ຂປລ
ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 27 ມີນາ 2024 ນີ້, ເມືອງ ໄຊຍະບູລີ ເປີດຝືກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ຊຸດທີ VI ໃຫ້ອົງການປົກຄອງບ້ານ ເຊິ່ງຫລັກສູດການຮຽນ-ການສອນປະກອບມີ 34 ວິຊາ, ມີ 22.5 ໜ່ວຍກິດ
ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 27 ມີນາ 2024 ນີ້, ເມືອງ ໄຊຍະບູລີ ເປີດຝືກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ຊຸດທີ VI ໃຫ້ອົງການປົກຄອງບ້ານ ເຊິ່ງຫລັກສູດການຮຽນ-ການສອນປະກອບມີ 34 ວິຊາ, ມີ 22.5 ໜ່ວຍກິດ, ຮຽນຈົບວິຊາໃດແມ່ນຈະໄດ້ຄົ້ນຄວ້າ ແລະ ສອບເສັງເອົາຄະແນນໄປພ້ອມ.
ໂອກາດນີ້, ທ່ານ ເສນ ພັນລັກ ເລຂາຄະນະບໍລິຫານງານພັກເມືອງ, ວ່າການເຈົ້າເມືອງໄຊຍະບູລີ ໄດ້ເນັ້ນໃຫ້ສຳມະນາກອນ ຈົ່ງພ້ອມກັນຈັດຕັ້ງປະຕິບັດຕາມກົດລະບຽບການຝືກອົບຮົມທີ່ ຄະນະຮັບຜິດຊອບໄດ້ກຳນົດ ແລະ ອົດທົນຊອກຮູ້ຮໍ່າຮຽນໃຫ້ຈົບຕາມຫລັກສູດການຝືກອົບຮົມ, ເຂົ້າຮ່ວມທຸກກິດຈະກຳ, ທຸກຂະບວນການທີ່ກຳນົດໄວ້, ເປັນເຈົ້າການຊອກຮູ້ຮໍ່າຮຽນ ແລະ ແລກ ປ່ຽນປະກອບຄຳຄິດຄຳເຫັນນຳໝູ່ຄູ່ ແລະ ຄູອາຈານ ເພື່ອໃຫ້ໄດ້ບົດຮຽນ ໄປຈັດຕັ້ງປະຕິບັດຢູ່ອົງ ການປົກຄອງບ້ານ ໃຫ້ສົມກັບຄວາມໄວ້ວາງໃຈຂອງຄະນະພັກ, ຄະນະບ້ານ ທີ່ໄດ້ສົ່ງມາຝືກອົບຮົມ ແລະ ໃຫ້ໄດ້ຮັບໃບຢັ້ງຢືນໝົດທຸກຄົນ.
ຂ່າວ-ພາບ: ສົມພົງ ສີສະຫວັດ
KPL
