ປະເທດ ເປຣູ

28/04/2025 14:01

Email Print 195

ຂປລ ປະເທດເປຣູ (Peru) ທີ່ມີຊື່ທາງການຄື ສາທາລະນະລັດ ເປຣູ(Republic Of Peru), ມີນະຄອນຫລວງຊື່ວ່າ ລີມາ(Lima), ຕັ້ງຢູ່ທາງຕາເວັນຕົກຂອງທະວີບ ອາເມລິກາໃຕ້ ມີຊາຍແດນທິດເໜືອຕິດກັບ ເອກວາດໍ ແລະ ໂກໂລມບີ , ທິດຕາເວັນອອກຕິດກັບ ບຣາຊິນ ແລະ ໂບລີວີ, ທິດໃຕ້ຕິດກັບ ຊີເລ ແລະ ທິດຕາເວັນຕົກຕິດກັບ ມະຫາສະໝຸດປາຊີຟິກ. ມີເນື້ອທີ່ທັງໝົດ1.285.000 ກິໂລຕາແມັດ, ກວມເອົາປະຊາກອນ 33,85 ລ້ານຄົນ(ໃນປີ 2023)

ປະເທດເປຣູ (Peru) ທີ່ມີຊື່ທາງການຄື ສາທາລະນະລັດ ເປຣູ(Republic Of Peru), ມີນະຄອນຫລວງຊື່ວ່າ ລີມາ(Lima), ຕັ້ງຢູ່ທາງຕາເວັນຕົກຂອງທະວີບ ອາເມລິກາໃຕ້ ມີຊາຍແດນທິດເໜືອຕິດກັບ ເອກວາດໍ ແລະ ໂກໂລມບີ , ທິດຕາເວັນອອກຕິດກັບ ບຣາຊິນ ແລະ ໂບລີວີ, ທິດໃຕ້ຕິດກັບ ຊີເລ ແລະ ທິດຕາເວັນຕົກຕິດກັບ ມະຫາສະໝຸດປາຊີຟິກ. ມີເນື້ອທີ່ທັງໝົດ1.285.000 ກິໂລຕາແມັດ, ກວມເອົາປະຊາກອນ 33,85 ລ້ານຄົນ(ໃນປີ 2023), ໃຊ້ພາສາສະເປນ ເປັນພາສາທາງການ; ສະກຸນເງິນແມ່ນ ນວຍໂວໂຊລ (nuevo sol), ປະຊາຊົນສ່ວນໃຫຍ່ຖືສາສະໜາ ຄຣິສນິກາຍ ໂຣມັນຄາທໍລິກ ກວມເອົາ 81% ແລະ ນິກາຍອື່ນໆ 10%. ສ່ວນວັນຊາດແມ່ນວັນທີ 28 ກໍລະກົດ. ປະເທດ ເປຣູ ແລະ ປະເທດ ສ.ປປລາວ ໄດ້ສ້າງຕັ້ງສາຍພົວພັນ ທາງການທູດຮ່ວມກັນ ນັບແຕ່ວັນທີ 27.4.1989 ເປັນຕົ້ນມາ ຫລັງຈາກນັ້ນ ສອງປະເທດ ກໍໄດ້ເພີ່ມທະວີຮ່ວມມືກັນ ໃຫ້ນັບມື້ຂະຫຍາຍຕົວ ຢ່າງແໜ້ນແຟ້ນ ແລະ ບໍ່ຢຸດຢັ້ງ.

ເປຣູ ມີນະໂຍບາຍເສດຖະກິດ ແບບເສລີນິຍົມ ແນໃສ່ການເປີດເສລີ ທາງການຄ້າ ແລະ ເສດຖະກິດ, ເປັນປະເທດທີ່ມີອຸດົມສົມບູນ ເຕັມໄປດ້ວຍຊັບພະຍາກອນແຮ່ທາດ ທີ່ສຳຄັນຫລາຍສະນິດຈຶ່ງກາຍເປັນຜູ້ຜະລິດແຮ່ທາດ ຂະໜາດໃຫຍ່ຂອງໂລກເຊັ່ນ: ກົ່ວ, ທອງແດງ, ສັງກະສີ, ດີບຸກ ແລະ ເງິນ, ນ້ຳມັນ ແລະ ແກັສທຳມະຊາດ. ໂດຍລວມຍອດຜະລິດຕະພັນພາຍໃນປະເທດ(GDP) ບັນລຸ 267,6 ຕື້ໂດລາສະຫະລັດ(ໃນປີ 2023), ສະເລ່ຍຕໍ່ຫົວຄົນເກືອບ 8.000 ໂດລາສະຫະລັດຕໍ່ປີ; ອັດຕາການຈະເລີນເຕີບໂຕທາງເສດຖະກິດ -0,6% ຕໍ່ປີ. ສິນຄ້າທີ່ສົ່ງອອກຕົ້ນແມ່ນ ທອງແດງ, ຄຳ, ສັງກະສີ, ປິໂຕລຽມດິບ ແລະ ຜະລິດຕະພັນປິໂຕລຽມ, ກາເຟ. ສິນຄ້າທີ່ນຳເຂົ້າເຊັ່ນ: ຜະລິດຕະພັນເຄມີ, ຢາງ, ເຄື່ອງຈັກ, ຍານພາຫະນະ, ອຸປະກອນ ຄົມມະນາຄົມ ແລະ ອຶ່ນໆ. ສ່ວນປະເທດຄູ່ການຄ້າທີ່ສຳຄັນມີ: ສປຈີນ, ການາດາ, ເມັກຊິກ, ເອກວາດໍ, ບຣາຊິນ ແລະ ຍີ່ປຸ່ນ ຕາມລຳດັບ.

