10/2024 12:47:38 PM

      ຫ້ອງການຄົ້ນຄວ້າ ເສດຖະກິດ ມະຫາພາກ ອາຊຽນ ກັບ ສປ ຈີນ, ຍີ່ປຸ່ນ ແລະ ສ.ເກົາຫລີ ຫລື AMRO ໄດ້ເປີດເຜີຍ ບົດລາຍງານ “ການຈ້ອງມອງເບິ່ງ ເສດຖະກິດພາກພື້ນອາຊຽນ ກັບ ຈີນ ຍີ່ປຸ່ນ ແລະ ສ.ເກົາຫລີ ປີ 2024” ຢູ່ສິງກະໂປ.

    • ສປ ຈີນ-ອາຊຽນ ຮ່ວມມືກັນເພື່ອປົກປ້ອງສັນຕິພາບ-ສະຖຽນລະພາບໃນພາກພື້ນອາຊຽນ ASEAN

      ສປ ຈີນ-ອາຊຽນ ຮ່ວມມືກັນເພື່ອປົກປ້ອງສັນຕິພາບ-ສະຖຽນລະພາບໃນພາກພື້ນ

      4/8/2024 4:39:43 PM

      ທ່ານ ປຣາໂບໂວ ຊຸບຽນໂຕ, ປະທານາທິບໍດີ ອິນໂດເນເຊຍ ທີ່ໄດ້ຮັບການເລືອກຕັ້ງ, ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ ທັງເປັນ ລັດຖະມົນຕີ ກະຊວງການຕ່າງປະເທດລາວ, ທ່ານ ບຸຍແທັງເຊິນ ລັດຖະມົນຕີ ກະຊວງ ການຕ່າງປະເທດ ຫວຽດນາມ, ທ່ານ ເບັນດີໂຕ ເຟຣຕັສ ລັດຖະມົນຕີ ກະຊວງການຕ່າງປະເທດ ຕີມໍແລັດສະເຕ ແລະ ສົມເດັດ ພະກະນິດຖາທິຣາດເຈົ້າ ກົມສົມເດັດ ພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ແຫ່ງ ຣາຊະອານາຈັກໄທ ໄດ້ເດີນທາງມາຢ້ຽມຢາມ ສປ ຈີນ ຕາມລຳດັບ

    • ບໍລິສັດ ພູເບ້ຍມາຍນິ້ງ ສົ່ງເສີມການເຮັດວຽກໃຫ້ແຮງງານລາວອາຊຽນ ASEAN

      ບໍລິສັດ ພູເບ້ຍມາຍນິ້ງ ສົ່ງເສີມການເຮັດວຽກໃຫ້ແຮງງານລາວ

      4/8/2024 10:29:20 AM

      ບໍລິສັດ ພູເບ້ຍມາຍນິ້ງແມ່ນໜຶ່ງໃນບໍລິສັດຕົວແບບທີ່ດີ ແລະ ມີຊື່ສຽງໂດ່ງດັງໃນພາກພື້ນ-ສາກົນ ເຊິ່ງຕະຫລອດ 20 ກວ່າປີ ໄດ້ປະ ກອບສ່ວນເຂົ້າໃນການພັດທະນາເສດຖະກິດ-ສັງຄົມ, ແກ້ໄຂຄວາມທຸກຍາກ ແລະ ສ້າງວຽກເຮັດງານທໍາໃຫ້ປະຊາຊົນລາວບັນດາເຜ່ົາ.

    • ນັກທ່ອງທ່ຍວໄທ ນັ່ງລົດໄຟໄປທ່ຽວຈີນ ເພີ່ມຂຶ້ນ 7,5 ເທົ່າອາຊຽນ ASEAN

      ນັກທ່ອງທ່ຍວໄທ ນັ່ງລົດໄຟໄປທ່ຽວຈີນ ເພີ່ມຂຶ້ນ 7,5 ເທົ່າ

      4/8/2024 10:20:39 AM

      ບາງທັດສະນະຂອງຜູ້ປະກອບການທຸລະກິດຂົນສົ່ງສີນຄ້າ ແລະ ນັກວິເຄາະເສດຖະກິດຈາກປະເທດ ເພື່ອນບ້ານ (ໄທ) ຕໍານິ ແລະ ຕອບ ໂຕ້ຕໍ່ບາງສື່ມະໂນພາບອ້າງວ່າ “ລາວຈະຕິດກັບດັກໜີ້ຂອງຈີນ ຍ້ອນໂຄງການເສັ້ນທາງລົດໄຟ”.

ads
ads

Top