ນອກນີ້ ຍັງມີສະຖານທີ່ທ່ອງທ່ຽວ ອັນສວຍງາມ ໂດຍສະເພາະ ເມືອງກຸສໂກ(Cusco) ເປັນເມືອງທ່ອງທ່ຽວ ທີ່ມີຊື່ສຽງ ເຊັ່ນ: ມາຊູປິກຊູ; ພລາຊ່າ ເດອາຣມາສ ແຫ່ງກຸສໂກ ມີຂະໜາດໃຫຍ່ກາງເມືອງ ອ້ອມຮອບໄປດ້ວຍສະ ຖານທີ່ສຳຄັນຫລາຍແຫ່ງຄື: ຮ້ານອາຫານ, ຮ້ານຄ້າ, ຮ້າຍຂາຍເຄື່ອງປະດັບ, ຕົວແທນທຸລະກິດການທ່ອງທ່ຽວ ແລະ ວິຫານກຸສໂກ ອື່ນໆ ທີ່ເປັນແຫລ່ງດຶງດູດ ນັກທ່ອງທ່ຽວ ທັງພາຍໃນ ແລະ ຕ່າງປະເທດໃຫ້ເຂົ້າມາ ທ່ຽວຊົມຢ່າງຫລວງຫລາຍ./.

ໂດຍ: ດາວັນ

KPL

ອາຊຽນ ASEAN
ຄະນະຜູ້ແທນລາວ ເຂົ້າຮ່ວມກອງປະຊຸມສະພາ ປະຊາຄົມວັດທະນະທຳ-ສັງຄົມອາຊຽນ ຄັ້ງທີ 33
4/28/2025 9:27:05 AM
ຂປລ. ໃນລະຫວ່າງວັນທີ 22-26 ເມສາ 2025 ທີ່ເມືອງກຸຈິງ ແຂວງສາລະວັກ ປະເທດມາເລເຊຍ, ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແຫ່ງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມສະພາປະຊາຄົມ ວັດທະນະທຳ-ສັງຄົມອາຊຽນ ຄັ້ງທີ 33
ອາຊຽນ ASEAN
ປະເທດ ສປຈີນ
4/25/2025 11:59:37 AM
ປະເທດຈີນ(China) ມີຊື່ຢ່າງເປັນທາງການວ່າ: ສາທາລະນະລັດ ປະຊາຊົນຈີນ(People’s Republic of China), ມີນະຄອນ ຫລວງ ຊື່ວ່າ: ປັກກິ່ງ, ຈີນ ເປັນລັດເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີ ປະຊາກອນ ຫລາຍທີ່ ສຸດໃນໂລກ 1,411 ຕື້ກວ່າຄົນ(ໃນປີ 2023)
ອາຊຽນ ASEAN
ນະໂຍບາຍພາສີຂອງສ.ອາເມລິກາ ສ້າງຜົນກະທົບຕໍ່ການຄ້າໃນພາກພື້ນ-ສາກົນ
4/10/2025 4:34:33 PM
ອາຊຽນ ໄດ້ຈັດກອງປະຊຸມ ລັດຖະມົນຕີ ເສດຖະກິດ ອາຊຽນ ຜ່ານທາງວິດີໂອ, ເພື່ອປຶກສາ ຫາລືວ່າ ຈະເຮັດແນວໃດ ເພື່ອຮັບມືກັບ ນະໂຍບາຍ ພາສີ ຫລ້າສຸດ ຂອງ ສ.ອາເມລິກາ ແລະ ໄດ້ອອກຖະແຫລງການຮ່ວມ ຫລັງກອງປະຊຸມ.
ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.
ອາຊຽນ ASEAN
ປະເທດ ບັງກລາເທດ
3/24/2025 6:23:08 PM
ເນື່ອງໃນໂອກາດ ວັນຊາດຂອງປະເທດ ບັງກລາເທດ(Bangladesh) ຫລື ຊື່ທາງການຄື ສາທາລະນະລັດປະຊາຊົນ ບັງກລາເທດ (People’s Republic Of Bangladesh) ໃນວັນທີ 24 ມີນາ, ຊຶ່ງເປັນ ປະເທດ ໃນອາຊີໃຕ້, ມີຊາຍແດນທິດເໜືອ, ທິດຕາເວັນຕົກ ແລະ ທິດຕາເວັນອອກ ຕິດກັບ ອິນເດຍ ສ່ວນທິດໃຕ້ຕິດກັບ ອ່າວເບງກອນ ແລະ ຕາເວັນອອກສ່ຽງໃຕ້ ຕິດກັບ ມຽນມາ.